استعملات مختلفة لـ البيبى بودر مكنتيش تعرفيهم قبل كدة

آية حسان
آية حسان
في
مكياج
7071

كل الامهات بيستخدموا بودرة الاطفال او ” البيبى بودر ” لاطفالهم علشان يهتموا ببشرتهم و يحافظوا علي نعومتها الطبيعية و علشان تفضل كمان محتفظة بترطيبها الطبيعية و صحتها ، لكن البيبي بودر مبقاش استخدامها بس للاطفال ، انتى كمان ممكن تستفيدى منها بشكل كبير جدا زى الاطفال بالضبط ، فى المقال ده هتعرفى 10 استخدامات مختلفة و حلوة جدا للبيبي بودر تقدرى من خلالها تهتمى ببشرتك و جمالك … 

استخدامات البيبى بودر : 

البيبى بودر
البيبى بودر

1- تثبيت الروج لمدة اطول : 

البيبي بودر بتساعدك انه الروج بتاعك يفضل ثابت لمدة اطول ، امسحى شفايفك بمنديل مبلل و بعدين باستخدام فرشاة ماكياج حطى طبقة خفيفة من البيبي بودر ، و بعدين حطى الروج بتاعك ، بالطريقة المعتادة . اعرفى معانا كمان إزاي تخلي الروج يثبت طول اليوم!

روج ثابت لمدة اطول
روج ثابت لمدة اطول

2-  لرموش اطول  :

كلنا بنحب دايما انه رموشنا تبان اطول و اكثف ، و ده هتحققهولك البيبي بودر ، حطى طبقة من الماسكارار اللى بتستخدميها و بعدين باستخدام قطنة تنظيف الودان او ” الودانة ” حطى طبقة من البيبي بودر على رموشك و الماسكارا لسه طرية ، و بعدين حطة طبقة تانية من الماسكارا و هتلاحظى انه رموشك باينة اكثف و اطول .

رموش اطول
رموش اطول

3-  فى الشامبو الجاف : 

الشامبو الجاف دلوقتى من احدث مستحضرات العناية بالشعر ، ممكن تستخدمى البيبي بودر كبديل للشامبو العادى لو معندكيش وقت للشاور ، حطى مقدار مناسب من البيبي بودر على جذور شعرك و سيبيه دقايق قليلة علشان يمتص الزيوت و الدهون الزايدة على فروة رأسك ، و بعدين باستتخدام فرشة ماكياج شيلى البودر الزيادة و سرحى شعرك بفرشتك العادية اعرفى اكتر عن ايه هو الشامبو الجاف و كمان ازاى تعملى الشامبو الجاف فى البيت بنفسك؟ 

فى الشامبو الجاف
فى الشامبو الجاف

4- خلى الشوز ريحته حلوة : 

البيبي بودر فعالة جدا فى انها تزيل الروايح السيئة من الشوز و الاحذية ، خصوصا اننا داخلين على الصيف و بنعرق اكتر من اى وقت تانى فى السنة . حطى طبقة من البيبي بودر على رجلك من تحت و صوابعك قبل ما تلبسى الشوز و هتلاحظى انه رجلك بتعرق اقل و كمان مفيش اى ريحة مزعجة .

5-  اتخلصى من التهابات البشرة : 

طبعا زى ما قلنا فى الصيف و بسبب العرق كتير ممكن بشرتك تصاب بالالتهابات او التهيج ، استخدمى البييبي بودر فى المناطق اللى بتعرقى فيها كتير زى منطقة الابط علشان تحى بشرتك من التسلخات او الالتهابات .

منع التهابات البشرة
منع التهابات البشرة
 

6- احمى بشرتك من الحبوب ” خصوصا حب الشباب ” : 

طريقة سهلة جدا علشان تحمى بشرتك من الحبوب هى ماسك البيبي بودر ، امزجى مقدار من المياة مع مقدار من بودرة التلك او البيبي بودر لحد ما يكونوا خليط متماسك ، حطيه على وشك لمدة 30 دقيقة و بعدين اشطفى وشك . 

ماسك الحبوب
ماسك الحبوب

7- اتخلصى من لمعان الوش : 

لو انت من اصحاب الوجوه اللى بتلمع و خصوصا لو بشرتك دهنية ، البيبي بودر حليت لك المشكلة دى خالص  حطى طبقة خفيفة من البيبي بودر على خط الجبهة و منطقة بين الحواجب و الانف او ال ” T -zone ”  و باستخدام فرشاة الماكياج الخاصة بيكى شيلى البودرة الزيادة .

8- مسكن لالم الشمع : 

ازالة الشعر الزايد بالشمع ممكن تكون مؤلمة شوية ، خصوصا لو بتستخدمى الشمع فى ازالة شعر الوجه ، علشان تقللى من الالم ده افردى طبقة من البيبي بودر على وشك الاول ، علشان تمتص الرطوبة عن وشك و تخلى الشعيرات الصغيرة تبان اوضح فتتشال اسهل و اسرع و بالم اقل .

تخفيف الم الشمع
تخفيف الم الشمع
9- ازالة الرمل عن جسمك : 

الصيف داخل و كلنا بنسافر للمصايف و بنحب القعدة على الشط ، لكن دايما بنتضايق من الرمل اللى بيفضل على رجلينا و جسمنا .علشان تشيلي الرمل كله و بسهولة افردى طبقة من البيبيى بودر على رجلك و بعدين نفضي رجلك باستخدام فوطة او اغسليها بمياة فاترة .

10- رسم الحواجب : 

رسم الحواجب
رسم الحواجب

ايوة ، البيبيى بودر ممكن تساعدك فى رسم حواجبك . بعد ما ترسمى حواجبك بالقلم المخصص ممكن تحطى طبقة خفيفة اوى اوى من البيبيى بوجر فى الفراغات علشان تدى منظر انه شعر حواجبك اقرب لبعضه و مترتب اكتر .

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

5 افكار لمكياج يومي طبيعي

5 افكار لمكياج يومي طبيعي