نصايح ازاي تلبسي الجزم الودجز wedges؟

ريهام محمود
ريهام محمود
8270

الجزم الودجز wedges من الحاجات اللي طالعة موضة اوي في موضة صيف 2016 وهي بتبقى عن الجزم اللي بيكون كعبها عريض من قدام ومن ورا وهي مناسبة جدا للبنات اللي بيكون نفسهم يلبسوا جزم بكعب عالي بس مش بيحبوا الكعب الرفيع او بيتعبهم لان النوع ده مريح في اللبس واحسن من الكعب الرفيع, احنا النهاردة هنقول لكل بنات حوا ازاي تلبسوه وايه انسب الحاجات اللي تتلبس معاه وتطلع انيقة وشيك.

تعالوا نشوف مع بعض ستايلات مختلفة من الجزم الودجز wedges في 2016 وازاي نلبسها:

1- الجزم الودجز wedges مع الفساتين:

النوع ده من الجزم بيبقى حلو جدا على الفساتين سواء الفساتين الطويلة او القصيرة  ويعتبر من انسب واحلى الحاجات اللي ممكن يتلبس عليها الودجز.

الجزم الودجز wedges مع الفساتين
الجزم الودجز wedges مع الفساتين

2- مع الجيب:

بتكون حلوة جدا كمان مع الجيبات بردوا سواء الجيب ستريت وواخدة شكل الجسم او الجيب القصيرة اللي بتكون منفوشة شوية الودجز بيطلع تحفة عليها, ممكن تلبسيها مثلا على جيب مقلمة.

الجزم الودجز wedges مع الجيب
الجزم الودجز wedges مع الجيب

3- مع الجينز:

طبعا كلنا مش بنستغنى عن الجينز في خروجاتنا اليومية, ممكن بقى تدي الجينز بتاعك لوك مختلف وتلبسيه على جزمة او صندل ودج, وخصوصا الجينز السكيني بيكون هو انسب موديل على الجزم والصنادل الودجز عشان البنطلون ميغطيش الجزمة وشكلها يبان مع الجينز بيدي لوك حلو جد, ولو لابسة بنطلون موديله واسع ممكن تتني رجل البنطلون من تحت بحيث تكون فوق الكعب مش مغطياه لان هيطلع الشكل احلى بكتير, او تلبسي بنطلون طوله مناسب يعني ميكونش مغطي كعب الجزمة كلها, في كمان السنيكرز الودجز بردوا ممكن تتلبس على الجينز او على الجيب كمان.

4- مناسبة للشتا والصيف:

الموديلات دي مناسبة جدا طول السنة في الشتا تقدري تلبسي الجزم الودجز المقفولة او البوط الودجز زي ما قولنا مع الفساتين او الجيبات او الجينز, وفي الصيف تقدري تلبسي الصنادل اللي بتكون مفتوحة من قدام, وطبعا احنا داخلين على موسم الصيف خلاص ممكن تجربي تلبسي الصنادل الودجز, في منها جلد وفي منها قماش والوان وتشكيلات حلوة جدا مناسبة للصيف والبحر, وبتطلع حلوة جدا مع الفساتين الصيفي ولبس البحر.

الجزم الودجز للصيف والشتا
الجزم الودجز للصيف والشتا

5- في الشغل:

الجزم الودجز مناسبة جدا بردوا للشغل مع لبس كلاسيكي بتدي لوك حلو جدا, واختاري دايما للشغل الالوان الغامقة منها ويفضل الاسود عشان يبقى مناسب للشغل.

جزم ودجز مناسبة للشغل
جزم ودجز مناسبة للشغل

6- عمل توازن في اللبس:

طبعا لما نيجي نلبس النوع ده من الجزم لازم يكون في توازن في اللوك بتاعنا كله لانه شكل الكعب ممكن يختلف شوية في منه الكنز وفي منه العادي لو انتي لابسة الجزمة الكعب بتاعها كنز شوية احسن يتلبس عليها اقمشة ناعمة, لو الكعب طبيعي ممكن في الحالة دي يتلبس عليه اي حاجة مش هتبقي متقيدة في اللبس.

في النهاية الاذواق بتختلف من حد للتاني وشكل الجسم بردوا بيحدد اختياراتنا عشان كده انسب حاجة هي التجربة يعني جربي البسي الودجز على كذا لوك عندك وشوفي انسب لوك طلع حلو عليكي وحبيتي نفسك فيه مع طبعا انكوا تاخدوا في الاعتبار النصايح اللي قولناها في لبس الودجز, ياللا جربوا وشاركونا التجارب بتاعتكم.

مقالات متعلقه

اعرفى معانا طرق تحسين اى لوك فى ثوانى و بسهولة

اعرفى معانا طرق تحسين اى لوك فى ثوانى و بسهولة

ستايل البوت القطيفة وإزاي تدخليه في ال outfit بتاعك

ستايل البوت القطيفة وإزاي تدخليه في ال outfit بتاعك

افكار لستايلك فى الجامعة تمشي مع لوك مكياج طبيعى

افكار لستايلك فى الجامعة تمشي مع لوك مكياج طبيعى