4 اسباب هيخلوكي تستخدمي البلاشر الكريمي

ريهام محمود
ريهام محمود
في
مكياج
21539

البلاشر او احمر الخدود من الحاجات المهمة جدا في المكياج لان مش بس مجرد انه بيدي لون لا هو مهمتة الاساسية انه بيبرز عضمة الخد وبيدي حياة للمكياج بتاعنا كله وبيظهره, والبلاشر في منه اكتر من نوع وهما البلاشر البودر او السايب, والبلاشر المضغوط, والبلاشر الجل او السائل, والبلاشر الكريمي وكلامنا النهاردة هيكون عن البلاشر الكريمي وليه هيكون الافضل اننا نستخدمة عن الانواع التانية من البلاشر.

البلاشر الكريمي
البلاشر الكريمي

تعالوا نعرف مع بعض 4 اسباب هيخلوكي تستخدمي البلاشر الكريمي:

1- بيدي لوك طبيعي:

اول سبب هيشجعنا اننا نستخدم البلاشر او احمر الخدود الكريمي ان هو بيدي لوك طبيعي جدا للمكياج, وبيدي اضاءة تحفة للوش وبيخلي الوش شكله نضروجميل, بعكس البلاشر الجاف اللي هو البودر او المضغوط مش بيدي اللوك ده للوش, فلو انتي عايزة لوك طبيعي وفي نفس الوقت يبين وشك نضر وحلو ويدي حياة لمكياجك يبقى اكيد هتستخدمي البلاشر الكريمي.

2- اسهل في الاستخدام:

البلاشر العادي سواء البودر او المضغوط بيحتاج فرشة كبيرة لما تيجي تحطيه عشان يوزع البلاشر كويس على الخدود, لكن مع البلاشر الكريمي انتي مش محتاجة اصلا فرشة عشان تحطيه انتي ممكن تطبقيه على البشرة بايدك تاخدي منه باطراف صوابعك وتحطيه على الخدود, او تستخدمي سفنجة, بس الافضل ان اصحاب البشرة الدهنية ميستخدموش النوع ده من البلاشر باستمرار لان هو بيدي لمعة للوش والبشرة الدهنية اصلا بيكون فيها لمعة طبيعية والبلاشر الكريمي هيزودها عشان كده هو مش مفضل اوي لصاحبات البشرة الدهنية,ممكن تحطيه لو عندك مناسبة خاصة او حفلة هيديكي لوك مختلف لكن متعتمديش عليه على طول.

3- مناسب جدا للبشرة الجافة:

البلاشر الكريمي هايل ومناسب جدا لصاحبات البشرة الجافة لان هو كريمي ومش بينشف البشرة ده غير انه زي ما قولنا هو بيدي لمعة شوية للبشرة وده هيدي للبشرة الجافة حياة ويرطبها يخلي شكلها نضر ومنورة.

4- بيستمر لفترة اطول:

البلاشر الكريمي بيتميز انه بيثبت فترة اطول من الانواع التانية يعني هتحطيه هيثبت معاكي طول اليوم, وكمان الوانه قوية جدا عشان كده لازم نحطه بحذر يعني منكترش نحط كمية بسيطة منه هتكفي جدا عشان اللوك ميبقاش اوفر ويبقى معانا بلياتشو J ويبقى شكل الوش مش حلو.

افضل انواع البلاشر الكريمي
افضل انواع البلاشر الكريمي

– شوفي من هنا طريقة إزاي تحولي أي بلاشر عندك لبلاشر كريمي

عشان تحولي تحولي البلاشر البودر لبلاشر كريمي, هتستعملي كريم مرطب تحطي كمية منه في كف اديك وبعود قطن هتخدي شوية من البلاشر البودر وتحطيه علي الكريم وتمزجيهم بصباعك, كده إنتي عملتي البلاشر الكريمي بتاعك :)

– ايه هي افضل انواع البلاشر الكريمي؟

1- لوريال L’Oreal – Visible Lift Blur Blush.

2- ستيلا  Stila – Convertible Color.

3- جوسي ماران Josie Maran – Argan Color Stick.

4- بوبي براون Bobbi Brown – Rouge Pot for Lips & Cheeks.

5- دووب DuWop – Cheek Venom.

6- سيفورا Double Contouring Cream Blush – Sephora 

7- ريفلون PhotoReady Cream Blush By Revlon 

8- سيفورا Sephora Collection – Blush Me 

اعرفوا معانا كمان ازاي تختاري لون البلاشر المناسب للون بشرتك؟

مقالات متعلقه

6 تقنيات مختلفة لوضع البلاشر على الطريقة الكورية

6 تقنيات مختلفة لوضع البلاشر على الطريقة الكورية

طريقة عمل البلاشر الكريمي في البيت بمكونات طبيعية

طريقة عمل البلاشر الكريمي في البيت بمكونات طبيعية

بالفيديو: ازاى تعملى Makeup لكل يوم من الـ Drugstore فى 10 دقايق

بالفيديو: ازاى تعملى Makeup لكل يوم من الـ Drugstore فى 10 دقايق