14 طريقة مبتكرة عشان تجددي بنطلونك الجينز

بقلمريهام محمود فيموضة وأزياء visibility30503

مافيش حد فينا يقدر يستغنى عن البنطلون الجينز يوميا سواء في الشغل او في الجامعة او في خروجاتنا اليومية بس اكيد بيجي علينا وقت بنزهق من الجينز اللي عندنا او بيقدم وبنركنه ونبطل نلبسه لكن احنا النهاردة هنقولكم طرق مبتكرة جدا عشان تقدري تجددي بنطلونك الجينز وترجعي تلبسيه تاني كانه بنطلون جديد خالص.

– تعالوا نشوف مع بعض افكار مبتكرة عشان تجددي بنطلونك الجينز:

1- ممكن نجيب الركامة اللي بتتركب على الهدوم زي اللي في الصورة كده او اي شكل تاني واي لون احنا نختاره ودي ممكن نشرتيها من المحلات اللي بتبيع مستلزمات الخياطة او لو عندك حاجة قديمة مش بتلبسيها وفيها الركامة دي خديها منها وخيطيها على البنطلون, قصي الاول حتة على قد الجيب وخيطيها عليه, وبعدين خيطي على كل البنطلون من الجانبين لحد تحت, طريقة سهلة جدا ومش مكلفة وهتجددلك شكل البنطلون وتغير شكله خالص.

14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز

2- ممكن نحول البنطلون بتاعنا لموديل Ripped اللي هو بيكون مقطع من اجزاء معينة, الحاجات اللي محتاجينها قلم, وقطر, ومكنة حلاقة, اول حاجة هنعلم بالقلم على الاماكن اللي عايزين نقطعها ونحط حتة كارتون او ورق مقوي تحت الجزء اللي احنا هنقطعه عشان منقطعش البنطلون من ورا وكمان عشان يبقى ثابت ونقدر نتحكم فيه اكتر وبعد كده هنجيب القطر ونبدأ نقطع الاماكن اللي احنا علمنا عليها, عشان نضيف تقطيعات زيادة هنستخدم مكنة الحلاقة على اللي احنا قطعناه بالقطر وممكن نعملها على الجيوب كمان, بالنسبة للمحجبات الموديل ده بردوا ينفع معاهم بس هيكون في اضافة ان احنا هنلبس تحته ليجينج اسود او منقوش هتديه شكل مختلف وحلو اوي.

تحويل البنطلون ل ripped
تحويل البنطلون ل ripped
تحويل البنطلون ل ripped
تحويل البنطلون ل ripped
ليجنج مع البنطلون ال ripped
ليجنج مع البنطلون ال ripped

3- ممكن نعمل عليه تصميم قلوب, هنرسم شكل قلب على اي ورقة ونفرغ الشكل ونخلي ما بين كل قلب والتاني 2 انش بالطول والعرض عشان يطلع الشكل متناسق في الاخر ونبدأ نحط القلب المفرغ على البنطلون بعد ما نكون اختارنا اللون اللي هنعمله هنستخدم الوان اكريليك “هتلاقوها موجودة في محلات مستلزمات الرسم” وهنبدأ بسفنجه نلون شكل القلب هنلاقي الشكل طلع عندنا على البنطلون.

تصميم قلوب
تصميم قلوب
تصميم قلوب
تصميم قلوب

4- ممكن نلونه باكتر من لون, هنحتاج الوان اكريليك, وشريط لزق, وفرش اللي بتستخدم في الرسم, وورق جرايد, هنفرد البنطلون ونلزق عليه شريط اللزق على شكل مثلثات زي الصورة كده, هنحط جوه رجل البنطلون ورق الجرايد عشان نحمي الجنب التاني من البنطلون والالوان متطبعش عليه, هنبدأ نجهز الالوان اللي احنا اخترناها ونلون المثلثات اللي احنا حددناها باللزق, وبعد ما نخلص هنشيل اللزق ونسيبه ينشف.

تلوين البنطلون باكتر من لون
تلوين البنطلون باكتر من لون
تلوين البنطلون باكتر من لون
تلوين البنطلون باكتر من لون

5- ممكن نصبغ البنطلون الابيض باللون الازرق او اي لون احنا عايزنية هنجيب جردل نحط فيه مية سخنة ونحط فيه لون الصبغة ونقلبها كويس ونغطيها ونسيبها لمدة ساعة, خلال الفترة دي نحضر البنطلون ممكن لو عايزة البنطلون يبقى لون الصبغة مع اللون الاساسي بتاعه هتبرمي رجل البنطلون عند اي جزء وتربطيه بشريط مطاطي عشان ميتصبغش كله, بعد ما تمر الساعة هنلبس جوانتي عشان ايدينا ميجيش عليها لون ونحط البنطلون كله في الصبغة ونسيبه 20 دقيقة وبعدين نطلعه ونعصره ونسيبه كام ساعة لحد ما ينشف وبعدين نغسله على ايدينا بمنظف الملابس ونسيبه ينشف, وبعدين نكويه عشان نثبت اللون, وكده يبقى البنطلون بتاعنا اتصبغ.

صبغ البنطلون
صبغ البنطلون
صبغ البنطلون
صبغ البنطلون

6- تصميم نقط, هنحتاج فيه فرشة اسفنجية مدورة, والوان قماش باللون الابيض, هنجيب طبق نحط فيه معلقة كبيرة مية وعليهم 3 معالق كبيرة من اللون الابيض بتاعنا ونخلطهم مع بعض كويس ونحط الفرشة في اللون ونبدأ نطبع النقط على البنطلون والمسافات حسب ما احنا عايزين عايزنها قريبة او بعيدة كل واحدة واختيارها, وبعدين نسيبه لحد ما ينشف خالص.

