ازاى تخفى خطوط ‫‏المكياج‬ اللى بيسببها ‫‏الكونسيلر‬ تحت العين باستعمال ‫‏زيت الجوجوبا‬؟

زهقتى من خطوط و كلكعة الكونسيللر اللى بتحصل تحت العين؟ جربى معانا الحيلة دية عشان تخفيها تماما.
1- بعد ما تحتي كريم الأساس أو الكونسيلر تحت عينك حطي نقطة من زيت الجوجوبا علي ضهر ايدك .
2- بطرف صباعك خدي حته بسيطه أوي من الزيت و أهم حاجة إنك متخديش كتير عشان متبوزيش الحيلة.
3- بصباعك اللي فيه الزيت طبطبى ودلكي تحته عينك برقة.
4-هتلاقي إن الزيت تغلغل في الكونسيلر وقضي علي الخطوط المزعجة ديه و داراها على طول.
زيت الجوجوبا في تركيبته مشابه جدا للزيت الطبيعي اللي البشرة بتفرزة عشان كده نقطة صغيرة منه هتعمل كأنها زيت البشرة الطبيعي وهتخليه يدوب مع الجلد من غير ما يسيح المكياج اللي حطيناه تحت العين, ده طبعا غير فوايد زيت الجوجوبا عامة للبشرة و محاربة التجاعيد لإحتوائه علي فيتامين C + E
الحيلة دية تتعمل بزيت الجوجوبا بس لان اى زيت تانى هيبقى تقيل وهيسيح المكياج.