23 ستايل كاجوال لربيع 2016

ريهام محمود
ريهام محمود
11008

بدأنا فصل الربيع بزهورة والوانه الزاهية الجميلة, لكن معظمنا تقريبا بيحتار في اختيار لبس الربيع لانه بيبقى بين الشتا والصيف ومش بنعرف انسب حاجة ليه ايه, احنا النهاردة هنريحكم من الحيرة دي وجايبين لكم 23 ستايل كاجوال لربيع 2016 والستايلات كلها بالشوز والشنطة وبالاكسسوار بتاعها عشان نسهل عليكم الموضوع اكتر وتقدروا تختاروا منهم اللي يناسبكم, وكمان الستايلات منوعة جدا في منها يمشي للشغل ولخروجاتنا الصبح وبعد الضهر.

– ياللا بينا نشوف مع بعض 23 ستايل كاجوال لربيع 2016:

1- الاستايل الاولاني معانا عبارة بنطلون جينز سكيني ومعاه بادي ابيض وفوقيهم جاكيت ابيض بكشكشة واستايل الكشكشة طالع موضة جدا السنة دي, مع الشنطة والصندل الازرق لون البنطلون وطبعا الطلة كملناها بالاكسسوار بحلق فضي مع اسورة وعقد بالازرق في فضي وساعة باستيك ازرق.

23 ستايل كاجوال لربيع 2017
23 ستايل كاجوال لربيع 2017

2- استايل للبنات اللي بيحبوا الجيب, البلوزة بالوان زاهية وجميلة ومناسبة جدا لجو الربيع مع جيب رصاصي, وبليزر برتقاني, وطبعا الاستايل كملناه بردوا بالشوز والشنطة والاكسسوارات المناسبة, الميزة في الطقم ده انك ممكن تلبسيه الصبح كامل للشغل وبعد الضهر ممكن تخرجي بيه من غير البليزر.

23 ستايل كاجوال لربيع 2018
23 ستايل كاجوال لربيع 2018

3- وزي ما قولنا الكشكشة موضة جدا السنة دي هنا دخلت في البلوزة باللون البرتقاني مع جيب اسود وعليهم بليزر مقلم ابيض في اسود.

23 ستايل كاجوال لربيع 2019
23 ستايل كاجوال لربيع 2019

4- اللون البرتقاني من الالوان الزاهية جدا والمناسبة لفصل الربيع عشان كده هنا اللون البرتقاني دخل في استايل تاني كاجوال وجميل جدا, بلوزة بيج مع بنطلون ابيض وعليهم كارديجان ربيعي خفيف باللون البرتقاني الغامق, وكمان الكارديجان موضة اوي لربيع 2016.

23 ستايل كاجوال لربيع 2020
23 ستايل كاجوال لربيع 2020

5- من انسب الالوان للربيع والصيف هي الالوان النيون زي الاصفر, وفي الستايل ده دخلنا الجيب الاصفر معاها بلوزة بيضا قصيرة وعليهم جاكيت جينز خفيف قصير, والستايل مناسب جدا للمحجبات وللبنات اللي بيحبوا استايل الجيب الماكسي.

23 ستايل كاجوال لربيع 2021
23 ستايل كاجوال لربيع 2021

6- البنات اللي بيحبوا الفساتين اكيد مش هننساهم, ده ستايل فستان بني قصير مع كارديجان قصير خفيف بنقشة النمر, وعشان نكسر اللون البني هنكمل الستايل بشنطة باللون الازرق ونسقها مع اكسسوارات بني في ازرق.

23 ستايل كاجوال لربيع 2022
23 ستايل كاجوال لربيع 2022

7- الاستايل ده ناعم جدا كله الوان نيود خفيفة مناسبة لفصل الربيع, جيب قصيرة وردي فاتح في نيود مع جاكيت نيود وهنا بدل الاكسسوارات ممكن نغير ونلبس سكارف صيفي بالوان مناسبة مع الوان الطقم بتاعنا.

23 ستايل كاجوال لربيع 2023
23 ستايل كاجوال لربيع 2023

8- الستايل ده كمان حلو جدا, جيب قصيرة منقوشة بوردات مع بادي ابيض وكارديجان قصير, وبردوا ضيفنا سكارف صيفي خفيف عشان نكمل الستايل بتاعنا.

