اتعرفوا معانا على منتجات ماركة مايبيلين Maybelline

ريهام محمود

في

69873

ماركة مايبيلين Maybelline تعتبر من افضل ماركات المكياج وهي من الماركات اللي اتأسست من زمان جدا تقريبا من سنة 1913 والشركة دي اتأسست بسبب قصة حب كان في بنت اسمها ميبل ويليامز حبت شاب وكانت عايزة تلفت نظره باي طريقة وكان ايامها لسه مافيش مكياج فكانت بتحط هباب من مصباح الزيت على رموشها بدل الماسكارا عشان تخلي لونها اسود فأخوها الصغير توماس قرر انه يساعدها انها تلفت نظر الشخص اللي بتحبه وهو كان بيشتغل صيدلي فأخترع لها مخصوص حاجة تحطها في عينيها وكانت عبارة عن فازلين وغبار الكربون واستخدمتها على رموشها ودي كانت اول ماسكارا, بعدها بسنتين توماس اسس شركة مستحضرات تجميل ولما قرر يسمي الشركة جمع ما بين اسم اخته واسم الفازلين مع بعض وسماها ومن هنا جيه اسم الشركة, بعد ما اتعرفنا على قصة الشركة وتأسيسها هنتعرف مع بعض على منتجات ماركة مايبيلين Maybelline.

– تعالوا نتعرف على كريم اساس ماركة مايبيلين Maybelline :

1- Dream Velvet Foundation :

المنتج ده اول كريم اساس مرطب مطفي بنسبة 100% وبقوام مخملي, الميزة فيه انه مطفي وفي نفس الوقت مش بينشف البشرة وبيدوم 12 ساعة, والنوع ده مناسب للبشرة العادية والمختلطة, وتغطيتة متوسطة, ومتوفر ب12 درجة, ولافضل نتيجة ادمجية بالبلندر ولو مش متوفرة استخدمي سبونج.

2- Superstay Better Skin Foundation :

النوع ده بيخلي البشرة مخملية ومنورة, وبيحتوي على مواد مضادة للأكسدة عشان كده يعتبر مناسب جدا للبشرة الحساسة اوي بشكل خاص وبشكل عام هو مناسب لكل انواع البشرة, والميزة في كريم الاساس ده انه بيقلل من حبوب البشرة والبقع واحمرار البشرة, وبيعمل تغطية من متوسطة لكاملة, ومتوفر ب12 درجة, ولافضل نتيجة ادمجيه على البشرة بصوابعك.

3- Fit Me Matte Poreless Foundation :

النوع ده مطفي, بيداري مسام البشرة الواسعة وبيخلي البشرة ملمسها ناعم وطبيعي وبيمتص دهون البشرة وفي نفس الوقت مش بيسد المسام عشان كده مناسب جدا للبشرة الدهنية ويناسب كمان البشرة العادية, متوفر ب12 درجة, ولافضل نتيجة ادمجيه على البشرة بصوابعك.

4- Instant Age Rewind Foundation:

النوع ده بيوحد لون البشرة, وداخل في مكوناته توت وكافيين بيساعدوا على تحسين حالة الجلد, ده غير ان فيه نسبة حماية من الشمس SPF 18, متوفر ب10 درجات, والافضل نتيجة ادمجيه بصوابعك على البشرة.

5- Dream Smooth Mousse:

الموس بيكون ملمسه كريمي مطفي وبيرطب البشرة وبيدوم 14 ساعة, ومناسب للبشرة العادية والجافة وآمن جدا للبشرة الحساسة, متوفر ب6 درجات, ولافضل نتيجة ادمجيه على البشرة بالبلندر, والنوع ده من الموس نازل منه نوع تاني سايل “Dream Liquid Mousse”, ومتوفر ب12 درجة.

– برايمر مايبيلين Maybelline:

Face Studio Master Prime:

البرايم بيتحط قبل كريم الاساس, بيغطي اي عيوب في البشرة وبينعمها وبيخفي الخطوط الرفيعة, بيوحد لون البشرة, وبيخفي اي احمرار وبينور البشرة, مناسب جدا للبشرة للبشرة الحساسة وبشكل عام مناسب لجميع انواع البشرة ومش بيسد مسام البشرة, وفيه نسبة SPF 30, متوفر ب3 درجات, وممكن يتحط لوحده وممكن يتحط قبل المكياج عشان يثبته اكتر ويدي مظهر احلى للبشرة.

