اعرفى اكتر عن برجك الفرعونى!
كلنا بنحب الابراج و عارفين انها بتساعدنا نعرف صفات كتيرة و مختلفة و نفهم نفسنا، و زى ما عارفين ان الابراج ليها انواع كتيرة ومختلفة ، النهاردة هنعرفك بنوع جديد من الابراج و هى ” الابراج الفرعونية ” ، فى المقال ده هنعرف ايه هى الابراج الفرعونية و كمان هتعرفى ايه هو برجك الفرعونى و ايه هى صفاته …
1- “اوزيرس” من 27 مارس لـ 25 ابريل :
مواليد البرج ده بيتميزوا بانهم بيحبوا يساعدوا الناس ، مغامرين ، واثقين فى نفسهم و من النوع الحماسي جدا . و بيميلوا للحاجات الجديدة و المثيرة و زى تجربة اماكن جديدة او زيارة الاماكن الغريبة .
2- ” امون” من 26 ابريل لـ 25 مايو :
مواليد البرج ده رياضيين جدا و بيهتموا بالتمارين و الحركة ، نشيطين بزيادة ، و اقوياء عاطفيا و جسديا و ده بيخليهم يتمتعوا بصفات القيادة ، منظمين بشكل كبير فى حياتهم و شغلهم ، عمليين جدا و واثقين فى نفسهم .لكنهم بيصابوا بالغضب الشديد لما ينصحوا حد و مياخدش بنصيحتهم .
3- ” هاثور” مايو 25 لـ يونيو 24 :
لو انتى من برج ” هاثور ” تبقى من الشخصيات العاطفية جدا و بتتأثر بسرعة ، لكنها من الشخصيات اللى بتعبر عن نفسها بشكل كويس . بتعرفى تتمتعى بكل حاجه حواليكى و بتخلى القريبين منك يتمتعوا كمان ، شخصية ساحرة جدا و رومانسية و ده بيساعدك كتير فى تحقيق احلامك . نفطة ضعفك هى انك بتتاثرى بالانفعالات بشكل كبير ممكن يوصل لدرجة العصبية .
4- ” فينكس” من 25 يونيو لـ 24 يوليو :
لو انتى من برج ” فينكس ” فانتى شخصية قوية بتقدر تحقق اللى هى عايزاه ، متفائلة بشكل كبير و شجاعة و بتحفزى اللى حواليكى علشان يصدقوا انهم يقدروا يحققوا المستحيل . شخصية مجازفة و مغامرة بالدرجة الاولى و بتحبى ملى اللى غيرك بيخاف يعمله ،. نقطة ضعفك انك ممكن تكونى حالمة بدرجة مبالغ فيها و بعيدة عن الواقعية ، عنيدة و لكنك ملهمة .
5- ” انيبس ” من 25يوليو لـ 28 اغسطس :
اصحاب برج ” انيبس ” معروفين انه عزيمتهم قوية جدا و محدش يقدر يتحداهم ، مبيقبلوش انهم ياخدوا ” لا ” كاجابة ، بيحترموا شخصيتهم جدا و واثقين فى نفسهم ، بيتمتعوا بالقوة و بيقدروا يسيطروا على اى موقف يتحطوا فيه .مبيحبوش يبداوا فى حاجه و ميخلصوهاش ، متعجرفين شوية بس دايما نيتهم بتكون صافية .
6- ” ثوث ” من 29 اغسطس لـ 27 سبتمبر :
شخصيات البرج ده عندها حب شديد للتعلم ، مثقفة بالدرجة الاولى و القراءة بتمثل جزء كبير من حياتها ، دققين جدا و قادرين على حل اى مشاكل بيتعرضوا ليها ، ناجحين فى حياتهم العملية . مهذبين و بيقدروا يحلوا اى مشكلة او موقف صعب يواجههم ، متواضعين و بيدوا مساحة للناس انهم يساعدوهم فى حل المشاكل علشان كده بيقدروا يتغلبوا عليها ، غير صبورين و متسرعين فى بعض الاوقات .
7- “حورس” من 28 سبتمبر لـ 28 اكتوبر :
شخصيتهم مشرقة جدا ، و مبهجة، متفائلين و اجتماعيين جدا و بيحبوا يأثروا بشكل ايجابى فى حياة الناس اللى حواليهم و يفرحوهم ، بس لما بيبقى فى خطر على عيلتهم او سمعتهم بيتحولوا لشخصية قوية و حازمة جدا علشان يقدروا يبقوا مدافعين و يحموا اللى بيحبوهم ، مشكلتهم انهم ممكن يكونوا غير واقعيين و بيتميزوا بالعناد .
8- “وادجت” من 29 اكتوبر لـ 26 نوفمبر :
متفائلين ، حذرين و بيكرسوا نفسهم لمساعدة عيلتهم بكل حاجه بيمكلوها ، بيحبوا العادات و التقاليد و مياليين انهم يمشوا عليها ، بيحبوا علتهم و اصحابهم اكتر من اى حاجه تانية و بيحبوا يبقى ليهم ذكريات كتير معاهم ، بيتمتعوا بثقافة و معرفة كبيرة . عقلانيين و بيخدوا قرارتهم بحذر و بعد تفكير كبير .
9- “سخمت” من 27 نوفمبر لـ 26 ديسمبر :
مواليد البرج ده بيقدروا يتكيفوا بسهولة مع الظروف الصعبة و المواقف اللى بتتفرض عليهم ،و ده اللى بيساعدهم انهم يتغلبوا عليها ، متسرعين لكنهم متفائلين ، و بسبب انهم متسرعين فهما غير صبورين بالمرة و بيتضايقوا بسرعة ، عندهم حس فكاهه عالى جدا و دمهم خفيف .
10 – “سفنكس” من 27 ديسمبر لـ 25 يناير :
بيقدروا يغيروا من شخصيتهم و تصرفاتهم بسهولة جدا علشان يتكيفوا مع اى ظروف تواجههم ، غامضين بصورة كبيرة ، دريكن اوى للواقع اللى هما عايشين فيه و عندهم ذكاء و فطنة فطريين . بيحبوا يساعدوا الناس من حواليهم و يحلوا مشاكلهم .
11- ” شو” من 26 يناير لـ 24 فبراير :
اشخاص بيهتموا جدا بالفعل اكتر من الكلام ، عندهم ضمير و اصحاب مبادئ ،و بيحبوا يساعدوا الناس اللى ممكن تحتاج مساعدتهم . بيستخدموا مواهبهم بشكل كبير فى حياتهم و بيميلوا انهم يخلوا المواقف اليومية فكاهية اكتر . لكنهم شخصيات بتحب تفضل على روتينها العادى و بتبعد عن المخاطرة او تجربة الحاجات الجديدة و ده ممكن يخليهم يخسروا فرص لحاجات حلوة كتير .
12- “ايزيس” من 25 فبراير لـ 26 مارس :
مواليد البرج ده عندهم رؤية مثالة جدا للعالم و بيتمنوا لو كل حاجه تبقى صح ، شغوفين جدا بأنهم يدرسوا المشكلات اللى بتقابلهم من كل زواياها مستخدمينفى ده المنطق و العقلانية العاليين اللى بيتمتعوا بيهم ، مشهورين بين معارهم لخفة دمهم و لطفهم و لكنهم بيميلوا انهم يبعدوا عن المشاكل لو لقوها بقت صعبة ازى او كبيرة .
