9 فوايد هيشجعوكى على استخدام السونا

آية حسان
آية حسان
في
صحة
1130

استخدام السونا حاجه مشهورة و معروفة فى كل حته فى الدنيا ، و ده لانها فوايدها تيرة جدا و مالهاش اى اضرار ، اعرفى معانا فوايد ، استخدام السونا لصحتك و شعرك و بشرتك ، علشان السونا ليها فوايد و منافع كتيرة جدا و مهمة ، خصوصا فى الشتاء اللى معظمنا فيه بيكون كسلان و بتكتر فيه الامراض من برد و لنفلونزا و غيره  . علشان كده بتعتبر السونا مفيدة و فعاله جدا لفايدة نواحى كتير من صحتنا و حياتنا ، فى المقال ده هتعرفى معانا 9 فوايد مختلفة السونا بتحققهم لبشرتك و شعرك و صحتك عموما …

9 فوايد هيشجعوكى على استخدام الساونا
9 فوايد هيشجعوكى على استخدام الساونا

1- اتخلصى من السموم : 

دخول الساونا عدد مرات منتظمة فى الاسبوع مفيد جدا لجسمك فى انه يتخلص من السموم خصوصا لو معدل التعرق عندك مش مظبوط تحديدا فى الشتاء ، التعرق الكثيف داخل الساونا ممكن يساعدك فى انك تتخلصى من كل السموم اللى ممكن تتراكم داخل جسمك  و متخرجش منه بشكل صحى ، و بتعتبر من احلى طرق  5 ” الديتوكس ” ، شوفى معانا كمان 5 وصفات لمشروبات الديتوكس .

التخلص من السموم
التخلص من السموم

2- اتخلصى من الوزن الزايد : 

الساونا معروفة انها بتستهلك كمية كبيرة من الطاقة فبتحرق كمية كبيرة من السعرات الحرارة او ال calories  ، استخدامك لجلسات الساونا بشكل منتظم مع نظام غذائى صحى هيساعدك فى انك تخسرى الوزن بصورة ملحوظة . اعرفى كمان 6 نصائح لخسارة الوزن بسرعة . 

اتخلصى من الوزن الزايد
اتخلصى من الوزن الزايد

3- تقوية جهاز المناعة : 

ميزة كمان لاستخدام الساونا انها بتقدر تدعم و تقوى جهاز المناعة ، حمام الساونا بيساعد جسمك فى انه ينتج كمية اكبر من كرات الدم البيضاء و ده بيساعدك انك تتمتعى بصحة كويسة .

4- بعد اداء التمارين الرياضية : 

لو انتى من الناس اللى بتهتم بالتمارين الرياضية و بسببها احيانا ممكن تسببلك ازعاج فى منطقة ضهرك او رقبتك ، تبقى الساونا افضل حل ليكى ، درجة الحرارة العالية فى السانا بتساعدك فى انك تخففى التوتر اللى بيحصل فى العضلات .

بعد اداء التمارين الرياضية
بعد اداء التمارين الرياضية

5- اظهرى بشكل اصغر : 

جلسات الساونا بتديكى مظهر اصغر سنا لبشرتك و شكلك ، لانها بتساعدك فى تنقية بشرتك و تنعيمها . استخدام الساونا بشكل منتظم هيديكى تألق و لمعان طبيعى لبشرتك .

بشرة اجمل
بشرة اجمل

6- التخلص من التوتر : 

الانشطة اليومية او الروتين اليومى اللى بنمشى عليه سواء فى البيت ، الكلية ، او الشعر بيأثر سلبيا على صحتنا ، و علشان كده بيعتبر استخدام الساونا من احسن الطرق للتخلص من التوتر و التخفيف منه لانها بتساعد جسمك فى افراز مادة اسمها ” الاندروفينات ” اللى بتساعدك على ترخية العضلات و كمان الساونا مكان هادى جدا تقدرى تتمتعى فيه بشوية وقت من الراحة . اعرفى كمان اغرب 26 طريقة عشان تهدي اعصابك !

التخلص من التوتر
التخلص من التوتر

7- اتمتعى بنوم افضل : 

الحرارة المتصاعدة اللى جسمك بيتعرضلها اثناء جلسة الساونا بتساعدك بشكل كبير جدا فى انك تنعمى بنوم اعمق و احسن ، و ده له تأثير كبير جدا على جمال بشرتك و شعرك و كمان مودك طول اليوم . شوفى معانا كمان 10 نصايح ليكي أثناء النوم عشان تصحي مشرقة وجميلة

احصلى على نوم افضل
احصلى على نوم افضل

8- تحسين الدورة الدموية : 

الاستخدام المنتظم للساونا بيساعد عضلات قلبك فى انها تشتغل بصورة افضل فيتمتع جسمك بمعدل دقات قلب احسن و ضخ افضل للدم ، و ده طبعا له تأثير كبير على صحتك بشكل عام .

9- تنضيف و تنقية البشرة : 

تنظيف و تنقية البشرة
تنظيف و تنقية البشرة

 استخدام الساونا ليه دور كبير جدا فى تنقية و تنظيف البشرة ، لانه التعرق فى الساونا و تعريض بشرتك لكمية كبيرة من البخار بيساعدك فى انه تتخلصى من خلايا البشرة الميتة ، علشان كده هتلاحظى انه بعد استخدامك المنتظم لجلسات الساونا بشرتك بقت متألقة ، نقية اكتر و ملمسها انعم من الاول .شوفى كمان 5 ماسكات سحرية من القهوة لجمال بشرتك

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك