الكمية المناسبة من مستحضرات التجميل اللي بيحتاجها شعرك وبشرتك

كلنا متفقين انه احنا البنات بنهتم طول الوقت ببشرتنا و شعرنا و جمالهم و صحتهم ، و علشان ده يتحقق بنحتاج نشترى مستحضرات تجميل ومستحضرات عناية بالبشر والشعر مالهاش عدد ومع اختلاف نوع البشرة من حد لحد وكمان نوع الشعر دايما بنقع فى غلطة اننا مش عارفين ايه هى الكمية اللى المفروض نستخدمها ، سواء من مستحضرات العناية بالشعر او البشرة . علشان كده فى المقال ده ” بنات حوا ”  هتعرفك ايه هى الكمية المناسبة من مستحضرات التجميل المختلفة سواء الخاصة بالبشرة و الشعر اللى ممكن تحتاجيها.

الكمية المناسبة من مستحضرات التجميل اللي بيحتاجها شعرك وبشرتك

مستحضرات العناية بالجلد و البشرة :

غسول تنظيف اللوجه :

غسول تنظيف الوجه خصوصا اللى بيكون رغوة بيقدر من خلال الرغوة دى انه يغطى وشك كله لما تيجى تستخدميه ، علشان كده نقطة صغيرة من غسول تنظيف الوجه بتكون كفاية لتنظيف ببشرتك بعمق ، اكتفى بكمية قليلة جدا من الغسول تكون بحجم حبة البندق او الجنيه و افركى بيها وشك المبلول بالمياة و هتلاقي وشك اتنضف كويس جدا من غير ما تستخدمى كمية زايدة عن حاجتك ترهق بشرتك .

الكريم المرطب :

كريم ترطيب البشرة مهم جدا ، خصوصا لو بيحتوى على مادة ال SPF  اللى هى مهمة جدا لحماية شرتك من اشعة الشمس الضارة ، علشان كده بيبقى مهم جدا تستخدمى الكمية المناسبة علشان توفر لبشرتك الترطيب و كمان الحماية المناسبين ، كمية قليلة من الكريم المرطب فى حجم حبتين زبيب على ايديكى و افرديها على المنطاق اللى انتى عايزة ترطبيها , زودى الكمية لو احتاجتى  لو الكمية اللى حددناها مش كفاية .

كريم العيون :

كمية من الكريم فى حجم حبة الفول السودانى لكل عين كفاية جدا لترطيب منطقة حول العين كلها ، قسمى الكريم و خدى 3 ارباع الكمية و افرديها على منطقة الجفن السفلى ، من الزاوية الخارجية للجف لحد جوا ، و باقى الكمية افرديها على الجفن اللى فوق على منطقة عظمة الحاجب.

كريم الليل : 

لو بتستخدى كمية كبيرة من كريم الليل الخاص ببشرتك و وشك يبقى انتى بتهدرى كمية كبيرة من مستحضر مهم جدا ، كمية قليلة فى حجم حبة التوت هكفاية جدا للعناية ببشرتك قبل ما تنامى . و ممكن تزودى الكمية دى شوية فى الايام الحر او اللى الرطوبة فيها بتبقى عالية . بعد ما تطبقى كريم الليل على شوك استنى على الاقل 5 دقايق قبل ما تنامى علشان بشرتك تتشرب الكريم كويس .

السيروم Serum :

كمية قليلة اوى من السيروم فى حجم حبة البسلة كفاية اوى ، لانه السيروم عبارة عن سائل مركز جدا و ده بيخليكى متحتاجي كمية كبيرة منه و هتبقى كافية جدا للاهتمام ببشرتك ، استخدام كمية كبيرة من السيروم ممكن تتعب بشرتك و تسببلها الهيجان .

الكريم المضاد للشمس :

الكريم المضاد للشمس هو الكريم الوحيد اللى لازم يفضل معاكى طول الوقت و ماتستغنيش عنه ابدا ،و دابما بتحتاجى انك تستخدمى منه كمية كبيرة علشان تضمنى حماية بشرتك من الشمس . كمية فى حجم حبة اعنب كفاية اوى علشان تحمي بيها وشك و ماتنسيش تستخدمى الكريم كمان على ودانك و رقبتك ، و كمية تانية فى حجم حبة العنب لكل ايد و رجل .

منتجات العناية بالشعر :

الشامبو :

هتحتاجى كمية شامبو فى حجم حبة التوت البرى لو شعرك قصير و فى حجم حبة الفراولة لو انتى من اصحاب الشعر الطويل . استخدام كمية كبيرة من الشامبو مش هيفيد شعرك ابدا و لا هيخليه انضف ، لانه الحقيقة انك مش محتاجة تفردى الشامبو على شعرك كله من الجذور للاطراف . كل اللى انتى محتاجاه انك تستخدى الشامبو على جذور الشعر كويس اوى وبس .

البلسم :

استخدام كمبية كبيرة من البلسم مش هيفيد شعرك ابدا ، بالعكس هيخليه دهنى و يخلى فوقه طبقة هتخلى شعرك ماسك فى بعضه و يبان خفيف جدا . استخدمى كمية مناسبة لشعرك و افرديها من نص شعرك لحد الاطراف بعيد عن الجذور ، لو شعرك قصير فالكمية المناسبة هى فى حجم حبة عين الجمل ، و لو شعرك طويل استخدمى ضعف الكمية دى . مررى صوابعك بين شعرك علشان تفردى البلسم كويس و بالتساوى .

الطريقة الصح للبلسم

سيروم و زيت الشعر : 
سيروم الشعر بيشبه فى تكوينه سيروم البشرة بالضبط ، يعنى بيبقى تقيل و كثيف جدا ، كمية قليلة منه فى حجم حبتين مكاديما هيبقوا كفاية.

كريم التصفيف :

اتجنبى انك تستخدمى كمية كبيرة من كريم التصفيف على شعرك ، كمية قللة منه فى حجم بذرة قرع العسل او عملة معدنية صغيرة كتفية اوى لشعرك كله . قسمى الكمية دى نصين و وزعى النص الاول على جذور شعرك و النص التانى على الاطراف .

الموس Mousse :

الموس تكوبنه خفيف لكنه بيبقى مركز جدا ، واستخدام كمية كبيرة منه هيخلى شعرك يبان دهنى و يمسك فى بعضه ، كمية فى حجم تفاحة صغيرة كافية جدا لشعرك كله حتى لو طويل ، بلطف قسمى كمية الموس عل خصل شعرك و افرديها من الجذور للاطراف مع تمرير صوابعك بين خصل شعرك .

الفازلين و شمع الشعر :

كل ما كانت الكمية قليلة من المنتجات دى كل ما كانت كافية لانه المنتجات دى بتبقى كثيفة جدا . استخدمى كمية صغيرة فى حجم حبة اللوز هيكون كافى لشعرك كله و افرديها من من نص شعرك للاطراف . لو حسيتى انه الكمية دى مش كافية ممكن تزوديها لكن بحرص .