انواع الزيوت الطبيعية وازاي تستخدميها

قبل اختراع الادوية والعلاجات الطبية ومستحضرات التجميل كان اجدادنا زمان بيعتمدوا تماما على الزيوت العشبية وبيستخدموها في العلاج وكمان في التجميل وطبعا كانوا عارفين الفوايد بتاعة كل زيت وطريقة استخدامه، وبالرغم من تطور مجال الادوية والتجميل الا ان اهمية الزيوت العشبية لسه زي ما هي لا ده على العكس كمان ده كل يوم بيتم اكتشاف انواع جديدة من الاعشاب والنباتات اللي زيوتها مفيدة جدا للبشرة والشعر، واحنا هنا حنساعدك تعرفي عشان تعرفي اهمية كل واحد منها وازاي تستفيدي منها.

اولا انواع الزيوت الطبيعية

• الزيوت الاساسية

وده الزيت اللي بيكون الجزء الاساسي من السيرم اللي بتحضريه، وغالبا بيكون زيت له قدرة عالية على الترطيب

• الزيوت العلاجية

كل زيت من الزيوت الطبيعية له فايدة معينة سواء بيعالج او بيقوم بوظيفة معينة في تجميل الجلد او الشعر، وده تاني حاحة تتحط على السيرم اللي بتحضرية وبتختاري نوع الزيت على حسب المشكلة اللي عندك وعلى حسب الوصفة بتضيفي الكمية المكلوبة على الزيت الاساسي

• الزيوت العطرية

ودي مجموعة من الزيوت اللي بتضيف اللمسة الجمالية على السيرم بتاعك وبتضيفله ريحة جميلة وجذابة غير طبعا طبيعتها كزيت له فوايد للبشرة او الشعر.

1- مجموعة الزيوت الاساسية

• زيت الاراجان

وده زيت فيه نسبة عالية من فيتامين E ومجموعة كبيرة من الاحماض الدهنية اللي بتخليه مفيد جدا للبشرة والشعر وللاظافر، وزيت الاراجان الخام طبيعته دهنيه شوية وده بيخليه مفيد جدا للشعر

• زيت الافوكادو

زيت غني بأحماض الاوميجا 3 ومضادات الاكسدة، وبيعتبر زيت الافوكادو من افيد الزيوت للبشرة وللشعر

• زيت جوز الهند

زيت غني بالبروتينات وفيتامينات E والاحماض الدهنية وغني بمضادات البكتيريا بالاضافة لطبيعته اللي بتخلي الجلد يمتصه بسهوله، واهم حاجة ان الزيت ده بيتجمد في درجة حرارة الغرفة يعني بيبقى سهل انك تحطيه في شنطتك او تسافري بيه.

• زيت بذر العنب

غني بحمض اللينوليك ومضادات الالتهاب وله فوائد كتيرة وخاصة قدرته على علاج حب الشباب

• زيت الجوجوبا

مشابه جدا للزيوت الطبيعية في البشرة وده بيخليه مفيد جدا في حالات البشرة الدهنية عشان بيعالج البشرة انها تظبط معدلات افراز الدهون الطبيعية

• زيت الزيتون

عني جدا بفيتامينات E  و A ومضادات الاكسدة وبيعتبر اهم مكون في سيرم البشرة الجافة او اصابات الاكزيما وعلاج علامات التقدم في السن

• زيت السمسم

من اكتر الزيوت اللي بتقاوم البكتريا، وبتستخدم في انواع معينة من العلاجات عشان تقلل سبة الكوليسترول في الدوم وتتخلص من انواع كتير من الفيروسات، اما افض استخدام له فهو انه يكون الاساس للسيرم المعالج للالتهابات وحروق الشمس

• زيت اللوز الحلو

مهم جدا في تخليص البشرة من الخلايا الميتة، وكمان بيوحد لون البشرة ويساعد على التخلص من البقع الداكنة، لكن احذري من استخدامه لو كنتي من المصابين بالحساسية من المكسرات

2- مجموعة الزيوت العلاجية

• زيت الصبار

بالرغم من ان جل الصبار هو الاشهر الا ان زيت الصبار كمان له فوايد متعددة زي علاج قشرة الشعر او اكزيما الجلد وكمان انواع كتيرة جدا من الالتهابات

