خدع للملابس لازم كل بنت تعرفها

بقلمآية حسان فيموضة وأزياء visibility83986

عندك هدوم كتير و مابتعرفيش تستغليها صح او تلبسيها و تهتمى بيها ازاى ، هدوم عليها بقعة مش رادية تختفى او boot  قدم و مابقيتيش بتعرفى تلبسيه و دولابك على طوب مبهدل ؟ حاجات كتيرة اوى من دى و غيرها بتقابلنا دايما ، و بتخلينا نضطر نستغنى عن حاجات كتير فى لبسنا ممكن نكون بنحبها او بتكون لسه جديدة و بطلنا نلبسها بسبب قطع او بقعة ، بس “بنات حوا” لقيتلك الحل ، فى المقال ده هنقولك على خدع للملابس كل بنت لازم تعرفها، هيحلولك كل المشاكل دى و مش هتستغنى عنهم.

تعالوا نعرف سوى خدع للملابس كل بنت لازم تعرفها:

1-علشان تدخلى البنطلون الواسع فى ال boot  :

بتحبى البنطلونات اللى رجليها واسعه من تحت او الجيز بتاعك فتحتة من تحت واسعة و الboot  مابيقفلش عليه ، خلاص مابقيتش مشكلة ، انتى رجل البنطلون بنفس الطريقة اللى فى الصورة و البسى علها شراب قطن و هتلاقى البنطلون دخل فى ال boot  بسهولة جدا .

علشان تدخلى البنطلون الواسع فى ال boot
علشان تدخلى البنطلون الواسع فى ال boot

2- لو بتلبسي بلوزات فتحتها كبيرة :

لو بتحبى تلبسى بلوزات فتحى الصدر عندها واسعه او لو دايما حمالة ال bra بتبان من تحت هدومك تبقى الخدعة العبقرية دى مناسبة جدا ليكى ، خيطى “كبسولة” من بتاعت الهدوم على طرف طتف البلوزة و اقفلى بيها الbra  زى ما باين فى الصورة ، الطريقة دى مس بس هتدارى الحماله لكنها كمان مش هتخلى البلوزة تقع من على كتفك ابدا .

 لو بتلبسي بلوزات فتحتها كبيرة
لو بتلبسي بلوزات فتحتها كبيرة

3- سوستة البنطلون بتتفتح :/ !

واحدة من المواقف المحرجة جدا اللى بتقابلنا انه سوستة البنطلوناتو خصوصا الجينز تقعد تتفتح كل شوية ، علشان تتجنبى الموقف المحرج ده دخلى حلقة سلسلة المفاتيح فى سوستة البنطلون ، و ارفعى السوستة و علقى الحلقة على زرار البنطلون و بكده السوستة مش هتتفتح لوحدها ابدا . 

 سوستة البنطلون بتتفتح
سوستة البنطلون بتتفتح

4- علشان تبانى ارفع :

لو هتلبسى قميص فوقه بلوفر خفيف مثلا يبقى البسي بينهم بدى ضيق علشان يلم القميص اللى تحت و يمنعه من انه  يترفع او يكلكع ، البدى هيخليكى تبانى افع و هيخلى هدومك من تحت البلوفر تفضل مفروة على طول  و كمان هيدارى زراير القميص و مش هيخليها تبان بارزة من تحت البلوفر .

علشان تبانى ارفع
علشان تبانى ارفع

5- اعرفى ازاى تختارى العقد او السلسلة اللى يليقوا عليكى :

مفيش شك اه الاكسسوار جزء مهم جدا من لبسنا ، لانه بيكمله و بيضيف كتير لشياكته و جماله ، بس اللى ماتعرفيهوش انه حتى لبس الاكسسوار و اختياره له قوارعد ، اعرفى ايه هو الاكسسوار المناسب ليكى من الصورة .

 اعرفى ازاى تختارى العقد او السلسلة اللى يليقوا عليكى :
اعرفى ازاى تختارى العقد او السلسلة اللى يليقوا عليكى :

6- علشان تزيلى بقع السبراى ؟

استخدام السبراى و مزيلات العق او البرفانات مهم طبعا ، لكن المواد دى بتسيب بقع على الهدوم خصوصا لو من اقمشة ناعمة زى الشيفون و الحرير و الستان ، علشان تشيلى البقع دى استخدمى ال wipes  و امسحى بيها البقع و هتلاقى نتيجة حلوة جدا .

