مانيكير الزجاج المكسر: ازاى تعمليه لنفسك ؟!

آية حسان
آية حسان
في
أظافر
2034

 زى ما دايما بنهتم بكل جديد فى الموضة والماكياج  لانه كل يوم بيظهر تقاليع و استايلات مختلفة و جديدة جدا “بنات حوا ” جايبالك النهاردة طريقة جديدة  و حديثة و كمان مطرقة للمانيكير وهى موضة  ” مانيكير الزجاج المكسر ” او shattered glass nail art  اعرفي  معانا كل حاجه عنه و ازى تعمله لنفسك فى البيت بطريقة بسيطة خطوة بخطوة ، بالصور و الفيديو …

مانيكير الزجاج المكسر : 

الادوات اللى هتحتاجيها : 

  • كحول من الصيدلية . 
  • بنز لازالة الجلد الميت ” متوفر فى الصيدلية او محلات ادوات و مستحضرت التجميل ” .
  • مانيكير ” يفضل بلون غامق ” .
  • ورق سيلوفان .
  • مقص .
  • ملمع او مقوى اظافر .
  • خلة اسنان .

الخطوة الاولى : 

علشان المانيكير بتاعك يطلع بنتيجة حلوة و مظبوطة ، لازم فى الاول تهتمى بضوافرك و تتخلصى من اى جلد زائد او بقع عليها و تنضفيها كويس ، حطى طبقة  خفيفة من بنز الاظافر على ضوافرك و نضفى بيه المنطقة حوالين الضافر علشان تتخلصى من اى بقع او زوايد جلدية . 

الخطوة الاولى
الخطوة الاولى

الخطوة الثانية : 

بعد ما تطبقى طبقة ال ” بنز ” استخدمى قطنة مبللة بالكحول علشان تشيليها و هتلاحظى انه ضوافرك بقت ناعمة و نظيفة . 

الخطوة الثانية
الخطوة الثانية

الخطوة الثالثة :

حطى طبقة من مقوى الاظافر او المانيكير الشفاف على ضوافرك كطبقة اساسية لباقى المانيكير ، و سيبيها تنشف كويس اوى .

الخطوة الثالثة
الخطوة الثالثة

الخطوة الرابعة : 

اختارى طبقة المانيكير الاساسية  باللون اللى تحبيه ، بس يفضل تكون بطبقة من اللون الاسود علشان يبان اكتر ، افرديه على ضوافرك كطبقة تانية و سيبيه ياخد و قته و ينشف كويس اوى .

الخطوة الرابعة
الخطوة الرابعة

الخطوة الخامسة : 

ابدأى بتقطيع ورق السلوفان لقطع على شكل مسلسات او شرايح غير متساوية بالمقص ، و حاولى تكون احجامهم صغيرة علشان تديكى شكل افضل  علشان كمان يلزقوا كويس على ضوافرك .

الخطوة الخامسة
الخطوة الخامسة

الخطوة السادسة : 

حطى طبقة تانية خفيفة من المانيكير الشفاف علشان تدى لمعة و كمان هى دى اللى من خلالها هنلزق قطع الورق السلوفان .

الخطوة السادسة
الخطوة السادسة

الخطوة السابعة :

بملقاط حواجب او او خلة اسنان ، ابداى حطى قطع السلوفان بشكل عشوائى و لكن فى نفس الوقت متناسق ، يعنى حطى قطع من احجام مختلفة بس بحيث  تكون الحواف جنب بعضها علشان يبقى شكلها حلو و مظبوط .

الخطوة السابعة
الخطوة السابعة

الخطوة الثامنة : 

علشان تثبتى قطع السلوفان ، سيبيها تنشف على طبقة المانيكير و بعد ما تنشف كويس حطى طقة ثانية من المانيكير الشفاف علشان تثبت مكانها و متقعش .

الخطوة الثامنة
الخطوة الثامنة

و شوفى معانا كمان فيديو للطريقة خطوة بخطوة :

الشكل النهائى :

مانيكير الزجاج المكسر 20
مانيكير الزجاج المكسر 20

مقالات متعلقه

موضة تصاميم والوان المانيكير لموسم الربيع

موضة تصاميم والوان المانيكير لموسم الربيع

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

افضل 8 فيتامينات وعناصر مغذية لاظافر صحية وقوية

افضل 8 فيتامينات وعناصر مغذية لاظافر صحية وقوية