فوايد و وصفات زيت المسطردة للشعر
واحده من اجدد و اهم العلاجات و الصيحات الطبيعية اللى موجودة دلوقتى و بتستخدم لعلاج الشعر و تقويته و اصلاحه هو زيت المسطرده او ” زيت الخردل ” ، و ده لانه غنى بفيتامينات و مكونات طبيعية كتيرة جدا بتخليه فعال فى تقوية شعر و كمان تطويله بشكل ملحوظ و سريع ، و بيستخدموه بشكل اساسى فى بلاد زى الهند و بنجلاديش و غيرها علشان كده بنلاحظ انه الهنود شعرهم بيبقى طويل ، تقيل او كثيف وكمان ناعم و ده بسبب انهم بيعتمدوا بشكل اساى على زيت المسطردة فى العناية و الاهتمام بشعرهم ، فى المقال ده هتلاقى ملف كامل عن ايه هو زيت المسطرده ، ايه هى فوايده و ازاى تستخدميه …
زيت المسطردة للعناية بالشعر :
زيت المسطردة بيحتوى على فيتامينات كتيرة زى فيتامين E وفيتامين وكمان بيحتوى على عناصر غذائية مختلفة زى البروتين والكالسيوم و الاوميجا 3 و الاوميجا 6 . العناصر دى معروفة بفوايدها الكبية لنمو الشعر و انه يكون صحى قومى و لامع .
فوايد زيت المسطردة للشعر :
1- بيساعد على زيادة طول الشعر .
2- تكثيف الشعر و اعطائه لمعان ملحوظ .
3- بيدعم و يقوى بصيلات الشعر و الجذور و يخليه اقوى .
4- تحفيز نمو الشعر .
5- تجنب الشيب المبكر ” تغير لون الشعر للابيض فى سن صغير ” .
6- منع تساقط الشعر و القضاء على القشرة .
وصفات و طريقة استخدام زيت المسطردة :
الوصفة الاولى :
المكونات :
– مقدار مناسب لحجم الشعر من زيت المسطردة .
– مقدار مساوى من زيت الزيتون ، زيت اللوز ، زيت جوز الهند .
الطريقة :
1- امزجى كل الزيوت دى مع بعضها كويس اوى .
2- على نار هادية ، سخنى خليط الزيوت لحد ما يبقى دافئ بحيث انه فروة رأسك تتحمل حرارته .
3- افردى الخليط على شعرك كله و فروة رأسك كويس.
4- دلكى فروة الرأس و اطراف الشعر كويس اوى لمدة 30 دقيقة و بعدين غطى شعرك بغطاء بلاستيكى او كيس ، سيبيى الخليط على شعرك من ساعتين ل 3 ساعات .
5- بعد مرور الوقت اغسلى شعرك بالشامبو المعتاد . كررى الوصفة دى مرة كل اسبوع بشكل منتظم ، مع مرور الوقت هتلاحظى انه شعرك بقى اطول ، اقوى و اكثر كثافة .
فوايد و وصفات زيت المسطردة للشعر
الوصفة الثانية : زيت المسطردة مع الحناء
المكونات :
– 250 مل من زيت المسطردة .
– 60 جرام من اوراق الحناء ” تقدرى تلاقيها عند العطار ” .
الطريقة :
1- سخنى زيت الخردل لحد ما يغلى و امزجى معاه اوراق الحناء .
2- بعد امتزاج الخليط تمام ، صفى الزيت من اوراق الحناء باساتخدام مصفاة او قطعة قماش رقيقة ، او الشاش الطبى .
3- سيبى الخليط لحد ما يبرد و بعدين ابدأى فى فرده على جذور و اطراف الشعر ، سيبيه حوالى 30 دقيقة و بعدين اغسلى شعرك بالطريقة المعتادة .
مع الاستخدام النتظم هتلاحظى انه شعرك بقى لونه احلى و بيلمع اكتر و كمان انه بقى اطول .
الوصفة الثالثة : استخدام الزيت مباشرة :
فوايد و وصفات زيت المسطردة للشعر
ممكن تستخدمى الزيت مباشرة على الشعر من غير ما تخلطيه مع حاجه تانية
الطريقة :
1- سخنى زيت المسطردة على النار لحد ما يبقى دافئ .
2- سرحى شعرك كويس جدا واقسميه من النص .
3- دلكى المساحة فى فروة راسك بين شعرك المقسوم بالزيت كويس جدا .
4- دلكى كل جنب من شعرك بالزيت فى حركة لطيفة من الجذور للاطراف .
5- سرحى شعرك مرة تانية .
6- بعد مرور 30 دقيقة تقريبا اغسلى شعرك بالطريقة المعتادة .
