اعرفى طريقة تحديد الشفايف زى المحترفين

بقلمآية حسان فيمكياج visibility14074

لما تيجى تستخدمى قلم تحديد الشفايف ، افتكرى دايما انه الهدف من تحديد الشفايف فى الماكياج انه يخلى شفايفك شكلها احلى و كمان علشان يخلى الروج يتظبط و يحدد ملامح وشك ، علشان كده بقى تحديد الشفايف مهم جدا دلوقتى فى اى ماكياج تعمليه لاى مناسبة بس الاهم من انك تحددى شفايفك هو انك تحددى شفايفك صح ، اعرفى معانا طريقة تحديد الشفايف زى المحترفين فى 4 خطوات بس.

 طريقة تحديد الشفايف زى المحترفين

لو مش عندك lip liner أو محدد شفايف ممكن تشتريه اونلاين من هنا 

1-  ارسمى خط خفيف : 

من اكتر الغلطات الشائعة لما نيجى نحدد الشفايف هى اننا بنرسم خط تقيل و عريض ، الكريقة دى كانت حتى موضة لفترة ، لكن الشكل ده فى رسم الشفايف غلط خالص . لانه الشكل ده بيخلى الشفايف بارزة زيادة عن اللزوم و بيبقى شكلها مش طبيعى خالص . دايما ارسمى خط تحديد خيف يادوب بيبرز خطوط شفايفك الطبيعية بس. و اهم حاجه انه اللون اللى بترسمى بيه شفايفك ماينفعش ابدا يبقى اغمق من لون الروج اللى بتستخدميه . 

2- التزمى بشكل شفايفك الطبيعى : 

لما تيجى ترسم او تحددى شفايفك مهم جدا انك تلتزمى بشكل شفايفك الطبيعى و انتى بتحددى ، اللى هتعمليه هو انك هتمشى بقلم تحديد الشفايف على خط الشفايف عندك و تمشى بالقلم مع انحناءات الفم بالضبط و تحاولى يبقى الخط اللى بترسميه بنفس سُمك خط تحديد الشفايف، الخطوط العريضة على الشفايف او التغيير فى شكل الشفايف بخلى شكلها مايبانش طبيعى و هتحسي انه وشك متغير ، الهدف من الماكياج انه يظهر جمالنا م انه مايغيرش من شكلنا علشان كده حاولى تظبطى خط القلم على حدود الفم بالضبط علشان يديكى لوك طبيعى و احلى . 

تحديد الشفايف
ارسمى خط خفيف و امشى على خطوط شفايفك الطبيعية

3- استخدمى قلم تحديد الشفايف ال Nude : 

لو انتى مش شاطرة فى تحديد الشفايف او الخط ممكن يطلع منك عريض او مش مظبوط يبقى احسن حل هو انك تبعدى عن اقلام التحديد الملونة و تستخدمى الاقلام ال Nude  او الشفافة علشان لو حتى الخط اللى رسمتيه اتعوج حاجه بيطة او لو جه من عريض مايبانش ، اقلام تحديد الشفايف ال Nude  من تستخدميها كمان على مساحة شفايفك كلها كطبقة اساس او foundation للروج . 

استخدمى قلم تحديد الشفايف ال Nude
استخدمى قلم تحديد الشفايف ال Nude

4- امزجى الخط:

تحديد الشفايف
بأطراف صوابعك ، نعمى الخط اللى رسمتيه

لما تيجى ترسمى خط تحديد الشفايف و بعد ما تمشى على خط الشفايف الطبيعى بتاعها ، بالراحة اوى و بأطراف صوابعك كده امشى على الخط او طبطبى عليه بالراحة علشان تنعميه و مايبقاش بارز، و حاولى تمزجى الخط اللى رسمتيه مع خط شفايفك الطبيعى علشان مايبقاش شكله fake  او بارز زيادة عن اللزوم . و اخر حاجه هتعمليها هى انك هتحطى الروج  بلون يتناسب مع اللوك بتاعك و الللون اللى حددتى بيه شفايفك.

تحديد الشفايف
حطى الروج بلون مناسب

شوفي كمان 10 نصائح لوضع الروج هيفرقوا معاكي 

لو مش عندك lip liner أو محدد شفايف ممكن تشتريه اونلاين من هنا