20 نصيحة لسن الثلاثين هتشكرى نفسك عليهم فى سن الخمسين !
مفيش بنت فينا مبتفكرش كل يوم فى حاجات كتير نفسها تعملها او توصلها ، ، و كمان مفيش بنت فينا مبتفكرش في حياتها هتبقى شكلها ازاى فى سن الاربعين او الخمسين و ايه اللى هيكون بيحصل فى البيت او الشغل او حتى بالنسبة لصحتها و لجسمها ، و علشان احنا عارفين انتى بتفكرى فى ايه او ايه اللى ممكن يكون بيشغل بالك ” بنات حوا” هتقولك النهاردة فى المقال ده على 20 نصيحة لسن ال 30 هتشكرى نفسك عليهم فى سن ال 50 ..
1- متدخنيش ، و لو بتدخنى يبقى بطلى فورا !
لما توصلى لسن الخمسين هتلاقى انه التدخين هو عدوك الاول و السبب لكل مشاكلك الصحية ، التدخين مالوش اى فوايد خالص و كله اضرار لان السجاير سعرها عالى ، طعمها و حش و مضرة جدا لصحتك . ماتشربيش سجاير ابدا .
2- استخدمى الكريمات المضادة للشمس ” sun block ” :
لو عايزة تتمتعى ببشرة مشدودة و مفيهاش اى تجاعيد او خطوط او عيوب يبقى عليكى بالكريم المضاد بالشمس ، استخدامك المنتظم ليه فى سن العشرين عموما هتلاقى اثره الكبير و الحلو على بشرتك لما توصلى لسن الخمسين .
3- وفرى فلوسك !
ايوة ، وفرى فلوسك و حاولى تصرفى الفلوس فى الحاجت الضرورية اللى ممكن تكونى محتاجاها و بعقل و حكمة ، و كمان حوشى على قد ما تقدرى و حتى لو كان اللى بتحوشيه مقدار قليل جدا ، المبال القلية دى مع بعضها هتكون مبلغ كويس تقدرى تتستمتعى بيه و يفيدك فى سن الخمسين .
5- حافظى على علاقاتك الاجتماعية :
مهم جدا تحافظى على علاقاتك الاجتماعية و انتى لسه فى سن صغيرة ، لو متخاصمة مع والدك او واالدتك او اصحابك يبقى لازم تدورى على طريقة تتصلالحوا بيها و تحسنوا علاقتكم مع بعض ، لما توصلى لسن الخمسين اكتر حاجه هتحتاجيها هما ناس حواليكى تحسى بيهم و يفضلوا جنبك ، علشان كده مش هتلاقى احسن من اهلك و اصحابك .
5- كونى ذكريات:
بدل ما تهتمى بانك بتشترى حاجات كتير او بتجمعى لبس على الموضة و غيره اهتمى اكتر بان يبقى عندك ذكريات كتير حتى لو مش حلوة اوى ، اتصورى دايما مع اهلك و اصحابك ، اشترىيلهم هدايا او حتى اعملى ذكريات جديدة معاهم علشان لما توصلى لسن الخمسين تفتكرى دايما الحاجات الحلوة و تحسى انه حياتك كانت مليانة و جميلة .
6- حافظى على عطاءك:
دايما خلى العطاء صفة من صفاتك ، و حاولى دايما تعملى خير علشان يعود عليكى بخير واحساس حلو بانك بتفيدى اللى حواليكى ، اعملى الخير و ماتستنيش منه مقابل و انتى هتقى الخيرفى حياتك بيزيد .
7- مارسى رياضة :
خلى نمط حياتك نشيط ن اعتمدى الرياضة كأسلوب حياة و خليها اساسية فى روتين حياتك و هتلاقى صحت بقت احسن بكتر لما توصلى لسن الخمسين ، حاولى تحافظى على وزن مناسب لجسمك و مارسى الرياضة بشكل منتم ، اهتمى بنفسك و صحتك .
