دليلك الكامل لمنتجات ميك اب فورايفر Make Up For Ever

ريهام محمود

في

مكياج

112495

ماركة ميك اب فورايفر Make Up For Ever اصلها فرنسي اسستها الرسامة والنحاتة “داني سانز” وافتتح اول محل ليها سنة 1984 في باريس, وبعدين وصلت الماركة لنيويورك سنة 1995 , وفي سنة 2008 اصدرت الشركة خط جديد من المكياج وهو مكياج ال HD عشان تناسب نجوم السينما والتليفزيون وتواكب التحديثات الجديدة في الكاميرات اللي بتكون عالية الوضوح جدا.

تعالوا نتعرف مع بعض على افضل واشهر منتجات ماركة Make Up For Ever:

– كريم الاساس:

1- Liquid Lift Foundation:

كريم اساس سائل, خالي من الزيوت, وبيعمل تغطية متوسطة للبشرة, بيدي لوك طبيعي وناعم للبشرة وبيرطبها, وبيغطي التجاعيد والخطوط الرفيعة, مناسب للبشرة الجافة والمرهقة, متوفر ب 15 درجة.

2- Mat Velvet Matifying Foundation:

كريم اساس مات بيدي لوك مخملي للبشرة, مضاد للمية, مناسب للبشرة الدهنية والمختلطة والحساسة, بيعمل تغطية كاملة وبيغطي اي عيوب او شوائب على البشرة, ولتغطية اكبر ممكن تحطي منه كذا طبقة خفيفة فوق بعض, متوفر ب 21 درجة.

3- Face & Body Liquid Make Up:

كريم اساس بيداري الخطوط الرفيعة والمسام الواسعة, ومناسب لبشرة الوش والجسم, وبيعمل تغطية كاملة, ضد المية, مناسب للبشرة العادية, متوفر ب 19 درجة.

4- Pro Finish Multi-Use Powder foundation:

النوع ده اتنين في واحد كريم اساس وبودرة مع بعض, مغذي للبشرة وبيرطبها, وبيدي لوك طبيعي, وغير لامع, مناسب للبشرة العادية والمختلطة, متوفر ب 25 درجة.

5- Pan Cake Wet Foundation:

كريم اساس مضغوط مطفي, بيعمل تغطية كاملة وبيداري اي عيوب في البشرة, متوفر ب 9 درجات.

6- Ultra HD Foundation:

كريم اساس سائل, بيعمل تغطية عالية جدا للبشرة وبيداري اي عيوب فيها, وفي نفس الوقت بيدي لوك طبيعي جدا, وبيدوم فترة طويلة, مناسب لجميع انواع البشرة, متوفر ب 40 درجة, ونازل منه نوع تاني اتش دي استيك “Ultra HD Stick Foundation” ومتوفر ب 15 درجة.

– الكونتور:

1- Pro Sculpting Palette 4-in-1 Face Contouring:

بلتة كونتور العلبة فيها 4 درجات, بيعمل نحت مثالي جدا للوش وبيحدده, بيدوم فترة طويلة, وبيداري اي عيوب في البشرة, متوفر منه 4 بلتات بدرجات مختلفة.

2- Sculpting Kit Face Contor:

بودرة للكونتور العلبة فيها درجتين, بتعمل نحت مثالي وسهلة التطبيق على البشرة, مناسبة لكل انواع البشرة, متوفرة منها 4 علب بدرجات مختلفة .

– البودرة:

1- Super Matte Loose Powder:

بودرة سايبة شفافة, ممكن تطبقيها على البشرة لوحدها او بعد كريم الاساس, مناسبة لجميع انواع البشرة, متوفرة ب 5 درجات, الدرجة 0 العاجي بتدي اضاءة للبشرة, درجة 2 وردي باهت بيدي لون وردي للبشرة, درجة 4 باللون الاخضر الفاتح بيداري احمرار البشرة, الدرجة 8 باللون البنفسجي بيدي اضاءة للبشرة الباهتة.

2- HD Microfinish Powder:

بودرة اتش دي معدنية, ممكن تطبقيها لوحدها او بعد كريم الاساس, بتغطي الخطوط الرفيعة على البشرة والمسام الواسعة, متوفرة بدرجة واحدة بس مناسبة لكل الوان البشرة.

السعر : 350 درجة.

