استخدامات مبتكرة للفازلين مكونتيش تعرفيها قبل كده

آية حسان
آية حسان
11480

الفازلين من الحاجات الاساسية فى مستحضرات التجميل اللى بتستخدمها اى بنت ، وده لانه مزاياه و فوايده كتيرة جدا من سعره القليل و انه متوافر وانه متوافر بأنواع و ماركات كتيرة جدا ، بس معظمنا مابيعرفش غير استخدام واحد للفازلين و هو الاستخدام التقليدى بتطبيق الفازلين على بشرتنا وخلاص ، بس ده مش صحيح . علشان كده ” بنات حوا ” هتقولك فى المقال ده 13 استخدام جداد و مفيدين جدا للفازلين ماكنتيش تعرفيهم قبل كده .. 

استخدامات مبتكرة للفازلين مكونتيش تعرفيها قبل كده

استخدامات الفازلين 1
استخدامات الفازلين 1

1- علشان البارفان يثبت مدة اطول : 

الفازلين حلو جدا فى اه يساعدك لبارفان يثبت مدة اطول حتى لو مش اصلى او لو مش غالى اوى ، ادهنى طبقة خفيفة جدا من الفازلين مكان ما هترشى البارفان و هتلاحظى انه ريحته فضلت معاكى مدة اطول من الاول .

تثبيت البارفان
تثبيت البارفان

2- لشعر ناعم : 

الفازلين مفيد جدا لتنعيم الشعر و علشان يمنعه من انه يهيش و كمان علشان تثبتى اطراف شعرك المقصفة و ماتخليهاش تهيش ، ادهنى طبة بسيطة اوى من الفازلين على شعرك ولاحظى الفرق ، وممكن كمان تستخدميه لو شعر الحواجب عندك من النوع اللى بيتنعكش او يتطاير .

تنعيم الشعر
تنعيم الشعر

3- نضارة الوجه  : 

كتير بنحتاج نستخدم highlighter علشان يدى تألق و نضارة لوشنا خصوصا لو بنعمل ماكياج لافراح او خروجات بالليل ، بديل تانى سهل لكريمات الhighlighter  هو الفازلين ، ادهنى طبقة رقيقة اوى من الفازلين على خط الجبهة و خط الانف و هيديى لبشرتك لوك بلمعان ونضارة طبيعية  .

نضارة البشرة
نضارة البشرة

4- ازالة بقع الماكياج من الهدوم : 

واحد من استخدامات الفازلين هو ازالة بقع الماكياج من الملابس ، باستخدام ودانة ” قطن تنظيف الودان ”  . افردى طبقة خفيفة من الفازلين على البقعة و ابدأى امسحيها بالودانة ، هتلاقى ازالتها بقى اسهل بكتير  

5- علشان تظبطى المانيكير : 

علشان تتجنبى انه المانيكير يبقع المنطقة حوالين الضافر او انه يلطش على صوابعك ، ادهنى طبقة من الفازلين حوالين الضافر قبل ما تحطى المانيكير وهتلاقى المانيكير مابيسيبش اى بقع على صوابعك خالص .

عند وضع المانيكير
عند وضع المانيكير

6- تنعيم البشرة : 

طبعا واحد من اهم استخدامات الفازلين التقليدية هى تنعيم البشرة و تغذيتها ، خصوصا لو بشرتك جافة او لو بتعانى من وجود تشقات فى الكعبين .ادهنى طبقة من الفازاين على رجليكى و البسى فوقيها شراب و نامى ، مع الاستخدام و الانتظام على العادة دى هتلاحظى فرق كبير فى بشرتك 

تنعيم البشرة
تنعيم البشرة

7- صلحى الماكياج المتكسر : 

مفيش بنت فينا معندهاش علبة آي شادو او بودرة غالية و ماتكسرتش منها وزعلت عليها ، الفازلين بيحل المشكلة دى خالص ، بدل ما ترميها هاتى علبة الآى شادو المتفتتة و ضيفى عليها كمية من الفازلين وهتلقيها اتصلحت و تقدرى تستخدميها تانى ، و ممكن كمان بنفس الطيقة تستخدميها ك روج .

تصليح الماكياج
تصليح الماكياج

8- للماسكارا : 

الفازلين حلو جدا قبل استخدام الماسكارا خصوصا لو هتعملى ماكياج النو ميكب، باستخدام فرشاة ماسكارا قديمة حطى طبقة رقيقة اوى على رموشك قبل ماتحطى الماسكارا و هتلاحظى انه رموشك بتفضل رطبه و مابتنشفش من الماسكارا و كمان باينة اطول و اتقل . اعرفى معانا كمان اعرفوا معانا مكياج ال 3 وال 5 وال 10 دقايق ! 

تطويل الرموش
تطويل الرموش

9- تلميع الاحذية : 

استخدمى الفازلين علشان تلمعى الشوز الجلد و حميه من التشققات و التقشير اللى ممكن يحصله مع الاستخدام ، الفازلين بيخليكى تحافظى على احذيتك الجلد جديدة لمدة اطول .

استخدامات الفازلين 2
استخدامات الفازلين 2

10- لازالة ماكياج العيون : 

استخدمى الفازلين كمزيل لطيف لماكياج العيون ، الفازلين بيعتبر هنا مزيل هايل للماكياج فبتقدرى من خلاله تشيلى الماسكارا و الايلينر و الاى شادو بمنتهى السهولة و من غير ما يسيح على وشك.

ازالة ماكياج العيون
ازالة ماكياج العيون

11- علشان ثقوب الاذن : 

لو مابتلبسيش حلقان كتير و جيتيى تلبسى حلق فلقيتي ” خرم الحلق” او ثقب الاذن بتاعك مسدود او بيوجعك ، ببشاطة ادهنى طبقة من الفازلين على ودنك و طبقة بسيطة اوى اوى على الحلق و هتلاقىه بيتلبس بسهولة و تقريبا من غير وجع ، وممكن كمان باستخدام الفازلين تقلعى الخواتم اللى ممكن تعلق فى صوابعك و تبقى بتخرج بصعوبة . 

12- مقشر للشفاة و الجسم : 

استخدامات الفازلين 3
استخدامات الفازلين 3

ممكن تستخدمى الفازلين كمقشر لشفايفك لو شفايفك جافة ، امزجيه مع كمية من السكر و ادعكى بيه شفيفك فى حركة لطيفة . وممكن كمان تخلطيه مع الملح و تستخدميه كمقشر لجسمك كله خلال الاستحمام .

شوفي كمان 7 استخدامات مفيدة لاكياس الشاى المستعملة !

7 استخدامات مفيدة لاكياس الشاى المستعملة
7 استخدامات مفيدة لاكياس الشاى المستعملة

مقالات متعلقه

5 حلول سهلة لازالة المكياج لو مش متوفر عندك مزيل مكياج

5 حلول سهلة لازالة المكياج لو مش متوفر عندك مزيل مكياج

ازاي تستخدمي حيلة الفازلين لازالة الشعر الزائد من الجسم

ازاي تستخدمي حيلة الفازلين لازالة الشعر الزائد من الجسم

8 طرق لازالة المكياج من غير مزيل مكياج

8 طرق لازالة المكياج من غير مزيل مكياج