نصائح مكياج العيون الحساسة
العيون هى دايما اهم جزء فى وشنا لانها هى الجزء اللى بيبرز جمالنا ، و مكياج العيون بيأثر جدا فى اللوك النهائى ليكى و بيخلى المكياج اما يبقى حلو جدا و يبرز جمالك او بيبوظه لو مش مظبوط ، و علشان مكياج العيون دايما مهم كتير مننا بنلاقى صعوبه فى اننا نعمل مكياج عيون محترف او انه يتظبط و ده بسبب انه ممكن تكونى من اصحاب العيون الحساسة و دى هى العيون اللى بتبقى اقل حركة جنبها تخليها تحمر و تلتهب و تفضل تدمع و هتلاحظى ده جدا و انتى بترسمى عيونك بالكحل او الايلينر و طبعا و انتى بتحطى الماسكارا ، و ممكن حتى توصل للدرجة انه عيونك تحرقك و تحمر جدا حتى لو بتستخدمى ماركات مكياج نضيفة و غالية. بس خلاص ماتقلقيش علشان “بنات حوا ” جابتلك الحل ، فى المقال ده هتلاقى نصتيح سهلة و مهمة هتساعدك حتى مكياج العيون لعيونك الحساسة بمنتهى السهولة ..
..نصائح مكياج العيون الحساسة
1- اتخلصى من ادوات المكياج القديمة :
واحده من اهم الحاجات اللى هتساعدك تحطى مكياج العيون بسهولة لعينيكى الحساسة هو انك تتخلصى من ادوات المكياج القديمة و تتأكدى كل فترة من تاريخ صلاحيتها ، خصوصا الماسكار لانها اقل ادولت المكياج عمرا و من اكتر الادوات اللى ممكن تأثر على صحة عينيكى . اعرفى أوقات صلاحية المكياج والأضرار الناجمة عن استعماله بعدها!
2- راجعى الدكتور :
لو لسه بتواجهى نفس الصعوبة حتى بعد ما جددتى ادوات مكياجك يبقى لازم تراجعى دكتور العيون فورا و تستخدمى ادوات مكياج يحددهالك هو و يقولك ان كانت مناسبة لطبيعة عيونك ولا لا ، و حتى لو مش حابة تروحى للدكتور فى ادوات مكياج كتير فى السوق بتبقى مثبتة طبيا و مالهاش اى اضرار على العيون الحساسة زى Loreal paris voluminous original Mascara بس مشكلة النوع ده من ادوات الماكيج انها بتبقى غالية شوية . لكنها مهمة جدا لصحة عينك على المدى الطويل .
3- نضفى فرش المكياج باستمرار :
خطوة مهمة للمحافظة على صحة عيونك الحساسة هى انك تنضفى فرش المكياج باستمرار ، و لازم تنضفيهم بعد كل استخدام و انك تغسليهم على الاقل مرتين فى الاسبوع ، لان الفرش ده بتلامس عينيكى من بره و من جوه علشان كده لازم تبقى نضيفة جدا طول الوقت علشان تتجنبى انها تنقل اى اتربة او جراثيم لعيونك و تتعبك اكتر . شوفى معانا ايه هي أنواع فرش المكياج و استخدامتهم ؟
4- راقبى عينيكى :
لازم تكونى واخدة بالك و انتى بتعملى مكياج عينيكى من انه تكون عينيكى بتحمر او تدمع لما بتيجيى تستخدمى حاجه معينة كل مرة ، يعنى لو مثلا كل مرة بتستخدمى قلم الكحل بتحسى انه عينيكى بتحرقك او انها بتبدأ تحمر او تدمع يقى لازم ماتستهخدميش القلم جده تانى و تجيبى واحد غيره فورا لانه كده القلم ده مش مناسب لعينيكى و ممكن يتعلها جدا و يسببلها التهابات شديدة ، راقبى عينيكى وخدى بالك من الادوات اللى بتستخدميها علشان تعرفى ايه منها اللى بيضر عينيكى و تبدأى تستبدليه .
5- مكياجك ليكى لوحدك :
واحدة من اكبرالغلطات اللى بنعملها و اللى بتأى عيوننا و بشرتنا مع بعض هى اننا ممكن نستخدم ادوات مكياج بتاعة اصحابنا و هما يستخدموا ادواتنا ، و ده غلط جدا لانه استخدام ادوات غير بتاعتك بينقل الامراض و البكتيريا و مكن يسبب تهيح فى العيون و البشرة ، خلى ادواتك لنفسك و ماتستخدميش ادوات حد لانه دى من اهم خطوات الحفاظ على عينيكى و بشرتك . اعرفى معانا كمان 8 غلطات تدمر مكياجك َ!
6- اغسلى وشك :
اخيرا لازم فى نهاية كل يوم تغسلى وشك كويس جدا و تزيلى اى اثر للمكياج حوالين عينيكى ، لانه النوم و المكياج لسه على وشك غلط جدا على بشرتك و خصوصا مكياج العيون لانه ممكن يسببلك حبوب حول منطقة العين خصوصا لو انتى من اصحاب العيون الحساسة و تهيج للبشرة خصوصا لو بتلبسى عدسات . علشان كده ضرورى جدا تغسلى وشك كويس اوى من المكياج قبل النوم.