12 حيلة ونصيحة عشان تتجنبي الشعر الهايش

بقلمآية حسان فيشعر visibility46128

كتير من البنات بتواجه مشكلة الشعر الهايش خصوصا فى حر الصيف او الايام اللى بتبقى نسبة الرطوبة فيها عالية و بسبب جفاف الجو ، و كمان فى اسباب تانية ممكن تسبب للشعر الهيشان وبتبقى بسبب فى انه بيتطاير ، وممكن يبقى بسبب عيوب فى الشعر نفسه انه يكون ضعيف ، متقصف او خفيف. علشان كده هيشان الشعر علاجه بيبقى صعب شوية لانه اسبابه بتختلف و ممكن يكون عندك اكتر من سبب  مع بعض مخليين شعرك يبقي هايش و مش مترتب ، علشان كده فى المقال ده هنقولك على حيل ونصايح عشان تتجنبي الشعر الهايش.

حيل ونصايح عشان تتجنبي الشعر الهايش 

حيل ونصايح عشان تتجنبي الشعر الهايش
حيل ونصايح عشان تتجنبي الشعر الهايش

1- اهتمى بشعرك كويس جدا : 

اول واهم حاجه ممكن تعمليها علشان تقللى من تطاير و هيشان شعرك هى انك تهتمى بيه كويس جدا ، ومنقصد انك بس تستخدمى الشامبو او البلسم لكن لازم تكونى حريصة انك تهتمى بصحة شعرك بشكل كامل و بتغذيته و ترطيبه ، و من اهم الحاجات اللى ممكن تعمليها اتك تشربى كميات كبيرة من المياة ، و انك تكونى حريصة انك تاكلى كمية كبيرة من الخضار و الفاكهة ، وتستخدمى ماسك للشعر على الاقل مرتين فى الاسبوع علشان تضمنى لشعرك الترطيب المناسب . 

2- ابعدى عن ” بكر الشعر ” البلاستيك : 

استبدلى بكر الشعر البلاستيك  اللى بتستخدميه علشان تعملى اللوك الكيرلى بالبكر المعدن او للى بيبقى متبطن او متغلف من بره علشان تتجنبى شد او تكسير الشعر اللى بيسببه لف العشر على البكر البلاستيك . و حاولى تستخدمى بنس شعر معدنية بدل البلاستيك .

بنسة شعر معدنية
بنسة شعر معدنية

3- استخدمى سيروم serum  : 

اهتمى دايما انك تختارى سيروم مناسب لنوع وطبيعة شعرك خصوصا لو هتلفيه ، لانه السيروم مش بس بيقلل التشابك و بيمنع شعرك من انه يتعقد لكنه كمان بيدى لشعرك مهر ناعم و صحى لامع ، كمان السيروم بيرتب شعرك و بيمنعه من انه يتطايراو يهيش خلال اليوم ، استخدام سيروم الشعر و الانتظام عليه مهم جدا لصحة شعرك بشكل كامل . 

الشعر الهايش
سيروم للشعر

4- استخدمى المياة : 

حل سريع سهل جدا علشان تدارى شعرك الهايش او تديله مظهر مرتب هو انك تستخدمى المياة كبديل للسيروم او اسبراى تثبيت الشعر ، فلو انتى مستعجلة ولاحظتى انه شعرك هايش استخدمى كمية قليلة جدا من المية ونيمى بيها الشعر المتطاير او باستخدام بخاخ مياة زى اللى بنستخدمه فى كوى الهدوم ورشى رشات قليلة اوى على شعرك علشان تنيمى بيها شعرك الهايش . بس خدى بالك تستخدمى كمية زيادة علشان شعرك ميتبلش اكتر من اللازم . 

5- ضفرى شعرك :

حل تانى علشان تتحكمى فى الشعر الهايش هى انك تسرحى شعرك على شكل ” ضفيرة ” ، لانه التسريحة دى بالتحديد بتلم الشعر و مابتخليش فى فرصة انه شعرك يهيش او يتطاير ، وكمان بتكون مثالية لو الشعر من النوع الكثيف او الخشن شوية ، ده غير انه شكلها بيبقى حلو جدا . شوفي من هنا أفكار للم الشعر سهلة وسريعة

الشعر الهايش
ضفرى شعرك

6- استخدمى “الكلبسات ” : 

كلبسات الشعر او البنس مثالية جدا فى تثبيت الشعر و تجنب الشعر الهايش ، خصوصا لو بيطلع لسه شعر جديد او ال baby hair  اللى مابيتلمش مع باقى الشعر وممكن يكون شكله مزعج او بيضايقك . استخدام البنس او ” توك الشعر الكلبس حلو جدا فى تثبيت الشعر و كمان بيحلى الشعر و بيديله شكل حلو جدا . شوفي موضة اكسسوار الشعر

الشعر الهايش
اسنخدمى توك الشعر

7- قللي درجة حرارة السشوار أو المكوي:

درجة الحرارة العالية للسشوار أو المكوي ممكن تسبب التهاب في فروة الراس وبالتالي هتسبب هيشان ووقوف الشعر, استعملي المجفف علي درجة حرارة متوسطة ومش شديدة الحرارة.

8- قبل غسل الشعر سرحيه بفرشة شعر طبيعي:

قبل غسيل شعرك استعملي فرشه من النوع اللي شعرها طبيعي وسرحي بيها شعرك, هتخلي الزيوت الطبيعية اللي فروة الراس تنزل لخصل الشعر وده بيغذيها وكمان بيدي فرصة أحسن لفروة الراس إنها تتخلص من الزيوت اللي فيها وتنضف بشكل فعال أكتر مع الغسيل. اعرفي اخطاء في غسيل الشعر عشان تتجنبيهم

قبل غسيل الشعر سرحيه بفرشة شعر طبيعي
قبل غسيل الشعر سرحيه بفرشة شعر طبيعي

9- استعملي البلسم بعد غسيل الشعر:

كل مازودتي فرص ترطيب شعرك كل ماهتقللي احتياجه للترطيب عن طريق الهوا اللي هو السبب الرئيسي لهيشان الشعر.

10- استعملي الشامبو الخالي من السلفات “الكبريت”:

السلفات أو والكبريت بيسيب جفاف كبير للشعر وبيخلي الشعر محتاج ترطيب بشكل قوي ووقتها برده الشعر بيمتص الرطوبه من الهوا عشان كده استعملي افضل شامبو بالجلسرين أو SULFATE-FREE, الجلسرين هيعمل طبقة عازلة للشعر ويحافظ عليه ويمنع الهيشان.

11- بلاش دعك الشعر بالفوطة أثناء التنشيف:

دعك الشعر بالفوطة أثناء التنشيف بيبقي احتكاك زيادة ملوش لازمة بيسبب تلف للشعر وممكن يسبب الكهربا الزيادة اللي هي سبب الهيشان, عشان كده استعملي الفوطة بانك تضغطي بيها برقة علي شعرك عشان تمتص الميه الزيادة منه.

غلطات غسيل الشعر
تجفيف الشعر

12- استعملي مشط الشعر الخشب:

بعد الشور استني شوية وبعد كده سرحيه بمشط خشب, هيقلل الكهربا اللي ممكن تحصل من الفرشة البلاستك وهيحمي شعرك من التقصف والتكسير ومن الهيشان.

استعملي المشط الخشب
استعملي المشط الخشب