3- Velvet Finish Compact Powder:

بودرة مضغوطة, بتدي لوك مخملي وطبيعي للبشرة, متوفرة ب 15 درجة.

4- HD Pressed Powder:

بودرة اتش دي مضغوطة, ممكن تطبقيها لوحدها على البشرة او بعد كريم الاساس, بتعمل تغطية كاملة وبتغطي اي عيوب في البشرة, وفي نفس الوقت بتدي لوك طبيعي, بتداري الخطوط الرفيعة وبتنعم وترطب البشرة, متوفرة بدرجة واحدة بلون شفاف مناسبة لكل الوان البشرة.

– البودرة البرونزية:

Pro Pronzer Fusion:

بتدي لوك برونزي طبيعي جدا للبشرة, بتدوم فترة طويلة, وخفيفة جدا على البشرة, ضد المية, ومن غير لمعة, متوفرة ب 6 درجات.

– الكونسيلر:

1- Camouflage Cream Pot:

بيخفي الهالات والخطوط الرفيعة والانتفاخات تحت العين, وبيرطب منطقة تحت العين, متوفر ب 10 درجات.

2- Full Cover Extreme Camouflage Cream:

كونسيلر مات, ضد المية, بيدوم فترة طويلة, بيعمل تغطية كاملة للهالات السودا والندوب والبقع, وبيستخدم للوش والجسم, متوفر ب 12 درجة.

3- Ultra HD Concealer:

كونسيلر اتش دي بيعمل تغطية عالية جدا للهالات السودا وبيداري علامات التعب حوالين منطقة العين والخطوط الرفيعة, بيحفز الكولاجين في منطقة تحت العين وبيديها اضاءة, متوفر ب 10 درجات.

– البرايمر:

Step 1 Skin Equalizer:

بيضاعف استمرار كريم الاساس على البشرة 3 مرات اكتر, بيداري عيوب البشرة وبيخلي شكلها ناعم ومخملي وبيقلل الخطوط الرفيعة والتجاعيد والمسام الواسعة, بيرطب الجلد وبيغذي البشرة وبيغطي احمرارالبشرة, خالي من الزيوت, بيدوم طول اليوم, متوفر ب 10 درجات, درجة 6 باللون الوردي مناسب للبشرة البيضا اللي مايلة للاصفرار, درجة 7 باللون الازرق للبشرة البيضا المايلة للاصفر ولاحمرار البشرة, درجة 8 باللون الخوخي للبشرة البيضا العادية, درجة 9 باللون الاصفر للبشرة البرونزية, درجة 10 باللون الكراميل للبشرة السمرا, ودرجة 11 باللون البنفسجي للبشرة السمرا المايلة للاصفر.

– البلاشر:

1- HD Blush:

بلاشر كريمي, بيندمج على البشرة بسهولة جدا, بيدوم فترة طويلة, وبيدي اضاءة حلوة جدا للخدين, مناسب لكل انواع البشرة, متوفر ب 16 درجة.

2- Sculpting Blush Powder Blush:

بلاشر بودر مضغوط, خالي من الزيوت, بيدي لوك ولون طبيعي للخدود, مطفي من غير لمعة, متوفر ب 14 درجة.

– الايشادو:

1- Artist Shadows Spring Flower:

بلتة ايشادو فيها 3 الوان وكل لون منه 3 درجات ليه, ومتوفر منها 9 بلتات بدرجات الوان مختلفة.

2- Aqua Cream:

ايشادو كريمي مضيء, ضد المية, فيه جزيئات لؤلؤ بتدي لون غني جدا مع اضاءة, وسهل المزج على جدا على الجفون, متوفر ب 26 درجة.

3- Star Powder:

ايشادو بودر, بيدي اضاءة عالية جدا للبشرة, وسهل تطبيقه, وكمية صغيرة منه بتدي النتايج المطلوبة, وممكن كمان تعملي بيه اضاءة على اماكن معينة في الوش عايزة تظهريها زي عضمة الحاجب او فوق عضمة الخدين, متوفر ب 35 درجة.

– برايمر العين:

Eye Prime:

برايمر بيثت مكياج العيون لاطول فترة, سمك خفيف, سهل المزج على الجلد, ومش بينشف على البشرة وبيداري اي عيوب على الجلد.