– بودرة مايبيلين Maybelline :

1- Mineral Power Powder Foundation البودرة المعدنية:

البودرة المعدنية هي بودرة وكريم اساس مع بعض يعني مش هتبقي محتاجة تحطي معاها كريم اساس, خالية من الزيوت تماما ومناسبة جدا للبشرة الحساسة, بتعمل تغطية كاملة للبشرة وبيداري اي شوائب فيها, وهي مش مجرد بودرة هي كمان معالجة للبشرة وبتحسن مظهره بنسبة 52%, وبتقضي على اللمعان بنسبة 49%, وبتقلل من احمرار الجلد بنسبة 43%, متوفرة ب3 درجات, ولافضل نتيجة حطيها على البشرة بالفرشة اخبطي الاول الفرشة على العلبة عشان تنزلي اي زيادة وبعدين طبقي البودرة على البشرة.

2- Dream Wonder Powder:

بتدي ملمس ناعم جدا للبشرة, وبتعمل تغطية كاملة وبتغطي اي شوائب في البشرة وفي نفس الوقت بتدي لوك طبيعي جدا, متوفرة ب8 درجات, ولافضل نتايج طبقيها بسبونج على الجبين والدقن والانف والخدين.

3- Fit Me Pressed Powder:

ده نوع بودرة مضغوطة, بتعمل تغطية كاملة للبشرة وبشكل طبيعي, وبتمتص دهون البشرة وفي نفس الوقت مش بتسد المسام, ولافضل نتايجطبقيها على البشرة بالسبونج, متوفرة ب14 درجة.

4- Fit Me Bronzer البودرة البرونزية:

بتدي لون برونزي طبيعي للبشرة, متوفرة ب3 درجات, ولافضل نتيجة طبقيها على طول منطقة عضمة الخد.

– البي بي كريم من مايبيلين Maybelline:

BB Cream:

البي بي كريم ممكن نحطه كبديل لكريم الاساس, بيدي لوك طبيعي وتغطية كاملة في نفس الوقت, بيوحد لون البشرة, وبيداري العيوب, وفي نسبة SPF 30, وخالي من الزيوت, متوفر ب5 درجات, ولافضل نتيجة امزجيه على البشرة بصوابعك.

– كونسيلر مايبيلين Maybelline:

1- Superstay Better Skin Concealer:

بيحتوي على فيتامين C ومواد مضادة للأكسدة, بيغطي الهالات السودا والبقع تغطية كاملة ومش بس كده كمان بيقللها خلال 3 اسابيع, بيدوم طول اليوم, ولافضل نتايج حطيه على البشرة وامزجيه بصوابعك, متوفر ب6 درجات.

2- Fit Me Concealer:

بيعمل تغطية كاملة وبيداري اي هالات سودا وفي نفس الوقت بلوك طبيعي, وخالي من الزيوت, متوفر ب6 درجات, ولافضل نتايج حطي منه على البشرة وامزجيها بصوابعك.

3- Instant Age Rewind Eraser Dark Circles Treatment Concealer:

الكونسيلر ده مش بس بيخفي الهالات السودا كمان بيخفي الانتفاخات والخطوط الرفيعة تحت العين, متوفر ب5 درجات, ولافضل نتيجة ادمجيه بالسبونج.

4- Cover Stick Corrector Concealer:

ده ستيك كونسيلر بيخفي العيوب والهالات السودا وبيعمل تغطية كاملة, والميزة فيه انه ضد المية, ممكن تحطيه لوحده من غير كريم اساس وممكن تحطيه قبل كريم الاساس, متوفر ب5 درجات, ولافضل نتيجة امزجية على البشرة باطراف صوابعك, وفي منه الاصفر لاخفاء الهالات, والاخضر لاخفاء احمرار البشرة.

– بلاشر ماييبيلين Maybelline:

1- Dream Bouncy Blush:

بلاشر كريمي, بيندمج بسهولة جدا على البشرة, متوفر ب10 الوان, ولافضل نتيجة امزجيه على البشرة باطراف صوابعك على تفاحة الخدين وعضمة الخد.

2- Fit Me Blush:

بلاشر بودر, بيعمل لوك طبيعي جدا للبشرة, متوفر ب7 الوان, ولافضل نتيجة حطيه بالفرشة على طول عضمة الخد.

