فوايد ورق الجوافة للشعر ..اعرفيها

ورق الجوافة معروف بفوايده الكتيرة لصحتنا خصوصا فى حالات نزلات البرد او الكحة ، و ده لانه غنى جدا بمواد و فيتامنات كتيرة جدا بتساعد فى الشفاء من نزلات البرد ، بس اللى مكناش نعرفه انه زى ما فوايد ورق الجوافة كتيرة جدا ومهمة للصحة كمان فوايد ورق الجوافة للشعر كتيرة و مهمة جدا لصحة و جمال شعرك ، علشان كده ” بنات حوا ” هتقولك فى المقال ده على فوايد ورق الجوافة لشعرك و كمان ازاى تستخدميه ..

فوايد ورق الجوافة للشعر ..اعرفيها 

ورق الجوافة مفيد جدا لشعرك لانه غنى بفيتامين B و الفيتامين ده معروف بفوايده الكبيرة للشعر لانه بيقويه بنسبة كبيرة و بيخلى اقوى من من الجذور و ده بسبب انه بيجدد خلايا الشعر و بيقوى النسيج  ، كمان ورق الجوافة بيمنع تساقط الشعر بنسبة كبيرة جدا و على المدى الطويل و الانتظام على الاستخدام بيأثر بشكل كبير جدا على صحة الشعر ككل و كمان بيقل التقصف و بيزيد نعومة الشعر علشان كده بنلاحظ انه ورق الجوافة بيدخل فى صناعات كتير من مستحضرات تقوية الشعر و منع التساقط ، و كمان بيعتبر علاج طبيعى لتساقط الشعر و خالى من اى مواد كيميائية ممكن تضر شعرك وتتلفه .

ازاى استخدم ورق الجوافة لشعرى ؟

الوصفة سهلة جدا اغلى مقدار مناسب من ورق الجوافة ” تقدى تلاقيه عند العطار و بسعر مناسب جدا ” فى لتر من المياة وسيبيه يغلى كويس اوى ، بعد ما يغلى سيبيه يبرد لحد ما يوصل لدرجة حرارة مناسبة و بعدين اغسلى بالماية دى شعرك و ادعكى فروة راسك كويس اوى مدة 20 دقيقة .

مع الاستخدام المنتظم ” مرتين فى الاسبوع ” هتلاحظى فرق كبير .