10 حيل واسرار في رسم الحواجب لازم تكوني عرفاهم !

ريهام محمود
ريهام محمود
في
مكياج
84182

في بنات كتير بيقعوا في اخطاء اثناء رسم الحواجب من غير ما ياخدوا بالهم وبيطلع شكل الحاجب مش مظبوط, او يكون في حاجات كتير مش عارفينها المفروض نعملها عشان تظبط رسمة الحواجب بتاعتنا وطبعا لما رسمة الحواجب بتطلع مش مظبوطة ده بيأثر على شكل الوش كله لان الحواجب بتحدد شكل الوش وبتظهر جمال العيون فلازم نهتم برسمتهم كويس جدا, عشان كده احنا جيبنا لكل بنات حوا النهاردة حيل ونصايح واسرار عشان نرسم حواجبنا بطريقة صح ويطلع شكلها حلو.

تعالوا نعرف مع بعض ايه هي حيل ونصايح رسم الحواجب:

1- اول حاجة ناخد بالنا منها واحنا بنرسم الحواجب منخليش المرايا قريبة من وشنا اوي او نستخدم المرايا اللي بتكبر وتفتكري ان كده هتظبطيهم اكتر ده غلط لان رسمة الحاجب هتطلع مش مظبوطة حاولي تبعدي المرايا مسافة مناسبة عن وشك واستخدمي المرايا العادية عشان تقدري ترسمي حواجبك بشكل صح.

متقربيش المرايا وانتي بترسمي حواجبك
متقربيش المرايا وانتي بترسمي حواجبك

2- في حيلة ممكن نعملها لما نيجي ننضف شعر الحواجب ونساويهم, عشان تشيلي الشعر الزيادة بطريقة صح وزي المحترفين والحواجب متبوظش منك ساوي شعر حواجبك بفرشة الحواجب او بفرشة ماسكارا نضيفة وبعدين ارسمي خط تحت الحواجب بقلم رسم الحواجب او بالفرشة بالبودر الخاص بالحواجب وبعدين ابدأي شيلي الشعر اللي تحت الخط.

ارسمي حواجبك قبل التنضيف
ارسمي حواجبك قبل التنضيف

3- عشان ننضف تحت الحواجب بعد الرسم من اي اثار مكياج ونظهر شكلهم اكتر هنستخدم كونسيلر بنفس لون البشرة ونحطه تحت الحاجب بالفرشة ونفرده كويس ونمزجه مع البشرة هيخفي اي اثار مكياج وهيظهر شكل الحاجب.

هنستخدم الكونسيلر لتنضيف اي اثار مكياج
هنستخدم الكونسيلر لتنضيف اي اثار مكياج

4- عشان تحافظي على شكل الحاجب بتاعك بعد ما رسمتيه رشي شوية من مثبت الشعر على فرشة الحواجب وامشي بيها الحاجب بالراحة ده هيثبت رسمة الحاجب بتاعتك.

رشي فرشة الحواجب بمثبت الشعر لتثبيت رسمة الحاجب
رشي فرشة الحواجب بمثبت الشعر لتثبيت رسمة الحاجب

5- لو عايزة شكل حواجبك تكون حادة ومتحددة اوي او تقيلة املي الفراغات اللي عند اول الحواجب كويس ببودر الحواجب او بقلم الحواجب.

لرسم حواجب حادة او تقيلة
لرسم حواجب حادة او تقيلة

6- لو عايزين بقى العكس ان شكل الحواجب يطلع طبيعي اكتر ارسمي  بداية الحواجب اللي هو الشعر اللي بتحسي انه دايما بيكون كل شعراية  لوحدها كده ارسمي الشعر ده بالبودر بطريقة رأسية يعني بالطول مش بالعرض خدي البودر على الفرشة وبعدين اضغطي عليها بصوابعك عشان تخلي شعر الفرشة يمسك في بعضه ويبقى رفيع وتقدري تتحكمي في الرسمة وتطلع معاكي مظبوطة وبعدين ابدأي ارسمي بيها الحاجب.

عشان تخلي شكل الحواجب طبيعي
عشان تخلي شكل الحواجب طبيعي

7- لو احنا مش متوفر عندنا البودر الخاص بالحواجب لان مش كلنا اكيد عندك ميزانية نجيب كل حاجة في ادوات المكياج ممكن توفري وتستبدليه بالايشادو ارسمي حواجبك بلون ايشادو نفس لون حواجبك هيديكي نفس نتيجة البودر بالظبط.

رسم الحواجب بالايشادو
رسم الحواجب بالايشادو

8- عشان نثبت رسمة الحواجب بالايشادو هنستخدم نفس حيلة مثبت الشعر هنرش فرشة الحواجب بمثبت الشعر وبعدين هنحطها في الايشادو وبعدين هنرش عليها رشة كمان من المثبت بعد ما نحط الايشادو ونبدأ نرسم حواجبنا ده هيثبت الايشادو على الحواجب وكمان هيحدد شكل الحواجب اكتر.

رش الفرشة بمثبت الشعر لتثبيت الايشادو على الحواجب
رش الفرشة بمثبت الشعر لتثبيت الايشادو على الحواجب

9- عشان نظبط رسمة الحاجب ممكن نستخدم المعلقة واحنا سبق قولنالكم على حيل كتير بالمعلقة وكان من ضمنها استخدامها في رسم الحواجب باننا نحط الناحية الداخلية للمعلقة تحت الحاجب ونبدأ نرسم خط فوق المعلقة وبعدين نملى الحاجب عادي ده هيساعدنا كتير في ظبط الرسمة وهتلاقي رسم الحاجب بقى اسهل كتير بالنسبة لك.

ظبط رسمة الحاجب بالمعلقة
ظبط رسمة الحاجب بالمعلقة

10- اخر حاجة هي رسمة الحواجب المناسبة لكل وش لان كل وش ليه الرسمة اللي تليق عليه الوش البيضاوي غير المدور غير الطويل وهكذا والصورة اللي تحت هتوضح لكم الرسمة المناسبة لكل شكل وش

رسمة الحواجب المناسبة لشكل كل الوش
رسمة الحواجب المناسبة لشكل كل الوش

اعرفوا معانا كمان 10 اخطاء متقعوش فيهم قبل رسم الحواجب.

مقالات متعلقه

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع

افضل 25 نصيحة لمكياج العيون للمبتدئين

افضل 25 نصيحة لمكياج العيون للمبتدئين

الروتين اليومي لرسم الحواجب بطريقة سهلة وسريعة

الروتين اليومي لرسم الحواجب بطريقة سهلة وسريعة