علشان تزيلى بقع السبراى ؟
علشان تزيلى بقع السبراى ؟

7- مش عارفة تطبقى التيشيرت ؟

تطبيق الهدوم و ترتيب الدولاب من الحاج ت اللى بنشيل همها لان الدولاب من اسرع الحاجات اللى بتتبهل ، هنقولك هنا على طريقة سهلة و ذكية جدا تطبقى بيها الهدوم و ترتبى بيها الدولاب و كمان هتوفرى بيها مساحات كبيرة  فى دولابك .

مش عارفة تطبقى التيشيرت ؟
مش عارفة تطبقى التيشيرت ؟

8- عايزة توسعى الشوز ؟

عندك شوز بتحبيه بس بيعذبك لما تلبسيه علشان ضيق شوية ، حلها بسيط هاتى كيسن من اللى بيتقفلوا بتوع حفظ الاطعمة  ” موجودين فى السوبر ماركت ” ، امليهم لحد نصهم بالمياة و اقفلى الاكياس بعد ما تحاولى خرجى معظم الهوا منها ، حطى كل كيس فى فردة شوز و بيتيهم فى فريزر التلاجة او الديب فريزر ، المياة هتتحول لتلج و تتمدد و ده هيوسع الشوز بتاعك . كرر نفس الخطوة تانى لو احتاجتى .

عايزة توسعى الشوز ؟
عايزة توسعى الشوز ؟

9- اعملي اكسسوار للبوت :

ممكن تستخدمى بلوفر قديم عندك فانك تعمليه اكسسوار للبوت بدل ما تشتريه ، مش بس هيخلى البوت شكله شيك و حلو لكن كمان هيدفى رجلك فى ايام الشتاء الساقعه ، قصى اكمام البلوفر بالحجم المناسب لطول رجلك او الحجم اللى تحبيه و استخدميهم بالطريقة اللى فى الصورة .

 اعملي اكسسوار للبوت
اعملي اكسسوار للبوت

10- اتخلصى من بقع العرق الصفراء :

الصيف داخل علينا خلاص و بنعرق كتير جدا ، مش بس العرق بيضايقنا و يسببلنا مواقف احانا بتكون محرجه ، لكنه كمان بيسيب بقع صفراء مزهجة على الهدوم خصوصا لو كانت بيضاء او هدوم الوانها فاتحة. الحل بسيط جهزى ازازة فيها عصير ليمون و رشى منها على المناطق المبقعة من الهدوم بتاعتك قبل ما تغسليها و بعدين حطيها فى الغسالة و اغسليها بالطريقة المعتادة .

 اتخلصى من بقع العرق الصفراء
اتخلصى من بقع العرق الصفراء

11- طرق مختلفة للبس نفس الحزام:

الحزام زيه زى غيره من الاكسسوارات من الحاجت المهمة جدا فى اللبس و بتخلى شكله حلو جدا ، لو عندك احزمة كتير و مش تارفة تلبسيها كتير ابدأى فكرى ازاى تلبسيها ، ممكن تستخدمى الحزام الواحد على اكتر من طقم و بطرق مختلفة زى الصورة .

 طرق مختلفة للبس نفس الحزام
طرق مختلفة للبس نفس الحزام

12- عايزة هدومك تبقى ناعمة ؟

الهدوم ممكن بسبب غسيلها الكتير فى الصيف يبقى ملمسها خشن و مزعج ، علشان تنعمى هدومك بطريقة رخيصة  و غير مكلفة انقعى ملابسك ” خصوصا القطنية ” فى مياة بملح و سيبيها من يومين ل 3 اايام و بعدن اغسليها بالطريقة العادية ، هتلاقى هدومك بقت ناعمة و هتفضل ناعمة على طول .

عايزة هدومك تبقى ناعمة
عايزة هدومك تبقى ناعمة

 13- شوز على الموضة :

عندك شوز بتحبيه بسموضته قدمت و بطلى تلبسيه ؟ بعد ما تعرفى الخجعة دى عتبطلى تركنى اى شوز عندك بعد كده . ببساطة حطى شريط لزق على الشوز و لونيه بسبراى ملون بأى لون بتفضليه و على اى شكل و جددى الشوز القديم و خليه ستايل و على الموضة .

