اكلات تحتوي علي ” زيرو” كالوري
جمال و راقة جسمنا و صحته من الحاجات اللى اكيد بتشغل بالنا طول الوقت ، و كتير بنجرب نعمل ريجيم قاسى او نمشى على انظمة دايت مختلفة و حتى ساعات بنلجأ للدكاترة و حبوب التخسيس و بنضطر نحرم نفسنا من حاجات كتير بنحبها ، علشان كده ” بنات حوا ” هتساعدك فى حل المشكلة دى و تحافظى على وزنك و جسمك من غير تعب او حرمان ،فى المقال ده هنعرفك على خضراوات و فواكه ” زيرو” كالوري لما بتأكليها مش بس مافيهاش سعرت حرارية لكن كمان هتساعدك تخسي ..
اكلات تحتوي علي ” زيرو” كالوري
الخيار :
لو بتعملى ريجيم و بتحسي بالجوع طول الوقت او بتحسى انه الكميات اللى بتأكليها قليلة و مابتشبعش يبقى الخيار هو الحل الافضل بالنسبه لك ، و ده لانه الخيار بيدى شعور كبير بالشبع و بيملأ المعدة ، ده غير انه بيمد الجسم بكميات كبيرة من المياة فبيساعدك على انقاص وزنك و كمان الخيار بيزود الجسم بفيتامينات c و k و البوتاسيوم اللى بيساعد على بناء الانسجة و العضلات . و كمان الخيار من الاطعمة اللى تقريبا مافيهاش ولا سُعر حرارى .
التفاح :
لو لسه طالعه من ريجيم قاسي و ايزة تحافظى على وزنك و مايزيدش ، تفاحة يوميا بتساعدك تحافظى على وزنك و تثبتيه و ده لان قشر التفاح بيحتوى على مركبات بتزود من عمليات الهضم و بتقويها فبتخليكى تحافى على وزنك ، ده غير انه التفاح كمان مافيهوش اى سعرات حرارية .
الكرفس :
الكرفس بيعتبر من الاكلات او الخضروات السحرية ، لانه غير انه بيحتوى على فيتامينات كتيرة زى فيتامين A و K الا انه بيساعد جسمك على الهضم و بيزود من معدلات حرق الدهون بصورة كبيرة جدا ، علشان كده تناول كمية كبيرة من الكرفس فى وجباتك هيساعدك تخسي بشكل ملحوظ و كمان تقدرى تأكلى منه براحتك من غير قلق لانه بيحتوى على ” زيرو” كالوري .
المشمش :
المشمش بيحتوى على عدد قليل جدا من السعرات الحرارية اللى بتقدرى تحرقيها بسهولة و بأقل حركة ، بس مهم يكون جزء من نظامك الغذائى خصوصا لو ماشية على دايت لانه غنى بفيتامينات مهمة زى فيتامينات A , C , E اللى مهم جدا تحافظى على نسبها فى سمك علشان ماتتعبيش من الدايت .
البطيخ :
البطيخ تقريبا مافيهوش ولا سُعر حرارى ، و كمان بيحتوى على احماض امينية مهمة بتساعد على حرق الدهون و التخسيس .
البروكلى و القرنبيط :
البروكلى و القرنبيط من الاطعمه اللى بتحتوى على نسبة فيتامين “سى ” اعلى من الموجودة فى البرتقال ، و بيساعد جدا على حرق الدهون و تنظيم عملية الهضم ، نص كوباية كبيرة من البروكلى فيها 14 سُعر حرارى بس .
الفلفل الاحمر :
الفلفل الاحمر بيعتبر من الخضروات اللى فيها ” زيرو” كالوري ، يعنى بأكلك لاى كمية من الفلفل الاحمر ” الحلو ” جسمك مابيكتسبش اى سعرات حرارية ، ده غير انه الفلفل الاحمر بيقدر يغطى لكتر من 75% من احتياجات جسمك من فيتامين A وكمان غنى بضعف كمية فيتامين C اللى بيحتاجها جسمك يوميا . تناول الفلفل الاحمر لحلو يوميا من الحاجات المهمة جدا اللى لازم تبقى موجودة فى وجباتك اليومية .
الفراولة :
الفراولة غنية جدا بفيتامين C و بتحتوى على سعرات قللة جدا جسمك بيحرقها بسهولة ، و كمان غنية بمضادات الاكدة و بتساعد على تنظيم عملية الهضم و تسريعها و تقليل الوزن .
الخضروات الورقية :
الخضراوات الورقية زى السبانخ ، الملوخية ، الجرجير ، الخص بتحتوى على 4 سعرات حرارية بس ، لكنها مفيدة جدا لجسمك خلال الدايت لانها غنية بفيتامينات مختلفة و معادن مهمة زى الكالسيوم ، الزنك و البوتاسيوم .
الطماطم :
الطماطم من الاطعمة اللى بتحتوى على اكلات تحتوي علي “زيرو كالوري” و بتسهل الهضم و تساعد جسمك على الامتصاص ، ده غير انها مفيدة جدا لانسجة الجلد و بتدى للجلد نضارة و حيوية .
الماشروم :
الماشروم من الاطعمه اللى السعرات الحرارية قليلة فيها بشكل كبير جدا ، و ده لانه كل 3 حبات ماشروم فيهم 15 كالورى بس ، ، ده غير انه غنى جدا بفيامينات متنوهة و بنقدر نلاقيه بسهولة فى اى سوبر ماركت و له طرق ووصفات كتيرة لطبخه .
الشاى و القهوة:
كل انواع الشاى الاحمر او الاخضر او الابيض لو اتشربت من غير سكر و كمان القهوة السادة او النسكافية البلاك من غير سكر بيبقوا ” زيرو” كالوري .