8- ارضى بحياتك :
خيكى دايما راضية بحياتك و باللى موجود فيها لانه هو ده اللى هيحققلك السعادة مهما كان سنك ، ممكن ماتبقيش غنية جدا او جميلة جدا لكن لو انتى راضية بحياتك ده هيضمنلك السعادة و ده هيكون له تأق=ثير كبير جدا على حيتك قدام .
9- اجرى وراء احلامك !
مهما كانت احلامك ، عايزة تشتغلى ، تكملى تعليمك ، تسافرى او تشترى بيت او عربية ، اشتغلى على نفسك و حطى خطة تقدرى بيها تحققى اللى نفك فيه ، اجرى و راء احلامك و اسعى انها تتحقق علشان . ابداى و فكرى من النهاردة و انسى جمبة ” فى يوم هعمل كذا ” . ابداى من دلوقتى .
10- نامى كويس :
ايوة .. النوم كويس فى السن الصغير مهم جدا وله تأثير كبير جدا على صحتك و بشرتك ، نامى فى اوضة ضلمة و متبصيش فىا لموبايل قبل ما تنامى ، و حددىو ميعاد ثابت تنامى فيه ميعاد تانى تصحي فيه و حافظى عليهم .
11- اهتمى بأسنانك :
روحى لدكتور الاسنان و اتخلصى من مشاكل اسنانك كلها و بالتدريج ، حافظى على صحة اسنانك و انتى فى سن العشرين هتلاقى سنانك لسه موجودة فى سن الخمسين و الستين .
12- خليكى فضولية !
اخرجى برة البيت و روحى عيشى مغامرات جديدة ، زورى اماكن مشوفتيهاش قبل كده ، اتعلمى لغة جديدة ، اقرأى كتير و اسمعى مزيكا و اغانى خليكى دايما فضولية ناحية الحاجت الجديدة و حخلى مخك دايما شغال ، ماتبطليش تجربى .
13- كلى كويس:
بطلى تاكلى اكلات سريعة او ال junk food ، ابداى اهتمى بصحتك و كلى بشكل سليم و صحى .
14- اقرأى على الاقل 10 كتب فى السنة :
مخك مبيبطلش يكبر ، القراية مهمة جدا ليكى فى كل ناحية فى حياتك ، اقراى كتير و ساعدى مخك يبر بطريقة صحيحة و صحية .
15- اتأملى:
ادى لنفسك وقتك فى اليوم تقعدى فيه ساكتة و تتخلصى من اى دوشة حواليكى و اقعدى اتاملى و اسرحى ، ده هيبقاله تأثير كبير على صحتك و جسمك و عقلك .
16- سافرى:
سافرى على قد ما تقدرى و فى اى حته تقدرى تروحيها ، السفر مهم جدا و مفيد جدا ، هياخدك لاماكن جديدة و لناس و ثقافات جديدة .
17 – متقارنيش نفسك بحد:
متقارنيش نفسك ابدا بحد تانى و متقارنيش حياتك بحياة تانية ، دورى على حياتك انتى و خليكى قوية و اتحمليها و واجهيها .
18 – اكتبى مذكراتك !
لما توصلى لسن الخمسين هتنسي حاجات كتير حصلت لما كان عندك 5 او 20 سنة ، اكتبى مذكراتك يوم بيوم علان تسجلى كل لحظة بتعيشيها و متنسيش ابدا .
19- خدى بالك من اصحابك :
اختارى الناس اللى بيخلوكى تحسي بقيمة نفسك و تحبيها و خاليهم يبقوا اصحابك ، الناس اللى بيخلوكى تتمتعى بكل دقيقة معاهم و اللى بتلاقيهم دايما جنبك ، و خلى بالك منهم و حافظى عليهم .
20 – اشترى بيت :
ايوة ، اشتغلى وحوشى فلوس واشترى بيتك الخاص بيكى لو قدرتى او حتى عربيتك الخاصة، حاولى تأمنى نفسك طالما تقدرى و اخلقى حاجة تبقى ملكك و تحسى انك انجزت شىء فى حياتك ليكى انت غير كل اللى بتعمليه للأخرين .
