ايه هي مميزات برج الحمل

بقلمأنجي سليمان فيبرج الحمل visibility10926

مواليد برج الحمل بيتميزوا بالشغف والتفاؤل والحماس، دايما يحبوا يبادروا بالتصرف ومايحبوش ياخدوا دور المشاهد، حماسهم دايما بيخليهم يطلعوا من مغامرة للتانية وبيخليهم دايما يدوروا على التجديد. مواليد برج الحمل هما مواليد الفترة من 21 مارس الى 19 ابريل، صفات مواليد برج الحمل متنوعة لكن النهاردة حنركز بس على مميزت برج الحمل وصفاتهم الايجابية وحنتكلم عنها بالتفصيل.

مميزات برج الحمل

مميزات برج الحمل
مميزات برج الحمل

– بيحب المغامرة:

بيعتبر حبهم للمغامرة هو الحاجة اللى بتحركهم وبتتحكم فيهم، مولود الحمل ما بيخافش من المخاطرة لكن على العكس بيحس انه لازم يتبع احساسه بالمغامره وبيسيب النتيجه للحظ مش بيحط حسابات كتير قبل ما ياخد المخاطرة وده اللي بيخليه يتحرك من وضوع للتاني بنفس الحماس والروح العالية المتحمسة

– حلال المشاكل:

مولود الحمل شجاع مش بيخاف من مواجهة مشاكله مهما كانت صعبه، دايما بيقبل التحدي في اي موقف صعب يتحط فيه من غير ما يخلي الخوف من المشكلة او من العواقب يعطله عن حل مشكلته.

– سبع صنايع:

لكن غالبا البخت مش بيكون ضايع، لأن حب الحمل للمغامرة والدخول في مشاريع مختلفة وتجربة الجديد من وقت للتاني بتخلي عنده خبرة مش بطالة بحاجات كتير ممكن تلاقي مولود الحمل فاهم في اكتر من حاجة وبيقدر يعمل اكتر من حاجة باحتراف وبإتقان بالرغم من ان الحاجات دي كلها ملهاش علاقة ببعض. جيبنلكم عينة من مشاهير البرج عشان تقدروا تعرفوا أكتر عن شخصيته:

  • شارلي شابلن
  • باسم يوسف
  • سعد المجرد
  • إسعاد يونس
  • هوديني
  • إلتون جون
  • رامز جلال
  • روبرت داوني جونيور
  • مارلون براندو
  • فيكتوريا بيكهام
  • ميراندا كير
  • نجوى فؤاد
  • أحمد رزق
  • نادية الجندي
  • شيري عادل
  • يحيى الفخراني
  • حسين فهمي
  • فينس فون
  • مي نور الشريف
  • هيثم زكي

– بيشع طاقة وحيوية:

لو دخلت اي مكان وحسيت بببات النشاط والحيوية بتشع من حد معين اعرف على طول انه من مواليد برج الحمل، لأن مولو د الحمل بطبعه حيوي ونشيط  وصعب جدا عليه انه يبقى كسلان او منزوي او قليل النشاط، عشان كده دايما مولود الحمل بيكون معروف ومحبوب في دايرته الاجتماعية.

– ايجابي ومتفائل:

من مميزات الحمل كمان انه بيكره التشاؤم وبيحب ينشر الطاقة الايجابية و التفاؤل في اي مكان يكون موجود فيه، وبرضه من ناحيه تفكيره وتناوله للمواضيع مولود الحمل دايما يبص للجانب المشرق من اي موضوع ويبعد عن السلبيه وعن الاشخاص السلبيين تماما.

– شغوف ومتحمس:

مولود الحمل دايما متحمس للحاجة اللي بيعملها جدا سواء كانت مشروع او علاقة او غيره، دايما حيكون شغوف وبيبذل كل اللي يقدر عليه عشان خاطر الموضوع ده وبيتكلم عن الموضوع او عن العلاقة دي طول الوقت بمنتهى الحماس لدرجة انه بيقدر ينقل الحماس والشغف ده لغيره من كتر ايمانه بالحاجة دي.

دي تعتبرالمميزات اللي بتجمع اغلب مواليد الحمل، وتقدري كمان تعرفي عيوب الحمل من هنا،  قوليلنا ايه اكتر صفة من دول بتميز شخصيتك.

اقروا كمان: المحاربة الشغوفة انثى الحمل

توافق برج الحمل مع الابراج التانية

ايه هي عيوب برج الحمل؟!