تصميم نقط
تصميم نقط
تصميم نقط
تصميم نقط

7- ممكن نحط عليه اكسسوارات, شوفي التصميم اللي عايزة تعمليه بالاكسسوار بتاعك عشان تعرفي انتي عازة قد ايه وبعدين ابدأي حطي الاكسسوار على البنطلون.

نزينه بالاكسسوارات
نزينه بالاكسسوارات
نزينه بالاكسسوارات
نزينه بالاكسسوارات

8- ممكن تعملي عليه تصميم ورد, هنحتاج بنطلون Boyfriend او اي موديل عندك, ولون اكريليك ابيض, والوان قماش وردي واسود, وفرشة كبيرة وفرشتين رفيعين, هنلون البنطلون باللون الاكريليك الابيض بالفرشة الكبيرة بشكل عشوائي وبعدين باللون الاسود هنرسم فرع الشجرة بالفرشة الرفيعة, وبعدين بفرشة تانية هنبدأ نرسم الورد باللون الوردي على الفروع اللي احنا رسمناها.

تصميم ورد
تصميم ورد
تصميم ورد
تصميم ورد

9- ممكن نرسم عليه نقشة النمر, هنحتاج مبيض, واي حاجة عندك عليها نقشة النمر او حتى ممكن تطلعيها من على النت, وطبق وجوانتي, هتحطي التصميم قدامك وتلبسي الجوانتي وتحطي المبيض في طبق وتبدأي تحطي الفرشة في المبيض وتقلدي الرسمة اللي قدامك هي سهلة جدا مش محتاجة حد بيعرف يرسم يعني هتقلديها بالظبط تحطي الفرشة في المبيض وترسمي على البنطلون, وبعد ما تخلصيه كله سيبيه 20 دقيقة ولو عايزة النقشة اقوى سيبيه فترة اطول على حسب ما انتي عايزة شكل الرسمة, وبعدين حطيه في الغسالة من غير منظفات على المية بس وبعدين طلعيه وسيبيه ينشف وكده تبقي خلصتي التصميم بتاعك.

نقشة النمر
نقشة النمر
نقشة النمر
نقشة النمر

10- ممكن بقى تضيفي له جلد تغيري شكله خالص, هنستخدم بنطلون تكون رجله ستريت هنقيس الجزء اللي احنا عايزين نضيف عليه الجلد بالطول والعرض في رجل البنطلون من تحت ونقص حتة جلد بالمقاس اللي احنا محتاجينه, هنقلب البنطلون ونخيط فيه حتة الجلد ونخلي الناحية الفاتحة من بره والناحية الغامقة من جوه, وبكده نبقى خلصنا البنطلون لما تيجي تلبسيه هتتني الرجل وهيبقى الجلد هو اللي باين في الرجل من تحت.

نضيف عليه جلد
نضيف عليه جلد
نضيف عليه جلد
نضيف عليه جلد

11- ممكن نعمله تصميم على رجل البنطلون من تحت بطريقة مختلفة, هنجيب الجينز بتاعنا ونحط الجزء اللي تحت بس في المبيض عشان نفتح اللون وبعدين نغسله بالمية عشان ننزل منه المبيض ونسيبه ينشف وبعدين ونجيب القلم الماركر ونرسم على الجزء اللي احنا فتحناه اي تصميم نختاره لو عندك تصميم عاجبك وحابة تعمليه او تطلعي تصميم من على النت حسب اختيارك.

14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز

12- دلوقتي نزلت موديلات للبنطلونات الجينز بيكون فيها سوستة لو انتي عندك بنطلون قديم من غير سوستة ممكن انتي تجدديه وتضيفي له سوستة بدل ما تشتري واحد جديد, هتتشتري سوستة صغيرة وحطيها على رجل البنطلون من تحت عشان تقصي على قدها بالظبط وتعلميه بالقلم وتقصي الجزء اللي انتي علمتيه وبعدين حطي السوستة وثبتيها بالدبابيس وبعدين خيطيها بالمكنة وقصي اي زيادات في السوستة, وده يبقى عندك البنطلون جاهز.

ركبي سوستة للرجل
ركبي سوستة للرجل
ركبي سوستة للرجل
ركبي سوستة للرجل

13- ممكن نعمل عليه نقط بلونين, افردي ورق جرايد على الارض وحطي عليها البنطلون عشان متبهدليش الارض بالالوان هنجيب, هنلبس جوانتي ونجيب الوان الملابس باللون الابيض والاسود وهنحط كل لون في حاجة منفصلة ونحط كمية كافية من كل لون يعني كمية تكفي تحطي فيها ايدك, هتحطي ايدك في اللون الابيض وتبدأي تنطري اللون على البنطلون بشكل عشوائي, وهتعملي نفس الموضوع في اللون الاسود حطي ايدك في اللون الاسود وانطري اللون على البنطلون بردوا بشكل عشوائي, وبعدين سيبي الالوان تنشف عليه حوالي ساعة, وكده يبقى التصميم خلص.

14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز

14- الطريقة دي سهلة اوي وهتجددلك شكل البنطلون خالص, هتعملي عليه تصميم باللولي, هنحتاج لولي باحجام مختلفة كبير وصغير وبلونين مختلفين, وابدأي خيطي اللولي على البنطلون باي شكل انتي عايزاة وحطي اللولي الكبير والصغير بردوا حسب ذوقك واختيارك يعني حطي مثلا اتنين كبار بينهم واحدة بحجم صغير ومتوسط وهكذا حسب ما انتي تختاري, وخيطي اللولي بتاعك كله وكده يبقى البنطلون جاهز عندك.

زينيه باللولي
زينيه باللولي
زينيه باللولي
زينيه باللولي