9 نصايح لوضع الايلينر بطريقة محترفة
زى ما كلنا عارفين انه مافيش بنت بتستغنى عن الماكياج ، لانه اساسى جدا فى جمالنا و كمان بيكمل اى لوك او مظهر لينا و بيخليه احلى بكتير ، الماكياج اسياسى فى اى وقت سواء فى الكلية ، الشغل ، خروجات الاصحاب و بالذات لو رايحة مناسبة او فرح . و علشان ” بنات حوا ” بتهتم دايما انها تحل اى مشكلة بتقابلك ، فى المقال ده هنتكلم عن مكون اساسى جدا للماكياج دلوقتى و ساعات بتقابلنا صعوبه كبيرة فى تظبيطه و رسمه و هو ” الايلينر ” ، اعرفى معانا 9 نصايح مختلفة لـ وضع الايلينر بطريقة محترفة ..
9 نصايح لـ وضع الايلينر بطريقة مختلفة :
النصيحة الاولى : خليكى قريبة من خط الرموش:
واحدة من اهم الحاجات اللى لازم تاخدى بالك منها اثناء وضع الايلينر هى انك تخليكى قريبة جدا لخط الرموش ، ضرورى جدا تقربى على قد ما تقدرى علشان فى الاخر يطلع الخط مظبوط و يديكى الكثافة و اللوك الحلو لعينيكى ، لانه خط الايلينر البعيد عن الرموش بيبقى شكله مش حلو و بيخلى عينيكى بعيده عن انها تكون باينة اوسع او مظبوطة . استخدمى ايلينر او دبلينر من اى نوع بس اولى النوع اللى تستخدميه تكون فرشته عريضه علشان تقدرى بيها ترسمى خط اعرض و اقرب لخط الرموش . شوفى معانا 5 طرق لرسم الايلينر .
النصيحة الثانية : استخدمى ال eye shadow الاول :
علشان الايلينر يترسم معاكى بسهولة وسلاسة حط طبقة خفيفة من الاي شادو eye shadow مكان ما هترسمى خط الايلينر ، او لو انتى هتحطى eye shadow للوك بتاعك حطيه الاول و بعدين حطى الايلينر فوقه ، ده لانه ال eye shadow هيساعدك فى وضع الايلينر بشكل اسهل من غير ما يبقى الخط متقطع او فيه وفراغات و كمان هيخليه يفضل لوقت اطول .
النصيحة الثالثة : ماترسميش الايلينر فى خط متصل :
واحدة من اكتر الغلطات المنتشرة ، هى انه لما بنيجى نرسم خط الايلينر بنرسمه فى خط متصل مرة واحدة علشان كده بيطلع مش مظبوط او مايل. علشان كده اسهل طريقة لـ وضع الايلينر هى انك ترسمى خطوط صغيرة جنب بعضها الاول و بعدين توصليهم ببعض علشان يبقى فى خط واحد .
النصيحة الرابعة :غيريه من غير ما تمسحيه
لو رسمتى خط ايلينر عريض و حبيتى تخليه ارفع ، ماتمسحيهوش و تعيدى من الاول لانه الحركة دى مش بس هتخليكى تعيدى ماكياجك كله ، لكن كمان مسح الماكياج وغسل العينين كتير مرات كتير وراء بعضها بيرهق منطقة حول العين جدا و ده هيخلى وضع الايلينر اصعب . احسن حل انك باستخدام لون eye shadow مناسب ترسمى بيه فوق خط الايلينر بحيث ترفعى بيه الخط لحد ما توصلى للشكل اللى انتى عايزاه . أو إنك تستعملي عود القطن وعليه نقطة كونسيلر أو حته فازلين صغيرة جدا وشيلي الزيادات أو الجزء اللي بايظ. وبكده تكونى غيرتى شكل الايلينر من غير ما تضطرى تمسحيه و تبدأى من الاول. اعرفى معانا كمان طريقة رسم الايلينر المسحوب .
النصيحة الخمسة: استعملى كارت لرسم الايلينر
حيلة عبقرية للبنات اللى مش بتعرف ترسم الايلينر! اقطعى كارت قديم بالشكل او الرسمة اللى نفسك فيها رسمة القطة مثلا Cat Eye و حطيه جنب عينك بالزاوية اللي إنتي عيزاها عشان رسمة الايلينر متطلعش بره الخط ده.
النصيحة السادسة: استعملى شريط لاصق عشان تظبطي الرسمة
ممكن تستعملي شريط لاصق وتحطيه بشكل مايل زي اللي في الصورة كده وحطي الايشادو والايلينر وعكي برحتك وبعدين شيلي الشريط هتلاقي الرسمة مظبوطة بالمللي. ديه طبعا طريقة تستعمليها في البدايات ومش علي طول لانها ممكن تأثر علي بشرتك.. بس تجربيها في الاول لحد لما تتعلمي إزاي تظبطي الرسمة لوحدك.
النصيحة السابعة: وضع ايديك وإنتي بتحطي ايلينر
يفضل إنك تبقي قاعدة مش واقفة. – اسندي كوعك علي ترابيزة أو أي سطح مستوي. – صباعك الصغير يكون مسنود علي خدك زي ماهو بين في الصورة كدة عشان يديكي اكبر قدر من التحكم.
النصيحة التامنة: اعرفي أنواع الكحل والأيلينر واستخدماتهم
1- قلم كحل سهل جدا اننا نستعمله، بس مش بيترسم بيه خط تخين. مثالي لو هنرسم جوه العين. واوقات بيبقي قاسي أو ناشف في رسمة.
2- الجيل, بيجي في شكل قلم أو علبة صغيرة معاها فرشة, سهل وناعم علي العين جدا.. وشكله في النهاية بيدي اللوك المطفي, الغير لامع وبينفع للرسم بمنتهي الدقة.
3- السايل, أو الفلومستر, اسهلهم في التحكم والرسم, بيبقي قلم وحرفة ريشة رفيعة وبيترسم بيه وبياخد ثانيتين أو تلاته بعد مابنحطه عشان ينشف, وفيه منه اللوك المط الغير لامع وفيه منه اللامع.
النصيحة التاسعة: عشان تخلي الايلينر يثبت طول اليوم
جيبي البودرة الشفافة وفرشة الايشادو وبعدين ماتخلصي رسم عينيكي بالايشادو و الايلينر, أمشي بالفرشة وهي فيها البودرة الشفافه علي جفنك المتحرك كله وبعدين حطي الماسكرا. الطريقة ديه هتديكي أحسن تثبيت ويعيش معاكي طول اليوم.
