اتعرفوا معانا على انواع الصبغات الخالية من الامونيا
كتير من البنات بيحبوا يصبغوا شعرهم ويغيروا في لونه باستمرار او احيانا البعض بيكون مضطر يصبغ عشان يداري الشعر الابيض بس بتكون المشكلة ان الشعر من كتر الصبغة بيتلف وينشف ويبوظ وبيبقى مقصف وده بيسبب تساقطه لكن دلوقتي المشكلة دي بقى ليها حل لان في ماركات كتير من الصبغات نزلت انواع الصبغات الخالية من الامونيا عشان تقدري تصبغي وتغيري لون شعرك من غير ما تضريه.
تعالوا نعرف الاول ايه هي الامونيا:
الامونيا هي المادة اللي بتفتح مسامات القشرة الخارجية للشعر عشان تخلي الشعر ياخد اللون وطبعا الصبغات اللي بتحتوي على الامونيا بتدي لون اقوى للشعر لكن في نفس الوقت بتأثر بشكل سلبي على القشرة الخارجية للشعر وبتسبب تلف البروتين اللي في القشرة الخارجية للشعر وبتخليه يفقد رطوبته وده اللي بيخلي الشعر ينشف ويتقصف بعد الصبغة, عشان كده كتير من الماركات دلوقتي بدأت تنزل انواع الصبغات الخالية من الامونيا عشان تبقى آمنه على الشعر اكتر ومتضروش وتتلفه.
تعالوا دلوقتي نتعرف مع بعض على انواع الصبغات الخالية من الامونيا:
1- صبغة كليرول ناتورال انستينكتس Clairol Natural Instincts:
الصبغة دي من الصبغات الخالية من الامونيا وفيها عناصر مفيدة جدا في مكوناتها زي مستخلص الصبار وفيتامين E وزيت جوز الهند وبتدي ترطيب للشعر بنسبة 80% وبتغطي الشعر بكثافة, والصبغة اختبرها خبراء الجلدية واثبتوا انها آمنه على الشعر جدا.
2- لوريال هيلثي لوك L’oreal Healthy Look:
لوريال طبعا من الماركات المعروفة جدا وهي ماركة فرنسية وصبغتها من احلى الصبغات للشعر دلوقتي نزلوا نوع خالي من الامونيا وهو لوريال هيلثي لوك الصبغة دي لتغذي الشعر ومش بتضره لان فيها مواد طبيعية مفيدة زي غذاء ملكات النحل والرمان الطبيعي, بتقضي على اي شعر ابيض وبتدي لون كثيف للشعر, واللون بيدوم على الشعر لمدة 28 غسلة.
3- لوريال بروديجي L’oreal Prodigy:
ده نوع تاني من لوريال خالي من الامونيا معمولة بتقنية جزيئات الزيوت اللي بتساعد على تحفيز المواد الملونة الخالية من الامونيا في التغلل لالياف الشعر, بتغذي الشعر وبتخليه بيلمع وصحي وملمسه ناعم لانها بتحتوي على زيت الارجان الخام والزيت ده معروف بفوايده الكتير جدا للشعر.
4- جارنييه نوتريس نورشينج Garnier Nutrisse Nourishing:
جارنييه كمان من الانواع الخالية من الامونيا وبتديكي لون غني وطبيعي اوي, وبتغذي الشعر وبترطبه وبتنعمه لان مكوناتها فيها زيت الافوكادو وبذور العنب, وبتغطي الشعر الابيض بشكل كامل, والميزة في الصبغة دي انها فوم يعني زي الشامبو وده هيخليكي تعمليها لنفسك بسهولة.
5- ريفلون لوكسوريوس كلر سيلك Revlon Luxurios ColorSilk:
من الصبغات الحلوة جدا الخالية من الامونيا وبتغطي الشعر الابيض تغطية كاملة, وبتغذي الشعر لانها بتحتوي على زبدة الشيا المفيدة اللي بتساعد على ترطيب وتنعيم الشعر وزبدة جوز الهند اللي بتخلي الشعر صحي وبيلمع.
6- ويلا كلر تاتش Wella Color Touch:
من الصبغات الخالية من الامونيا بنسبة 100%, بتغطي الشعر الابيض, بتغذي الشعر وبتديه لمعة.
7- ماتريكس كلر انسايدر Matrix ColorInsider:
بردوا من الصبغات الخالية من الامونيا بنسبة 100%, بتدي لون غني وكثيف للشعر, ومش بتضر الشعر ولا فروة الراس.
8- ناتشورتينت هير كلر Naturtint Hair Color:
من الصبغات المصنوعة من مواد طبيعية ونباتية, خالية من الامونيا ومن مادة البارابين عشان كده الصبغة دي تعتبر من الصبغات الطبيعية الصديقة للبيئة, وبتدي لون غني جدا للشعر.
والاسعار اللي احنا كاتبينها تقريبيه يعني ممكن تلاقوها اقل او اكتر شوية وهتختلف الاسعار من مكان لمكان.
شوفوا معانا كمان طريقة صبغ الشعر في البيت بنفسك بالخطوات.
