شوفوا معانا تسريحات للشعر القصير تجنن

ريهام محمود
ريهام محمود
في
شعر
29897

كتير من البنات اللي بيكون شعرهم قصير بتقابلهم مشكلة انهم مش بيعرفوا يتصرفوا فيه ولا يغيروا في شكله ومش بيعرفوا يعملوا تسريحات ليه لكن لكل البنات اللي شعرهم قصير وفاكرين ان مافيش تسريحات مناسبة لشعرهم النهاردة بنقولكم ان انتي قدامك اختيارات وتسريحات للشعر القصير كتير واحنا النهاردة هنريح كل بنات حوا اللي شعرهم قصير من البحث الكتير عن تسريحات لشعرهم وجيبنالكم تسريحات للشعر القصير تجنن هتخليكوا تغيروا استايكلم باستمرار وتعملوا تسريحات جديدة وتحبوا الشعر القصير اكتر.

تعالوا نشوف مع بعض بالصور تسريحات للشعر القصير:

هنبدأ مع شوية تسريحات بسيطة جدا باستخدام اكسسوار وتوك للشعر ومناسبة جدا للشعر القصير الكيرلي والتسريحات ما بين رفع الشعر من جنب واحد بتوك صغيرة, او لم جزء من الشعر على ورا ونسيب باقي الشعر سايب ونلمه بتوكه كبيرة على شكل فيونكة مثلا او الشكل اللي تختاريه او نلمه بالبنس يعني تقدري تختاري الطريقة اللي تناسبك او تعمليه مره بالتوكة ومرة بالبنس يعني قدامك الاختيارات تقدري تغيري عشان متزهقيش.

ممكن نعمل الشعر مموج تمويجة بسيطة بالبيبي ليس نمسك خصلة خصلة ونبدأ نموجها ونلفها وبعدين نفكه ونرش الشعر بمثبت الشعر عشان التمويجة تثبت في الشعر ونسرحه بالفرشة بس بشكل خفيف اوي, وممكن نموج الشعر كله او بس نكتفي بالجناب.

ممكن تعملي تسريحات فيها ضفاير وبتتعمل باكتر من طريقة ممكن تعملي ضفيرة واحدة جانبية, او ضفيرتين من الجانبين ونسيب باقي الشعر سايب, او ضفيرة مع كحكة ونرفع الشعر يعني قدامك اختيارات كتير, والتسريحات تمشي للشعر المفرود والشعر الكيرلي.

في تسريحة العقدة الفرنسية بتبقى شبة الضفيرة بس شكلها مختلف شوية هتقسمي الجزء اللي قدام من شعرك لاتنين وتمسكي الخصلتين تدخليهم في بعض كانك هتربطيهم مع بعض شكل الشعر هيبقى عامل زي الحلقات تحت بعض وكل حلقة ثبتيها ببنسه وبعدين اعملي اللي تحتها, وبعدين لمي الجنب التاني من الشعر بالبنس وخليه مرفوع شوية وانتي بتلميه يعني ميبقاش محبوك اوي.

تسريحة العقدة الفرنسية
تسريحة العقدة الفرنسية

دي مجموعة تسريحات مختلفة تقدروا تختاروا منها اللي يناسبكم.

وده فيديو كمان في مجموعة من التسريحات للشعر القصير.

مقالات متعلقه

ستايلات الشعر المثالية لشكل انفك

ستايلات الشعر المثالية لشكل انفك

تسريحات للشعر الكيرلي باستخدام السكارف

تسريحات للشعر الكيرلي باستخدام السكارف

9 طرق سهلة ترفعي بيهم شعرك بسرعة لو مستعجلة

9 طرق سهلة ترفعي بيهم شعرك بسرعة لو مستعجلة