شوز على الموضة
شوز على الموضة

14- خلى الشوز “مضاد للمياة ” :

اكتر حاجه بتتبهدل فى لبسنا خلال ايام الشتاء هى الاحذية اكيد ، و ده بسبب المطر و الطين اللى بيبقى فى الشوار ع، بس علشان تحافظى على الشوز بتاعك من المياة و البقع . افردى طبقة من الشمع او الفازلين على الوز بتاعك و سيبيه ينشف و بكده تحوليه من شوز عادى لشوز مضاد للمياة او waterproof shoes  ,اخرجى بيه براحتك .

خلى الشوز "مضاد للمياة "
خلى الشوز “مضاد للمياة “

15- استفيدى اكتر من الشماعه :

واحدة من الخدع الذكية جدا علشان تستغلى بيها الشماعات و تستخدمى ضعف المساحى هى ” فتاحات الكانز ” ، استخدمى فتاحة الكاان على شماعتك بنفس الطريقة اللى فى الصورة و خلى شماعتك تستوعب ضعف كمية الهدوم بسهولة .

استفيدى اكتر من الشماعه
استفيدى اكتر من الشماعه

16- بنطلونك اتقطع؟

بنطلونك اللى بتحبيه اتطع او اتنتش ، الحل بسيط جدا عالجى القطع بقطعة قماش تاني شكون شكلها حلو و طرزى حواليها بنفس لطريقة الى فى الصورة او اى طريقة تفضليها و جددى بنطلونك القديم و اعملى بنطلون شيك جدا و ستايل .

 بنطلونك اتقطع؟
بنطلونك اتقطع؟

17- لبانة لزقت فى الهدوم؟

واحدة من اكتر الحاجت اللى بتحصلنا و مابنلاقيش ليها حل او بتتحل بصعوبة جدا هى انه لبانة تلزق فى هدومنا ، ببساطة شيلى اللبانة من على الهدوم عن طريق التلج ، الفكرة هى انه التلج هيخلى اللبانة تسقع و تتجمد تبقى حته واحدة و ده هيخليها تتشال بشكل اسهل .

لبانة لزقت فى الهدوم ؟
لبانة لزقت فى الهدوم ؟

18- وبر البلوفرات الصوف :

لبس الشتاء دايما مليان بالبلوفرات و الكارديجان لاصوف ، لو ابسك الصوف بيكون وبر هنقوبك على طريقة سهلة تتخلصي بيها من االوبر كله ، مررى حجر دعك الرجلين على هدومك الصوف علشان تجمعى الوبر كله و تشيليه بسهولة او استخدمى مكنة الحلاقة العاية فى ازلة الوبر بسهولة .

 وبر البلوفرات الصوف
وبر البلوفرات الصوف

19- لبس السكارف :

طرق و ستايلات لبس السكارف كتيرة جدا و مالها ش عدد ، طريقة لبس السكارف اللى ى الصورة سهلة و شيك جدا، جربيها .

لبس السكارف
لبس السكارف

20- علقى هدومك بذكاء :

علشان توفرى مساحات اكتر فى دولابك ، ممكن تعلقى اكتر من قطعة ملابس على شماعة واحدة زى ما واضح فى الصورة .

علقى هدومك بذكاء
علقى هدومك بذكاء

21- طريقة رفع الكم لفوق :

بتحبى ستايل الكم المرفوع لما تلبسي قميص ، بس دايما بيتلعبك و يبقى شكله مش حلو. هنقولك على طريقة سهله خالص ، اتبعى الخطوات اللى فى الصورة و طبق كم القميص بطريقه سهلة خهتحلى شكله شيك و تبقى مريحة جدا بالنسبة لك .

طريقة رفع الكم لفوق
طريقة رفع الكم لفوق

22- رباط “السويت شيرت” :

رباط السويت شيرت دخل لجوه او وقع و شم عارفة تركبيه تانى ، ممكن تعيدى تركيبه بطريقة سهلة جدا ، اربطيه فى بنسة شعر او شاليمو  او دبوس مشبك و دخليه فى مكانه جديد باستخدامها و هتلاقيه اتركب تانى بسهولة جدا .

رباط "السويت شيرت"
رباط “السويت شيرت”