مستحضرات التجميل الاساسية للعروسة اللي حتحتاجيها في بيتك

بقلمأنجي سليمان فيمكياج visibility45468

اكيد كل عروسة جديدة بتكون مشغولة بتحضير وتأسيس بيتها من كل الاغراض زي الفرش والعفش والاجهزة وحتى الهدوم لكن من الحاجات الاساسية اللي بتحتاجها كل عروسة هي ادوات التجميل ومستحضرات ومنتجات العناية بالبشرة والشعر والجسم وطبعا الاسواق مليانة بكتير من المنتجات دي وممكن في وسط زحمة المشتريات والتجهيزات تنسي تشتري حاجات مهمة منها عشان كدة بنات حوا جمعتلك قائمة بأهم مستحضرات التجميل الاساسية للعروسة اللي تقدري ترجعيلها عشان تستكملي مشتريات من غير ما تنسي حاجة.

مستحضرات التجميل الاساسية للعروسة

مستحضرات التجميل الاساسية للعروسة

1- العناية بالشعر:

من اهم مستحضرات التجمل واللي بتحتاج لعناية خاصة في اختيارها وده لأن الشعر من اهم علامات الجمال عند كل بنت، وغالبا العروسة بتكون غيرت لون شعرها او ممكن كمان استخدمت معالجة خاصة زي الكيراتين او البروتين او غيرها وعشان كده لازم تختاري المنتجات اللي ينصحك بيها الكوافير واللي بتتوافق طبيعة شعرك، ونصيحة عامة عند اختيار مستحضرات الشعر يا ريت تختاري منتجات ريحتها حلوة وابعدي عن الزيوت التقيلة او المنتجات اللي ريحتها مش لطيفة،  اما اهم مستحضرات العناية بالشعر هي:

  • الشامبو:

اختاري شامبو للشعر الملون لو كنتي صبغتي شعرك، او اختاري شامبو من غير املاح زي شامبو الاطفال لو كنتي معالجة شعرك بالكيراتين او البروتين، اما لو شعرك بيعاني من القشرة اختاري شامبو ضد القشرة ومعاه شامبو تاني لمعالجة الشعر التالف عشان غالبا الشامبو ضد القشرة بيكون قوي جدا على الشعر وحتحتاجي لشامبو لطيف من فترة للتانية، اما لو مش معالجة شعرك بأي حاجة اختاري شامبو حسب نوع شعرك وياريت تكوني مجرباه من قبل كده.

  • البلسم:

تاني اهم مستحضر للعناية بالشعر بعد واهم حاجة في اختيار البلسم انه يكون من نفس ماركة ونوعية الشامبو عشان يكونوا متوافقين مع بعضوتحصلي على افضل نتيجة

  • الماسك او حمام الكريم:

غالبا بيكون مع مجموعة الشامبو والبلسم من نفس النوع والماركة وبيستخدم مرتين بس في الاسبوع، وماسك الشعر بيعيد للشعر حيويته وجماله وبيعالج التلف البسيط زي لتقصيف البسيط او الخشونة البسيطة.

  • السيرم:

وده بديل كريم او زيت التصفيف بيساعد على تصفيف الشعر وكمان بيحميه من الحرارة لو بتستخدمي سشوار او بيبي ليس على شعرك

2- العناية بالبشرة:

  • منظف البشرة اليومي:

اختاري نوع لطيف واتأكدي انه للاستخدام اليومي واختاري النوع اللي بيتوافق مع نوع بشرت، ويقدري تعرفي نوع بشرتك من هنا

  • المقشر:

وده متوفر بأنواع وماركات كتيرة جدا، اختاري مقشر لطيف على البشرة واتأكدي برضه انه بيتوافق مع نوع بشرتك، بس بلاش تستخدمي المقشر بشكل يومي حتى لو مان للاستخدام اليومي الافضل مرتين بالاسبوع اما لو بشرتك دهنية ممكن تستخدميه يوم بعد يوم.

  • التونر:

استخدامه خطوة مهمة جدا بعد التنظيف اليومي للبشرة، عشان بيقفل المسام وبالتالي بيحافظ على نظافة البشرة، وكمان بيديكي احساس بالانتعاش طول اليوم، اختاري منه النوع المناسب لبشرتك.

  • المرطب:

المرطب كمان من المنتجات المهمة جدا للحفاظ على نضارة بشرتك، اختاري مرطب خفيف لو بشرتك دهنية او مرطب قوي لو كانت بشرتك جافة، وخلي ترطيب وجهك وايديكي ورجليكي والكوعين والركبيتن من الروتين اليومي عندك قبل ما تدخلي تنامي.

  • سائل الاستحمام:

من اهم منتجات العناية بالبشرة وياريت تختاري سائل الاستحمام وتبعدي عن الصابون لأنه غالبا بيسبب جفاف البشرة، وكمان لازم تستخدمي اللوفة مع كل استحمام عشان تتخلصي من الجلد الميت اول بأول.

  • زيت او لوسيون الترطيب:

بيستخدم بعد الحمام على طول وهو لوسيون ترطيب الجسم، او ممكن تستخدمي زيت الاطفال، او حتى تصنعيه بنفسك بأدوات بسيطة وهي انك تخلطي في زجاجة زات بخاخ نص كوب ماية مع نص كوب من زيت الاطفال و15 نقطة من زيت اللافندر او الياسمين، رجي الخليط كويس ورشية على جسمك بعد الاستحمام وقبل تجفيف جسمك بالفوطة.

3- العناية باليدين والقدمين:

  • ادوات باديكير كاملة وهي قصافة للأظافر، ومبرد لليدين ومبرد للقدمين، وبنز لإزالة الجلد الميت من حوالين الاظافر
  • مرطب لليدين وللقدمين
  • الوان المانيكير الاساسية مجموعة الفرنش والاحمر والروز وممكن تزودي عليهم المفضل عندك

4- المكياج:

مجموعة اساسية من كل انواع المكياج وابعدي عن علبة المكياج الكبيرة او اختيار اعداد كتيرة من نفس النوع لأن المكياج  له تاريخ صلاحية والافضل تشتري على قدر استخدامك ولما تنتهي تشتري مرة تانية واساسيات المكياج هي:

  • كريم الاساس
  • مجموعة الكونتورينج
  • الكونسيلر
  • اي لاينر
  • كحل
  • مسكارا
  • اي شادو
  • مجموعة من الوان الروج المفضلة عندك
  • بلاشر
  • مجموعة مختلفة من الفرش لكل انواع المكياج

5- العطور:

اختاري نوعين او تلاتة انواع من العطور بالكتير، الاول خفيف لاستخدام النهار او قبل النوم، والتاني للسهرات والخروجات الليلية، وبلاش المبالغة  في استخدام العطور عشان ماتفقدش معناها الرقيق.

6- منتجات العناية الشخصية:

ودي منتجات متنوعة بتفيدك في الاستخدام الشخصي في البيت حاولي قدر الامكان ماتنسيش حاجة منها واهمها

وطبعا في حاجات خاصة بكل واحدة مننا ممكن ما نكونش ذكرناها في المقال لكن احنا حاولنا نجمع الاساسيات بقدر الامكان، ويا ريت لو عند افكار او اضافة لقائمة مستحضرات التجميل الاساسية للعروسة تشاركيها معانا.