• زيت الارنيكا (زهرة العطاس)

من الزيوت اللي بتساعد جدا على الاسترخاء، وكمان بيخلص الجسم من الكدمات او ارتشاح العضلات يعني لو بتفكري في زيت للمساج وخاصة بعد التمارين الرياضية حيكون ده الاختيار المثالي

• زيت بذور الجزر

غنية بمادة الكاروتين وفيتامين أ، وزيت بذور الجزر بيساعد على نمو خلايا الجلد وبتخلص البشرة من السموم، وبيحافظ على البشرة من ملوثات الجو وبيحافظ على ترطيب البشرة

• زيت الخروع

من اكتر الزيوت اللي بتساعد على نمو الشعر ومساعدته على انه يطول ويبقى اكثر كثافة، ده غير طبيعته الكثيفة اللي بتياعد على ترطيب الشعر

• زيت ثمرة الورد

بيحتوي على فيتامين C وبعض المواد اللي بتساعد على تمدد الجلد وترطيبه وده بيخليه مفيد جدا للحوامل عشان بيساعد على مقاومة ظهور الخطوط البيضاء

• زيت زهرة الربيع

زيت غني جدا بالاحماض الدهنية وبيساعد على ترطيب البشرة جدا بالاضافة الى انه من اقوى الزيوت اللي بتعالج الاكزيما وبتمنع الالتهابات

• زيت شجرة الشاي

من الزيوت اللي اتشهرت جدا مؤخرا بمقاومتها للعدوى والبيكتريا عشان كده بيكون مفيد جدا في علاج الحبوب وفطريات الاظافر وقشرة الشعر وحشرات الشعر بالاضافة الى قرصات الحشرات

3- مجموعة الزيوت العطرية

• زيت الكاليندولا (البكورية)

مفيد في علاج اثار الحبوب وبتساعد على تقليل الورم والاحمرار، وكمان له قدرة على علاج الالتهابات والتخلث من الورم تحت العيون

• زيت الكاموميل

له قدرة على تلطيف الجلد وترطيبه وبيساعد على تهدئه الالتهابات واعراض الصدفية وعضات العناكب، واثار الحبوب والاكزيما وحروق الشمس

• زيت الايكاليبتوس

من الزيوت اللي بتساعد على التئام الجروح وكمان بتساعد على الشفاء من قرص الحشرات

• زيت الجيرانيوم (ابرة الراعي)

من اكتر الزيوت اللي بتساعد على مقاومة علامات التقدم في العمر والتخلص من الترهلات لأنه غني بكتير من مضادات الاكسدة والمواد اللي بتساعد على اعادة بناء الخلايا

• زيت الياسمين

بيخلي الجلد اكثر مرونة وبيساعد على التخلص من علامات التمدد والخطوط البيضاء واثار الحبوب وبيخلي البشرة مشرقة جدا

• زيت اللافندر

طبعا من اشهر الزيوت اللي بتستخدم في المساج عشان قدرته العالية على المساعدة على الاسترخاء لكن كمان زيت اللافندر بيساعد على علاج تساقط الشعر وكمان تدليك فروة الرأس بزيت اللافندر بيساعد على لتخلص من الصداع

• زيت النعناع

من الزيوت اللي بتهدي علامات الحساسية وبتساعد على التخلص من الصداع والام الجيوب الانفية

• زيت الروزماري

بيستخدم في علاج الم المفاصل وبيفك تشنج العضلات وبينشط الدورة الدموية، واستنشاق الزيت ده بيساعد على تنقية الذهن وبيحفز الشعور بالطاقة والحيوية

• زيت الزعتر

من الزيوت اللي بتساعد على عدم انتشار الالتهاب عشان كده بيبقى مفيد جدا في الحد من انتشار الحبوب على البشرة وبيمنع ظهور الدمامال والثأليل

• زيت اليلانج يلانج

من الزيوت المفيدة في علاج الشعر الخفيف لأنه بيساعد على نمو الشعر وتكثيفه بالاضافة الى قدرته على اكساب الجسم شعور بالاسترخاء والراحة وهو من الزيوت المفيدة في عمل مساج للبشرة