– منتجات رسم الحواجب:

1- Brow Drama Pro Palette:

دي عبارة عن بلتة فيها 3 درجات لون بودر, ومعاه الاداة بتاعته فيها ناحيتين ناحية فرشة وناحية سبونج, بيحدد الحواجب وبيظهرهم, وبيملى فراغات الحواجب, وبيديها لوك قوي, ولافضل نتيجة ارسمي الحواجب بالبودر وحطي هايلايت على عضمة الحاجب عشان يظهرهم اكتر, متوفر ب4 درجات.

2- Eye studio Brow Drama:

ده نوع جل, بيدي لون قوي وجزيء وغامق للحواجب, ومعاه فرشه عشان ترسمي بيها, متوفر ب4 درجات بالوان الحواجب الاسود, والبني, والبني الغامق, والبني الفاتح.

3- Eye Studio Master Shape Brow Pencil:

ده عبارة عن قلم ومعاه فرشة عشان يساعدك تدمجي اللون كويس على الحواجب, بيدي لوك طبيعي جدا شبه شعر الحواجب, ولافضل نتيجة ارسمي الحواجب بالقلم واملي الفراغات وبعدين مرري الفرشة على الحواجب, متوفر ب3 درجات.

– ايلاينر مايبيلين Maybelline:

1- Eye Studio Master Kajal:

ده نوع ايلاينر جل بيدي لون قوي, ومضاد للمية, وبيدوم طول اليوم, ولافضل نتيجة طبقية من اول الزاوية الداخلية للعين من تحت لحد بره على خط الرموش, وعشان تطولي عمره ويقعد معاكي اكتر حطي بالجنب وكل مره غيري الجنب اللي حطيتي منه المره اللي قبلها, متوفر ب3 درجات.

2- Eye Studio Master Smoky:

النوع ده عشان يسهل علينا نعمل بيه لوك سموكي للعين, بيكون قلم ومعاه اداة تسهل دمج الايلاينر على العين, ملمسه كريمي بيدوم طول اليوم, لافضل نتيجة طبقي بيه خط سميك وادمجيه بالاداة اللي بتيجي معاه, متوفر بدرجتين.

3- Eye Studio Master Precise:

لرسم خط ايلاينر رفيع, بيدي لون كثيف وفي نفس الوقت بخط رفيع للي مش بيحبوا الرسومات القوية, ولافضل نتيجة ابدأي من الزاوية الداخلية للعين من فوق ومديه لبره, متوفر بلون واحد بس هو الاسود.

4- Eye Studio Master Duo 2 In 1 Glossy Liquid:

ايلاينر سايل اتنين في واحد لان ليه ناحيتين ناحية بتعمل خط رفيع وناحية تانية بتعمل خط سميك, فيه لمعة وبيدي لون جريء وكثيف, لافضل نتايج حطي خط سميك وبعدين لفيه 90 درجة عشان ترسمي خط ارفع, متوفر بدرجتين الاسود والاخضر.

5- Eye Studio Lasting Drama Gel Eyeliner:

ده نوع تاني جل, بيدي لون كثيف ولون مركز جدا, وبيدوم 24 ساعة, ولافضل نتايج حطيه على خط الرموش من اول الزاوية الداخلية لحد الزاوية الخارجية, متوفر ب4 الوان.

6- Color Show Kohl Liner:

ده قلم كحل لاينر يعني قلم شبه الكحل وبيعمل رسمة زي الايلاينر, متوفر ب9 الوان, ولافضل نتيجة ابدأي من الزاوية الداخلية للعين من فوق لحد الزاوية الخارجية واطلعي بالرسمة فوق خط الرموش بشوية, ومدي خط على العين من تحت لحد الزاوية الداخلية.

– ايشادو مايبيلين Maybelline:

1- The Nudes Eyeshdow Palette:

بلتة ايشادو بالوان نيود, البلتة فيها 12 درجة نيود, بيدوم 12 ساعة, متوفر منه 2 بلتة بدرجات مختلفة بلتة فيها درجات اللون البيج والبني,والتانية فيها درجات البينك, وفي الفترة الاخيرة نزلوا بلتة بالوان جديدة فيها 12 لون قوي “The Rock Nudes Palette” .