– الايلاينر:

1- Graphic Liner:

ايلاينر سهل الرسم بيه جدا, وبيرسم بدقة, وبيدوم فترة طويلة, متوفر بلون واحد اسود.

2- Ink Liner Matte Liquid Eyeliner:

ايلاينر سائل مات, بيساعد على رسم خط رفيع للعين لان الريشة بتاعته رفيعة, بيحدد العين بلون اسود كثيف, بيدوم فترة طويلة, وبينشف على العين بسرعة, متوفر بلون واحد اسود.

3- Kohel Pencil:

قلم كحل ملمسه ناعم جدا, سهل الرسم بيه, ومعمول مخصوص عشان يناسب البشرة الحساسة والرقيقة اللي حوالين العين, وداخل فيه فيتامين E ومزيج من الدهون النباتية, وزيت بذور المانجا, وزيت بذرة القطن, وزيت الجوجوبا, عشان يحافظ على رطوبة المنطقة اللي حوالين العين, متوفر ب 9 الوان.

4- Artist Liner Intense Pay-off Gliding Pencil:

بيرسم خط ايلاينر رفيع جدا وبلون كثيف في نفس الوقت, بيدوم فترة طويلة, متوفر ب 15 لون مات.

5- Pro Waterproof Eyeliner:

ايلاينر سائل, ضد المية, بيدي لون كثيف للعين, وبيدوم طول اليوم, وبيستحمل ظروف الجو زي الحرارة والرطوبة وكمان مش بيسيح من الدموع, وممكن يتطبق على العين بفرش مختلفة حسب سمك خط الايلاينر اللي انتي عايزاه, متوفر بلون واحد وهو الاسود.

6- Cake Eyeliner:

ايلاينر مضغوط, بيطبق بفرشة رطبة, بيدي لون كثيف, وتقدري تتحكمي في الرسمة حسب سمك الخط اللي انتي عايزاه, متوفر بلونين الاسود والبني.

– الماسكارا:

1- Aqua Smoky Extravagant:

ماسكارا سموكي بتدي كثافة وطول للرموش, الفرشة بتاعتها بتسهل تطبيقها على الرموش, ضد المية, بتدوم فترة طويلة.

2- Smoky Lash Extra Black Mascara:

بتضاعف حجم وكثافة الرموش, وبتدي طول للرموش, ومتوفرة ب 5 الوان.

3- Smoky Stretch Lengthening & Defining Mascara:

بتدي طول مضاعف للرموش, وبتدي لون كثيف سموكي للرموش, وفرشتها بتساعد ان الماسكارا تتطبق على اصغر الرموش.

4- Lash Fibers “Lash Primer”:

دي تعتبر قعدة او اساس لطبقة الماسكارا الاساسية يعني هي عبارة عن برايمر للرموش , بتدي طول وحجم اكبر للرموش.

– الرموش الصناعية:

Lash Show:

منزلين مجموعة كبيرة جدا من الرموش الصناعية, منها الانواع اللي بتتركب رمش رمش, والانواع اللي فيها الرمش كله جزء واحد, وبكثافة وطول مختلف, منزلين 49 نوع رموش, وفي منها الوان.

– ادوات رسم الحواجب:

1- Pro Sculpting Brow 3 in 1:

بيحدد وبينحت الحواجب, في تلات خطوات سهلة ناحية بتحطي بيها اللون والناحية التانية مشط وفرشة والخطوة التالتة استخدمي السفنجة عشان تظبطي الرسمة, ومتوفر ب 5 درجات.

2- Aqua Brow:

بيدي لون كثيف للحواجب, وبيملى الفراغات بشكل كامل, ضد المية, وبيدي لوك طبيعي للحواجب, بيدوم طول اليوم, متوفر ب 6 درجات.

ونزل من النوع ده نوع تاني اسمه “Aqua Brow Kit”الاضافة بس انه معاه فرشة عادية وفرشة تانية شبه فرشة الماسكارا عشان يظبط الرسمة اكتر, ومتوفر ب 7 درجات.

3- Brow Seal:

النوع ده جل بيدي كثافة للحواجب, بيدوم طول اليوم.

4- EyeBrow Pencil:

قلم حواجب بيدي لوك كثيف للحواجب عشان كده مناسب جدا للبنات اللي حواجبهم خفيفة, وبيدوم فترة طويلة, وسهل استخدامه ومناسب لكل انواع البشرة, متوفر ب 5 درجات.