ايه هي انسب هدايا هدايا لأنثى برج الحمل؟!

بقلمأنجي سليمان فيبرج الحمل visibility12118

متفائلة ومنطلقة دايما متحمسه وعايزة تجرب كل شيء جديد دي اهم صفات أنثى برج الحمل لو بتفكر في هدية تناسب انثى الحمل يبقى بشكل عام نبعد عن الهدايا العملية لأنها بتميل اكتر للهدايا الممتعة او الهدايا اللي تحب هي تستعملها وتتبسط بيها شوفوا مع بنات حوا ايه هي انسب هدايا لأنثى برج الحمل

افكار هدايا انثي برج الحمل

– عزومة عشاء:

انثى الحمل تحب تحس بالتقدير وان في حد بيفكر عشانها عشان كده فكرة عزومة عشاء خاصة بيكم انتو الاتنين بس فكرة جميلة ومش شرط يكون مكان فاخر او مكلف، لكن المهم يكون فيه الحاجات اللي هي بتحبها يعني مكان بيقدم اكلها المفضل وياريت يكون في مكان هي بتحبه.

هدايا لأنثى برج الحمل (4)

– خروجة ممتعة وفيها مغامرة:

من اجمل الهدايا اللي ممكن تهادي بيها انثى الحمل انك تقضي معاها يوم كامل تخرجوا فيه في كل الاماكن اللي هي بتحبها وتدخلوا السينما او تحضروا حفله موسيقية، المهم انها تحس ان اليوم ده بتاعها وان الاهتمام كله لها هي وبس وان كل حاجة في اليوم على زوقها وحسب ما هي تحب, كمان جزء كبير من شخصيتها بيحب المغامرة واختبار الحاجات الجديدة, جرب تاخدها مكان فيه لعب أو مغامرة أو حتي ملاهي هتلاقيها عايشة احلي لحظات حياتها كأنها رجعت طفلة تاني.

هدايا لأنثى برج الحمل (3)

– الالعاب:

انثى برج الحمل بتحب الالعاب والاستمتاع جدا، يعني لو جيبتلها مجموعة من احدث العاب الكومبيوتر او العاب البلاي ستيشن من النوع المفضل عندها حتحبها جدا، اما لو كانت مش بتفضل الالعاب الالكترونية فممكن تختار لها مجوعة من الالعاب الجماعية زي المونوبلي والسكرابل اي حاجة فيها تحدي واستمتاع في نفس الوقت.

هدايا ألعاب انثي الحمل
هدايا ألعاب انثي الحمل

– البرفانات المميزة:

قلنا إنها من طباعها المرح وحب الحياه عشان كده انثى الحمل بتحب العطور اللي ريحتها واضحة ومميزة زي الياسمين او الموالح لكن في نفس الوقت تبقى لطيفة ومش مزعجة عشان تتماشي مع شخصيتها اللي كلها طاقة ومنعشة وحب للحياة، ممكن تختار لها برفان بالمجموعة بتاعته زي الكريم والشاور جيل بس اعرف الاول ايه هي الرائحة المحببة عندها اكتر.

برفان مميز
برفان مميز

– المجوهرات والدهب:

اغلب البنات بيحبوا الدهب لكن الموضوع صعب شوية مع انثى الحمل لأنها على الرغم من انها مابتحبش المبالغة في لبس المجوهرات وممكن تميل للدهب الابيض او الفضه لكن بالنسبة لها دي حاجات لا غنى عنها لأنها على طول تحب تلبس قطعة او اتنين على زوقها وعلى حسب استايلها لو حلق رقيق او خاتم شيك حتبقى هدية مميزة جدا

هدايا لأنثى برج الحمل (2)

اكيد كل واحد فينا مختلف عن التاني في ذوقه وطبيعته حتى لو اتفقنا في بعض الصفات طبقا للابراج بتاعتنا، لكن من معرفتك بالشخص اللي حتديله الهدية تقدر تحط اللمسات اللي تخلي هديتك انسب واجمل هدية في الدنيا.

اقروا كمان: المحاربة الشغوفة: انثى برج الحمل

المتفائل عاشق التحدي رجل برج الحمل

توافق برج الحمل مع الابراج التانية

ايه هي مميزات برج الحمل

ايه هي عيوب برج الحمل؟!

ايه هي انسب هدايا لرجل برج الحمل