2- Eye Studio Color Molten:

ايشادو كريمي, بيندمج على العين بسهولة, العلبة فيها درجتين, ومتوفر ب8 الوان, ولافضل نتيجة طبقي اللون الفاتح على الجفن كله وبعدين حطي اللون الغامق على خط الجفون والزاوية الخارجية للعين.

3- Eye Studio Color Tattoo:

ايشادو كريمي جدا, وبيندمج بسهولة على الجفون, وبيدي لون غني جدا, بيدوم 24 ساعة, ولافضل نتيجة طبقية بصوابعك على الجفون من الزاوية الداخلية لحد الزاوية الخارجية للعين, متوفر ب5 الوان.

– ماسكارا مايبيلين Maybelline:

1- Lash Sensational Luscious Waterproof Mascara:

بتدي لوك كثيف للرموش بلون اسود قوي, وضد المية, ولافضل نتيجة امشي بالفرشة من جذور الرموش لفوق واستخدمي الجزء الرفيع في الفرشة عشان تحطي الماسكارا على اصغر الرموش.

2- Volum Express The Colossal Chaotic Lash:

بتدي حجم اكبر وكثيف للرموش, ولون اسود كثيف, وبتدي شكل مش منتظم للرموش بتديها لوك فوضوي مختلف شوية للي مش بيحبوا اللوك التقليدية وعايزين يجربوا حاجة جديدة.

3- Volum Express The Mega Plush Mascara:

النوع ده يعتبر اول ماسكارا جل موس, بتدي كثافة اكتر مرتين للرموش, متوفرة بلونين.

4- The Colossal Cat Eyes:

بتدي للرموش لوك عيون القطة لان الفرشة بتاعتها معمولة بشكل مخصوص انها تديكي رسمة عين القطة, متوفرة بلون واحد هو الاسود.

5- Great Lash Waterproof Mascara:

بتدي كثافة للرموش, وضد المية بشكل مضاعف عشان تثبت اكتر, وبتدي لون اسود كثيف, ومتوفرة بدرجتين.

– روج مايبيلين Maybelline:

1- Lip Balm:

وده نازل منه تلات انواع “Baby Lips Crystal” متوفر ب5 درجات.

“Baby Lips Dr Rescue” متوفر ب6 درجات.

“Baby Lips In Quenched ” متوفر ب6 درجات.

التلات انواع بيدوا ترطيب للشفايف ولون طبيعي, وكلهم فيهم لمعة.

2- Lip Color:

متوفر منه انواع مات وانواع فيها لمعة.

1- Color Sensational Vivid Matte:

ده نوع مات او مطفي بيكون كريمي سايل او ما تحطيه بيكون فيه لمعة وبعدين لمعته بتروح, وبيثبت طول اليوم, متوفر ب10 الوان.

2- Color Sensational Creamy Mattes:

كريمي مات, بيرطب الشفايف لانه بيحتوي على تلات انواع زيوت, متوفر ب8 الوان.

3- Superstay 24 Color:

النوع ده بيدوم 24 ساعة, وبيبقى شكله ناعم جدا على الشفايف ومش بيتكتل, فيه لمعة بسيطة, بيجي اتنين مع بعض واحد سايل والتاني شكله زي زبدة الكاكاو, متوفر ب30 لون, ولافضل نتايج حطي الروج السايل وسيبيه ينشف دقيقتين وبعدين حطي عليه التاني اللي شبه زبدة الكاكاو وبيكون لونه ابيض شفاف يعني مالوش لون.

4- Color Sensational Lipcolor:

النوع ده فيه لمعة, بيغذي الشفايف وبيرطبها, وبيدي للشفايف لون غني جدا, ومتوفر ب58 لون.

– ملمع الشفايف Baby Lips Moisturizing Lip Gloss:

بيدي لمعة حلوة جدا للشفايف, بيرطب الشفايف وبيغذيها, بيدوم لمدة 4 ساعات, متوفر ب12 درجة.

– قلم تحديد الشفايف Color Sensational Lip Liner:

بيحافظ على رسمة الروج من انها تطلع بره حدود الشفايف,وبيسهل عليكي رسم الروج, ولافضل نتجة ابدأي ارسمي من نص الشفة اللي فوق واطلعي على الزاوية الخارجية للشفايف, ونفس الطريقة للشفة اللي تحت, متوفر ب7 درجات.