اعرفى معانا فوايد و وصفات الطمى المغربى لبشرتك

آية حسان
آية حسان
في
بشرة
4008

الطمى المغربى مشهور جدا بين البنات خصوصا لو عروسة جديدة اول حاجه بتفكر تعملها هو الحمام المغربى اللى بيعتبر “الطمى المغربى” مكون اساسي فيه ، وده لانه معروف بفوايده الكتيرة جدا للبشرو و الوجه و الشعر و اد ايه بيدى لمعان و نعومة طبيعين جدا و بيخلى شكلك مشرق اكتر و مختلف ، فى الموضع ده هتعرفى فوايد كتيرة جدا ليه و كمان اهم الوصفات اللى ممكن تستخدميها علشان تفيدى وشك ، بشرتك و شعرك بالطمى المغربى ..

فوايد الطمى المغربى : 

1- ممكن من خلاله علاج حب الشباب و النمش .

2- بيستخدم لتطهير البشرة و تنقيتها .

3- بيزيل الزيوت الزيادة اللى بتتراكم على البشرة و تكون الحبوب .

4- مفيد جدا لصحة الشعر و تقويته .

5- فعال جدا فى الحصول على بشرة ناعمة و متألقة .

6- يعمل على التخلص من الضرر الناتج من اشعة الشمس فى الصيف .

7- تدليك البشرة بالطمى المغربى يعمل على ازالة الرؤوس السوداء .

8- مفد للدورة الدموية فى البشرة .

9- بيهدى من حرارة الجسم فى الصيف و يخليه يحتفظ برطوبته الطبيعية لوقت اطول .

فوايد و وصفات الطمى المغربى
فوايد و وصفات الطمى المغربى

وصفات البشرة : 

1- خلطة الطمي المغربى و الحليب : 

المكونات : 

  • علبة طمي مغريى .
  • صابونة دوف مبشورة .
  • نص لتر حليب .
  • 2 كوباية من مياة الورد .

الطريقة : 

1- سخنى الحليب على نار هادية و بعدين ضيفيله الصابونة المبشورة و امزجيهم مع بعض كويس ، و استمرى فى التقليب لحد ما الصابونة تذوب كويس .

2- بعد ما الخليط يمتزج مع بعض كويس ، ضيفى مياة الورد و الطمي و استمرى فى التقليب لحد ما المكونات تمتزج كويس مرة تانية .

3- بعد ما يتم مزج المكونات كويس ارفعيها من على النار و سيبيها تبرد تماما ، و بعدين افردى مقدار منها على وشك و سيبيه لحد ما ينشف ، بعد كده اشطفى وشك بمياة باردة و جففيه بفوطة قطنية .

استخدمى الخلطة دى 3 مرات فى الاسبوع ، وممكن كمان تستخدميها على المناطق الداكنة فى جسمك لتفتيحها ، افردى مقدار مناسب على المكان المطلوب تفتيحه و نامى ، وتانى يوم الصبح اشطفيه كويس . 

” يفضل متسيبيش الخلطة فى التلاجه اكتر من 3 اسابيع ” .

 2- خلطة ازالة الرؤوس السوداء : 

المكونات : 

  • مقدار من الطمي المغربي .
  • مقدار من اللوز المطحون .
  • مقدار من الصابون المطحون .
  • مقدار من الجلسرين .

الطريقة : 

1- امزجى المكونات دى مع بعضها لحد ما تحصلى على خليط متجانس .

2- افردى الخليط على وشك و سيبيه لحد ما ينشف .

3- بعد كده اشطفى وشك بمياة فاترة ، و كررى الاستخدام لحد ما توصلى للنتيجة المطلوبة .

3- وصفة تنعيم البشرة :

المكونات :

  • بيضة .
  • ملعقة كبيرة زبادى .
  • ملعقة من الطين الهندى ” ممكن تستغنى عنه لو مش متاح”.

الطريقة :

1- امزجى المكونات مع بعضها ، و افردى مقدار مناسب منه على بشرتك و سيبيه ينشف .

2- فى الخطوة التانية اغسلى وشك ، كررى الوصفة لحد ما توصلى للنتيجة المطلوبة .

فوايد و وصفات الطمي المغربي 1
فوايد و وصفات الطمي المغربي 1

4- وصفة تفتيح البشرة : 

المكونات :

  • 3 ملاعق كبيرة طمى مغربى .
  • كوباية لبن .
  • ربع كوباية بطاطس مسلوقة .

الطريقة : 

1- اخلطى المكونات مع بعضها لحد ماتكون خليط متناسق سهل الفرد .

2- ابدأى فى توزيع الخلطة على الوجه ما عدا منطقة العينين .

3- سيبي الخليط على وشك لمدة ربع ساعة و لحد ما ينشف كويس ، اغسلى وشك بمياة دافية 

4- بعد ما تنشفى وشك ، امسحى وشك بتونر او قطعة تلج او قطنة مبللة بمياة الورد علشان تقفلى المسام .

فوايد و وصفات الطمي المغربي 2
فوايد و وصفات الطمي المغربي 2

وصفات الطمي المغربي للشعر :

1- بديل للشامبو :

الطمي بيعتبر منظف لطيف للشعر و بيخلص فروة الرأس من الدهن والزيوت الزيادة ، و بيقدر يزيل كل الترسبات و الاوساخ . افردى طبقة من الكمي على شعرك و دلكى كويس لدقايق قليلة ، و بعدين اشطفى شعرك بالطريقة المعتادة .

2- للتخلص من تقصف الشعر :

فوايد و وصفات الطمي المغربي 3
فوايد و وصفات الطمي المغربي 3

المكونات : 

  • زيت زيتون .
  • مقدار من الطمي و اللبن الرايب 
  • شامبو و بلسم .

الطريقة :

1- ادهنى شعرك بزيت زيتون من بالليل ، والصبح لفيه بفوطة سخنة و سيبيه ساعة .

2- بعد مرور الوقت ، افردى مزيج اللبن الرايب و الطمى و اغسلى شعرك بيه .

3- بعد كده اغسلى شعرك بالشامبو و البلسم الخاصين بيكى بالطريقة المعتادة .

4- استخدمى الطريقة دى مة كل اسبوع و مع الوقت هتتخلصى من تقصف الشعر تماما .

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب