ازاي تكسب قلب انثى برج الحمل

ازاي تكسب قلب انثى برج الحمل

بقلمأنجي سليمان فيبرج الحمل visibility28203

انثى الحمل المحاربة المتحمسة دايما، بتكره الروتين وتعشق المغامرة والتحدي، حتحتاج تعرف عن طبيعتها وشخصيتها شوية اسرار عشان تقدر تلفت نظرها وتجذبها لشخصيتك، تابع معانا الموضوع عشان تعرف اكتر ازاي تكسب قلب انثى برج الحمل.

ازاي تكسب قلب انثى برج الحمل
ازاي تكسب قلب انثى برج الحمل

نصايح ازاي تكسب قلب انثى برج الحمل

1- اهتم بتفاصيل شخصيتها

انثى الحمل بتحب الانسان اللي يهتم بتفاصيلها، يعني تعرف بتحب ايه وبتكره ايه وبتهتم بأيه وايه اللي ممكن يكون بيضايقها، عشان انثى الحمل بطبيعتها بتدور على الشخص ده طول الوقت فلو هي حست انك مهتم تعرف عن شخصيتها واهتمامتها فعلا حتبقى دي اول شرارة للانجذاب تتولد من ناحيتك.

2- احترم رغباتها وارائها

انثى الحمل عنيدة وبتحب تعبر عن وجهة نظرها بوضوح وبتحب تتمسك برأيها لو فهمت طبيعتها دي صح حتعرف تتعامل معاها بالطريقة المناسبة وهي ببساطة انك تحرم رأيها ووجهة نظرها مش شرط تنفذ اللي هي عايزاه او تقتنع بيه لأنه كفاية جدا بالنسبة لها انك تظهر احترامك لرأيها وتفكيرها وده بالنسبة لها حيبقى كفاية حتى لو محققتش اللي هي عايزاه.

3- جاملها وسمعها كلام لطيف

الاطراء والمجاملة من احب الاشياء الى قلبها، حاول تسمعها كلام جميل عن مظهرها وذوقها وذكاءها وتصرفاتها بس خلي بالك في التعامل معاها في النقطة دي لأنها مابتحبش الابتزال والمعاكسة يعني لازم تعرف الفرق كويس بين المجاملة والغزل عشان ماتخسرهاش.

4- حسسها انك مغامر

وعشان هي شخصية احلامها كتير وطموحاتها مختلفة وكل شوية لها اهتمام غير التاني يبقى انت لازم تحاول تجاريها في ده لو عايزتكسب قلبها، اسمع لها واتحمس معاها واعرض عليها افكار تفيدها في المشروع او الهواية اللي هي متحمسة لها وساعتها اتأكد انك اكيد لفتت نظرها.

5- بلاش صيغة الاوامر

اكيد بين اي طرفين في اي علاقة بيبقى في شوية اوامر ونواهي وحاجات مسموح بيها وحاجات لأ، نصيحتنا لك انك لما تيجي توضح لها ايه اللي بتحبه وايه اللي مش بتحبه تبعد عن صيغة الامر والنهي يعني وصلها فكرتك بعبارات اهدى شوية من كده عشان هي لو حست منك الشخصية المتسلطة او الدكتاتورية حيبقى اول قرار تاخده انها تبعد عنك تماما.

6- اياك والروتين

من اكتر الحاجات اللي بتأثر في شخصية انثى الحمل بالسلب احساسها بالروتين والملل، لأن هي انسانة روحها كلها مغامرة وحماس، حاول توص للتوازن الجميل ما بين الاستقرار والتجديد من وقت للتاني من غير ما تقع في فخ الروتين او الملل عشان تحسسها طول الوقت ان الحب متجدد ومستمر.

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات الثور، لكن دي محاولة مننا عشان نفهمك طبيعة انثى الثور وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…