9 فوايد لـ ” اليوجا ” هيخلوكى تبدأيها حالا

بقلمآية حسان فيصحة visibility9968

مفيش بنت فينا بالها مش مشغول طول الوقت بصحتها و رشاقتها و انه جسمها يبقى شكله حلو و فى صحة كويسة ، و كتير بنحاول حاجات زى التمرين الرياضية و الدايت لكن ممكن نزهق بعد فترة و نبطل نحاول ، لكن لو انتى لسه بتحاولى و مايأستيش و لسه بتدورى على حلول سهلة و بسيطة علشان تكسبى رشاقتك و شكلك الحلو ، فى المقال ده هتعرفى طريقة جديدة خالص و هى “اليوجا”

9 فوايد لـ ” اليوجا “هيخلوكى تبدأيها حالا

“اليوجا” معروفة انها مش بس صحة و غذاء للجسم ، لكنها صحة للعقل و النفس كمان و مهما كان سنك بتقدرى تمارسيها و تتمتعى بكل فوايدها لانها بتساعدك فى تصفية ذهنك و الاسترخاء و كمان بتفيدك فى انه برتك تبقى اجمل ، وليها طرق و تمارين كتيرة و تقريبا لكل حاجه . فى المقال ده هاعرفى 10 فوايد لليوجا هتخليكى ماتستغنيش عنها ..

فوايد اليوجا
فوايد اليوجا

1- خسارة الوزن : 

بتعتبر واحدة من افضل و اسهل طرق خسارة الوزن ، بسبب انه لليوجا مش بس بتحرق السعرات الحرارية و لكنها كمان هتخليكى واعية اكتر بصحتك و صحة جسمك و كمان بتعتبر فعالة جدا فى تخفيض نسبة الكوليسترول ، و كمان هرمون الكورتيزول او ” هرومون التوتر ” . 

2- لبشرة متألقة : 

لليوجا قايدة تانية حلوة جدا و هى انها بتشاعدك على انه بشرتك تبقى نضرة و متألقة ، وده لانها بتقوى الدورة الدموية للجسم و كمان بترفع من نسبة الاكسجين فى الدم ، وكمان لانها بتساعدك على تصفية ذهنك و الاسترخاء ده بينعكس على وشك و بشرتك فبيبان رايق و شكله صحى اكتر و كمان الممارسة المنتظمة لليوجا هتحقق التوازن لجسمك و ده بيأثر على بشرتك و بيخليها تبان شباب اكتر .

3- التخلص من التوتر : 

“اليوجا” بتعتبر طريقة رائعة للتخلص من التوتر و القلق ، الممارسة المنتظمة لليوجا هتظبط مودك جدا و كمان هتخلصك من الارق .

فوايد اليوجا
9 فوايد لليوجا هيخلوكى تبدأيها حالا

4-السلام الداخلى  !

تمارين التنفس المنتظمة و جلسات التأمل اللى بتعتبر جزء اساسى من جلسات “اليوجا” بتساعدك فى انه نفسيتك تهدى جدا و بالك يرتاح وتفصلى شوية من اى حاجه شاغلاكى و هموم الشغل او البيت او الدراسة ، مع التدريب المنتظم عقلك هيبقى اهدأ و هتلاقى نفسك متزنة اكنر و بتفكرى بطريقة احسن .

5-  تدعيم المناعة : 

التجريب المنتظم مش بس هينفع الشكل الخارجى لجسمك لكن كمان هيحسن جسمك من جوا ، لانهابتساعد الجهاز المناعى فى انه يبقى اقوى و بتولد طاقة اكبر لجسمك و بتحسن من وظيفة اعضاء الجسم .

9 فوايد لليوجا هيخلوكى تبدأيها حالا
9 فوايد لليوجا هيخلوكى تبدأيها حالا

6- لنوم افضل :

خلال النوم الجسم بيتخلص و بيطرد السموم اللى بتتراكم فيه على مدار اليوم ، علشان كده النوم الغير مستقرخلال النوم او لما مابنامش كويس بالليل بتزيد الفرصة انه تظهر على الجسم علامات التقدم فى السن اسرع و كمان مع مرور الوقت صحتنا بتبقى اضعف . التنفس الننتظم و تمارين العقل و التأمل اللى بتوفرهم “اليوجا ”  بتخليكى تحصلى على نوم افضل و اعمق بدرجة كبيرة خلال اللليل ، و ده اللى بيساعد الجسم فى انه ينقى نفسه  بتقوى من عملية طرد السموم و التخلص منها .

احصلى على نوم افضل
احصلى على نوم افضل

7- التخلص من الصداع النصفى : 

لو بتعانى من الصدع النفسى اللى معروف انه مؤلم و مزعج جدا ، يبقى لازم تجربى “اليوجا” ، الدرسات بتقول انه بعد شهور قليلة من الممارسة المنتظمة لليوجا احتمال انك تعانى من الصداع النفسي بتقل بنسبة كبيرة و كمان لو حصلت المها بيبقى اقل بصورة ملحوظة .

8- تحسين العلاقات : 

“اليوجا” هتساعدك فى انك تحسي بسلام نفسى اكتر و تخليكى كمان بدرجة كبيرة relaxed  و اهدا و مبسوطة ، و ده اللى هيساعدك فى انك تتعاملى مع اناس من حواليكى سواء فى بيتك او شغلك او اصحابك بطريقة احسن كتير و هتلاحظى انه مودك متغير للاحسن بصورة كبيرة و ده هيأثر بشكل ايجابى جدا على علاقاتك .

اليوجا
فوايد اليوجا

9- زيادة الطاقة : 

عايزة تحسي انك مليانة طاقة ، منطلقة و fresh حتى بعد يوم شغل طويل او بعد يوم صعب فى الكلية ؟ ” اليوجا” هى الحل الافضل لانه كتير من تمارين اليوجا بتركز على زيادة الطاقة و تحسينها و تحويلها من طاقة سلبية و توتر لطاقة ايجابية مستمرة معاكى طول اليوم و بتحسن من مستويات الطاقة بشكل كبير جدا لانها بتزود من ضربات القلب و بتخليه يضخ دم اكبر لجسمك كله فبيبقى عندك استعداد اكتر للشغل و الحركة.

شوفى معانا الفيديو ده لتعليم اليوجا للمبتدئين:

اعرفى معانا كمان 9 فوايد هيشجعوكى على استخدام السونا