5 نصايح للحفاظ على بشرتك من الاتربة

أنجي سليمان
أنجي سليمان
في
بشرة
4829

التلوث والاتربة المعلقة في الجو من اكتر الحاجات المزعجة الي دايما بتخلينا نحس بالانزعاج وبعدم نظافة البشرة وجفافها، والمشكلة دي بتزيد في الربيع والصيف بشكل خاص عشان كمية التراب والملوثات في الجو بتكون زيادة شوية، وعشان تعرفي ازاي تتخلصي من المشكلة دي شوفي مع بنات حوا نصايح للحفاظ على بشرتك من الاتربة.

نصايج للحفاظ على البشرة من الاتربة
نصايج للحفاظ على البشرة من الاتربة

5 نصايح للحفاظ على بشرتك من الاتربة

1- تنظيف البشرة

اكيد كل واحدة مننا عندها الروتين الخاص بيها في تنضيف بشرتها، لكن في خطوات لازم تتبعيها كويس في روتين التنظيف بتاعك عشان تبعدي عن خطر الاتربة وتدميرها للبشرة

  • اختاري المنظف اللي بيوافق نوع بشرتك مش معنى ان الجو بيحسك بالجفاف انك تستخدمي منظف للبشرة الجافة وعشان تعرفي نوع بشرتك شوفي الموضوع ده
  • يفضل في الايام اللي فيها تراب انك تستخدمي المنظف قبل النوم مش بعد ما تصحي وتكتفي في النهار انك تغسلي وشك بالماية الفاترة كويس جدا بس من غير منظف
  • بعد التنظيف لازم وضروي جدا تستخدمي التونر او على الاقل ماء ورد او مكعب ثلج عشان تقفلي المسام وتضيقيها عشان الاتربة ما تدخلش فيها وتسبب رؤوس سوداء وحبوب

2- ترطيب البشرة

  • اهتمي بترطيب البشرة كويس ، استخدمي مرطب غني قبل النوم على طول ولو بشرتك دهنية استخدمي زيت طبيعي في الترطيب قبل النوم زي زيت جوز الهند مثلا او زيت الزيتون
  • استبدلي كريم الاساس او المرطب اللي بتستخدميه قبل الخروج بكريم حماية من الشمس SUNSCREEN وبلاش الكريمات الواقية من الشمس SUNBLOCK ولو في كريم نهار خفيف القوام او لوسيون برضه حيكون مناسب

3- تغذية البشرة الخارجية

اهتمي بتغذية بشرتك كويس جدا في الايام اللي الاتربة بتكون فيها زيادة وده عن طريق انك لازم تشيلي المكياج اول ما تروحي البيت وتحرصي على انك ماتسيبيهوش على بشرتك فترة طويلة وبعدين تفتحي كبسولة فيتامين E وتمسحي بيها البشرة براحة

4- تغذية البشرة الداخلية

عشان تبعدي عن احساس الجفاف اللي بتسببه الاتربة لازم تهتمي بتغذية طبقات البشرة الداخلية وده بيجي عن طريق الاكل واهم المأكولات اللي حتساعدك ترطبي بشرتك هي الخضروات الورقيه يعني اهتمي بأنك تضيفي الجرير والبقدونس لطبق السلاطة بتاعك، او تضيفي الكرفس للشوربة او ممكن تاكلي السبانخ المطبوخة، المهم ان الانواع دي من الاطعمة بتساعد جدا على ترطيب البشرة وتخليصها من السموم

5- شرب المياة

اهتمي جدا جدا بشرب كميات كبيرة من المياة عشان تحافظي على انسجة بشرتك رطبة ومرنة لأن ده من اكتر الحاجات اللي بتساعد البشرة على مقاومة الاتربة والملوثات، والماية كمان بتساعد الجسم على امتصاص العناصر المفيدة من الاغذية اللي بتتناوليها ده طبعا غير انها بتعوضك عن كميات العرق اللي بتفقديها وبالتالي بتحافظ على رطوبة الجسم وتخليها في معدلاتها الطبيعية

بلاش تستهوني بتعرض بشرتك للاتربة عشان الجفاف الكتير ده بيخلي منظر البشرة اكبر من عمره الحقيقي وبيسرع ظهور التجاعيد والخطوط عشان كده لازم تحافظي على بشرتك من الاتربة والجفاف

مقالات متعلقه

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه