الطريقة و الوقت الصح لـ استخدام الكريم المرطب

الكريم المرطب مفيش بنت تقدر تستغنى عنه ،و الكريم المرطب بيعتبر من اسهل الحاجات اللى ممكن نستخدمها علشان نهتم بجمال بشرتنا و صحتها , الموضوع بسيط مش كده ؟ ببساطة بتفتحى علبة الكريم و تاخدى منها لكمي المناسبة و تفرديها على وشك و جسمك و خلاص . بس الحقيقة لا ، حتى استخدام الكريم المرطب له طريقة و وقت معين . علشان كده ” بنات حوا ” هتعرفك النهاردة على الدليل الكامل للطريقة  و الوقت الصح لاستخدام الكريم المرطب.

يلا نتعرف مع بعض علي نصايح في استخدام الكريم المرطب :

– طبقيه بشكل صحيح :  

تطبيق و استخدام مستحضر تجميل واحد اكيد مفيد لبشرتك ، بس استخدام مستحضرين افضل .استخدمى كريم مرطب مع سيروم مناسب لنوع بشرتك علشان تحصلى على ضعف الفايدة . الطريقة دى هتفيدك جدا خصوصا لو كتى من اصحاب البشرة الجافة .

– التوقيت مهم جدا :

مهم جدا نك تبقى حريصة على استخدام الكريم المرطب الخاص بيكى فى الاوقات المناسبة ، و الاوقات المناسبة دى هى اما بعد حمامك على طول او بعد ما تغسلى وشك الصبح و قبل النوم . و مهم جدا تجففى بشرتك بفوطة قطنية ناعمة قبل تطبيق الكريم المرطب الخاص بيكى . علشان المياة مش هتخلى بشرتك تتشرب الكريم و هتلاقيه بيسيل .

– استخدمى الكمية المناسبة : 

مهم جدا عند استخدام الكريم المرطب انك تستخدمى الكمية المناسبة ليكى ، لا كمية اقل ولا اكتر . و بما انه الكمية المناسبة ممكن تختلف من نوع بشرة للتانى فانتى هتقدرى تحددى الكمية المناسبة ليكى مع الاستتخدام المتكرر . ابدأى بكمية صغيرة و طبقيها و افضلى زودى الكمية عند الحاجة لحد ما توصلى للكمية الكافية و المناسبة لوشك و رقبتك . شوفي من هنا الكمية المناسبة من مستحضرات التجميل اللي بيحتاجها شعركوبشرتك

– اختارى التركيبة المناسبة : 

كل بشرة ليها احتياجاتها المختلفة ، علشان كده ممكن تلاقى كريم معين بيجيب نتيجة هايلة مع صاحباتك لكنه مايبقاش مناسب ليكى . اهتمى بأنك مع التجربة تلاحظى الكريم اللى بيفيد بشرتك اكتر و بعد كده استخدميه على طول علشان متعرضيش نفسك لاى مشكلة سواء كانت التهابات للبشرة او غيرها .

– ماتنسيش رقبتك : 

كتير مننا بيهتموا بصحة وجمال بشرة شعرهم و بيهملوا رقبتهم وده غلط كبير جدا . لان الرقبة بتعتبر واحدة من اهم الاماكن اللى لازم تهتمى بيها فى جسمك و ده علشان البشرة فى منطقة الرقبة حساسة و رقيقة جدا و بتعتبر من اول المناطق اللى بتظهر فيها الترهلات و التجاعيد مع تقدم السن و ده لانها كمان بتبقى عرضة للجفاف  . ممكن تسيطرى على الضرر ده و تقللى منه بدرجة كبيرة جدا عن طريق استخدام الكريم المرطب على رقبتك و منطقة الصدر خصوصا في المنتصف كمان بنفس عدد المرات و بنفس الاهتمام اللى بتديه لوشك و لباقى جسمك .

اتعرفي معانا على افضل انواع كريمات تفتيح البشرة