23 ستايل كاجوال لربيع 2024
23 ستايل كاجوال لربيع 2024

9- الطقم ده ممكن نلبس الجيب مع القميص والسكارف بس, وممكن نلبسه مع كارديجان قصير.

23 ستايل كاجوال لربيع 2025
23 ستايل كاجوال لربيع 2025

10- الستايل ده كلاسيك مناسب اوي للشغل, واللون الاخضر والبني الشوكولاتة من تركيبات الالوان اللي بتبقى حلوة جدا مع بعض.

23 ستايل كاجوال لربيع 2026
23 ستايل كاجوال لربيع 2026

11- فستان كاجوال قصير مقلم ممكن يتلبس لوحدة وممكن يتلبس مع كارديجان قصير.

23 ستايل كاجوال لربيع 2027
23 ستايل كاجوال لربيع 2027

12- الستايل ده ناعم اوي بالوان خفيفة, دخلنا البليزر الليموني مع بلوزة رصاصي فاتح اوي ودخلنا معاهم اللون الرصاصي الغامق شوية في الجيب عشان ميبقاش الطقم باهت اوي لازم نظهره بلون غامق مع الالوان الفاتحة.

23 ستايل كاجوال لربيع 2028
23 ستايل كاجوال لربيع 2028

13- البليزر من الحاجات الموضة اوي عشان كده هنلاقيها داخلة في اكتر من استايل وهنا دخلنا بليزر رمادي غامق مع فستان اسود قصير.

23 ستايل كاجوال لربيع 2029
23 ستايل كاجوال لربيع 2029

14- وهنا استايل تاني للبليزر مع بنطلون ابيض وبلوزة بيضا.

23 ستايل كاجوال لربيع 2030
23 ستايل كاجوال لربيع 2030

15- هنا بردوا البنطلون الابيض دخلناه مع بلوزة اخضر نعناعي وبادي ابيض, والابيض طبعا من الالوان المناسبة جدا للربيع والصيف.

23 ستايل كاجوال لربيع 2031
23 ستايل كاجوال لربيع 2031

16- الستايل ده من الستايلات الحلوة اوي, البليزر باللون الخوخي الفاتح اوي مع بنطلون رمادي وتوب اووف وايت.

23 ستايل كاجوال لربيع 2032
23 ستايل كاجوال لربيع 2032

17- هنا بردوا بنطلون رمادي لكن باللون الغامق وننسقه مع كارديجان ابيض وبادي كحلي.

23 ستايل كاجوال لربيع 2033
23 ستايل كاجوال لربيع 2033

18- توب بينك غامق منقوش مع بنطلون ابيض ستريت, واللون البينك بكل درجاته من الالوان التحفة اوي والمناسبة كمان للربيع.

23 ستايل كاجوال لربيع 2034
23 ستايل كاجوال لربيع 2034

19- الستايل ده من الستايلات التحفة الوانه هادية وخفيفة, بنطلون اووف وايت مع بلوزة خوخي وستايل البلوزة مختلف اوي وجديد.

23 ستايل كاجوال لربيع 2035
23 ستايل كاجوال لربيع 2035

20- الستايل ده جمع ما بين اللون البينك في بليزر بستايل وتصميم مختلف مع اللون الشيكولاتة في البلوزة والجيب.

23 ستايل كاجوال لربيع 2036
23 ستايل كاجوال لربيع 2036

21- الستايل ده مناسب اوي للخروج بعد الضهر هيبقى حلو اوي, توب رمادي فاتح مع بنطلون رمادي غامق.

23 ستايل كاجوال لربيع 2037
23 ستايل كاجوال لربيع 2037

22- الستايل ده لمحبات الفساتين القصيرة,هو عبارة عن فستان باللون النبيتي ومعاه كارديجان باللون الكاكاو.

23 ستايل كاجوال لربيع 2038
23 ستايل كاجوال لربيع 2038

23- اخر ستايل معانا بلوزة مطبوعة برسومات وروود مناسبة اوي للربيع مع جينز سكيني ازرق غامق وبليزر بيج قصير.

23 ستايل كاجوال لربيع 2039
23 ستايل كاجوال لربيع 2039

مقالات متعلقه

افكار لبس كاجوال للصيف

افكار لبس كاجوال للصيف

افكار ستايلات كاجوال محجبات لموسم الصيف

افكار ستايلات كاجوال محجبات لموسم الصيف

ستايلات كاجوال وسبورتي للمحجبات

ستايلات كاجوال وسبورتي للمحجبات