قصات وتسريحات للشعر القصير اوي هتخليكي تقصي شعرك

ريهام محمود
ريهام محمود
في
شعر
6858

قص الشعر القصير بدء من خطوط موضة 2015 ومكمل معانا لغاية السنة ديه وبقوة.. هنلاقي السنة اللي فاتت طلعت رجعت قصة ال الا جارسون أو pixie cut بيكسي كت وكتير من الممثلات والمغنيات عملوها وكانت حلوة جدا عليهم زي ريهانا , جنيفر لورنس, ان هاثواي والجميلة شارلي ثيرون.

في بنات بيحبوا يقصوا شعرهم القصات ديه عشان يبقوا علي الموضة أو لأسباب تانية زي إن قص الشعر بيبقى اسهل واسرع في التعامل معاه بس بتكون مشكلتهم انهم مش بيعرفوا يغيروا التسريحة او شكل القصة احنا النهاردة جيبنا لكل البنات اللي بتحب الشعرالقصير مجموعة قصات وتسريحات للشعر القصير اوي تجنن, وحتى البنات اللي خايفين ياخدوا خطوة قصة الشعر لانها محتاجة جرأة شوية القصات اللي احنا جايبنها هتشجعكم تقصوا شعركم وتغيروا اللوك بتاعكم.

ياللا نشوف مجموعة قصات وتسريحات للشعر القصير تقدروا تاخدوا منها افكار:

تعالوا نعرف شوية نصايح للعناية بالشعر القصير:

1- طبعا اول حاجة لازم نعرفها انه مش معنى اننا نقص شعرنا اننا نهمله لان في بنات كتير بيقصوا شعرهم ويبدأوا يهملوه ويفتكروا ان الشعر القصير مش محتاج عناية زي الشعر الطويل لكن الشعر القصير محتاج عناية زي الشعر الطويل بالظبط.

2- لازم كل 3 او 4 شهور تتقص اطراف الشعر عشان نحافظ عليه من التقصف لانه مش معنى انه قصير يعني الاطراف متتقصش لا عامليه بالظبط زي الشعر الطويل لازم كل فترة الاطراف تتقص عشان تحافظي عليه دايما صحي.

3- سرحيه بالفرشة في كل الاتجاهات قبل ما تغسليه وتكون بفرشة مسطحة وسنانها مش رفيعة ويفضل اللي تكون مصنوعة من شعر الحيوانات الطبيعية والالياف الصناعية عشان متاذيش الشعر, او استخدمي مشط خشب تكون سنانة واسعة وابدأي سرحي من الاطراف واطلعي واحدة واحدة للجذور عشان تفكي اي تشابك وكعبلة في الشعر من غير ما تقطعية, وبعدين سرحية تاني من الجذور للاطراف.

4- لما تيجي تسرحي شعرك نزلي راسك لتحت وسرحي الشعر من ورا لقدام وبعدين اعدلي راسك وسرحيه تاني من قدام لورا لان دي تعتبر افضل طريقة لتنشيط الدورة الدموية لفروة الراس وده بيساعد على زيادة نمو الشعر بشكل صحي.

5- استخدمي الشامبو والبلسم المناسب لنوع شعرك ولما تيجي تحطي الشامبو متحطيهوش على الشعر بشكل مباشر حطية في ايدك وخففيه بشوية مية وبعدين دلكي بيه الشعر بصوابعك بالراحة من قدام لورا, واعملي له دايما حمامات زيت او كريم عشان تحافظي على نعومته ولمعانه.

6- اتجنبي غسل الشعر بالمية السخنة اوي والنصيحة دي للشعر القصير والطويل لان المية السخنة اوي بتبوظ الشعر اغسليه دايما بمية دافية عشان تتخلصي من اي اتربة او دهون على الشعر او فروة الراس, وبعد ما تغسليه بالمية الدافية اشطفيه شطفة اخيرة بمية باردة عشان تقفلي مسامات الشعر لان ده بيحافظ عليه من التساقط.

7- لما تيجي تنشفي الشعر بعد الحمام متنشيفهوش بالفوطة بس اضغطي عليه بايدك عشان تتخلصي من المية اللي موجودة فيه لان التنشيف بالفوطة وهو مبلول ممكن يأذي الشعر.

8- طبعا في الاخر ادهنية اي كريم مناسب لشعرك حطي شوية كريم صغيرين في ايدك وافركيهم وبعدين دلكي بيهم شعرك.

مقالات متعلقه

قصات الشعر التريندي لموسم شتاء 2024

قصات الشعر التريندي لموسم شتاء 2024

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

6 خرافات عن العناية بالشعر بنفتكر انها صح ومفيدة

6 خرافات عن العناية بالشعر بنفتكر انها صح ومفيدة