ازاي تختاري فستان الفرح المناسب لشكل جسمك ؟

ريهام محمود
ريهام محمود
10502

فستان الفرح بيكون هو اهم حاجة بتهتم بيها العروسة في ليلة العمر وبتبقى عايزة تطلع في اليوم ده بصورة حلوة ومثالية بس في عرايس كتير بتقابلهم مشكلة انهم مش بيعرفوا يختاروا فستان الفرح المناسب ليهم لان كل شكل جسم ليه الموديل والقصة اللي تناسبه فلو اختارتي فستان مش لايق على جسمك الشكل هيطلع مش مرضي بالنسبة لك وهيبوظ لك ليلة عمرك اللي بتبقي مستنياها, عشان كده احنا النهاردة هنحل المشكلة دي لكل عرايس بنات حوا وهنقولكم ازاي تختاروا الفستان اللي يليق على شكل جسمك ويطلعك في احسن صورة.

تعالوا نعرف مع بعض فستان الفرح المثالي لشكل كل جسم:

1- الجسم الكمثري:

الجسم اللي على شكل الكمثرى اللي بيكون مليان من تحت عند منطقة الفخدين اكتر من فوق انسب فستان فرح ليكي اللي بيكون فيه تفاصيل عند منطقة الصدر عشان يدي حجم اكبر للمنطقة دي ويلفت النظر ليها ومنفوش شوية من تحت ده هيظبط الجزء اللي فوق من الجسم وهيداري الجزء اللي تحت.

فستان الفرح للجسم الكمثري
فستان الفرح للجسم الكمثري

2- الجسم التفاحي:

هو الجسم اللي بيكون عريض عند منطقة الاكتاف والصدر ونازل من تحت منطقة الوسط على رفيع انسب فستان ليكي هو اللي بيحدد منطقة الوسط ونازل على واسع عشان يعمل توازن بين الجزء اللي فوق واللي تحت او الموديل اللي بيكون وسطه نازل شوية وبردوا نازل على واسع.  

الجسم التفاحي
الجسم التفاحي

3- الجسم الطويل والنحيف:

انسب فستان فرح ليكي موديل الحورية او عروسة البحر اللي بيكون واخد شكل الجسم ونازل من تحت على واسع, والقصة دي بتناسب صاحبة الجسم النحيف بس مش بتليق على اي جسم تاني.

الجسم الطويل والنحيف
الجسم الطويل والنحيف

4- الجسم القصير وممتليء الارداف:

لو انتي قصيرة ومليانة من الجزء اللي تحت خصوصا عند منطقة الارداف والمؤخرة انسب فستان فرح ليكي هو قصة ال A-Line اللي بيكون ضيق عند الوسط مع حزام بيحدد الوسط ونازل على واسع.

الجسم القصير وممتليء الارداف
الجسم القصير وممتليء الارداف

5- الجسم القصير والنحيف:

لو انتي جسمك نحيف وقصيرة ابعدي عن الفساتين الضخمة اوي لانها هتخفي ملامح جسمك خالص اختاري الفساتين الناعمة اللي واخدة شكل الجسم ومعمولة من خامات ناعمة زي الساتان والدانتيل.

الجسم القصير والنحيف
الجسم القصير والنحيف

6- الجسم الممتليء عند البطن:

لو جسمك مليان عند منطقة البطن انسب قصة ليكي هي ال Empire اللي بيكون ضيق من تحت منطقة الصدر على طول ونازل على واسع لان القصة دي هتداري منطقة البطن عندك.

الجسم الممتليء عند منطقة البطن
الجسم الممتليء عند منطقة البطن

7- الجسم الممتليء الارداف والصدر:

لو انتي جسمك مليان عند منطقة الصدر والارداف افضل فستان ليكي هو قصة الاميرة اللي بيكون بكم طويل او نص ونازل من تحت على واسع.

الجسم الممتليء الارداف والصدر
الجسم الممتليء الارداف والصدر

8- الجسم المليان او الضخم:

صاحبة الجسم المليان وعندها تضاريس جسمها ضخمة بشكل عام انسب موديل ليها هو ال Wraps اللي بيكون بوسط عشان ترسم المنطقة دي وتحددها ونازل على واسع من تحت عشان يداري المنطقة اللي تحت.

الجسم المليان او الضخم
الجسم المليان او الضخم

9- الجسم المستقيم:

اختاري الفساتين الواسعة من تحت عشان تدي عرض شوية لمنطقة الارداف ويفضل يكون ليه حزام عند منطقة الوسط, ولو انتي بتحبي الفساتين الضيقة اختاري فستان يكون فيه تطريز كتير عند منطقة الارداف عشان يديها حجم اكبر.

الجسم المستقيم
الجسم المستقيم

10- الجسم على شكل ساعة رملية والجسم المثلث المقلوب:

الجسم اللي على شكل ساعة رملية بيكون منطقة الاكتاف والارداف متساويين في العرض والوسط نحيف, والجسم المثلث المقلوب بيكون الاكتاف فيهم اعرض شوية من منطقة الارداف والاتنين انسب موديل ليهم هو موديل ديل السمكة اللي بيكون ضيق لحد منطقة الركبة ونازل منفوش من تحت الركبة.

جسم على شكل ساعة رملية
جسم على شكل ساعة رملية

شوفو معانا كمان مجموعة فساتين فرح للمحجبات.

مقالات متعلقه

نصايح وأسرار خفية ازاي تختاري فستان الفرح صح ببساطة

نصايح وأسرار خفية ازاي تختاري فستان الفرح صح ببساطة

فساتين زفاف من مجموعة المصمم اللبناني صادق ماجد

فساتين زفاف من مجموعة المصمم اللبناني صادق ماجد

كوليكشن فساتين زفاف 2019 من مصممة الأزياء العالمية Tina Valerdi

كوليكشن فساتين زفاف 2019 من مصممة الأزياء العالمية Tina Valerdi