موضة ” حزام الوسط ” لملابس السنة دى !

بقلمآية حسان فيموضة وأزياء visibility5097

زى ما اتكلمنا قبل كده و عرفنا ايه هى  احدث صيحات الموضة و جبنا لكم كل الجديدي فى عالم الموضة و الازياء للسنة دى فى المقال ده جايبنالك واحدة كمان من اجدد و احدث صيحات الموضة لموسم ملابس الربيع و الصيف السنة دى و هى موضة حزام الوسط ، مش بس موضة الكشكشة اللى كانت موجودة فى التمانينات و موضة الكم الجرس اللى رجعتلنا من السبعينات ، كمان موضة ” حزام الوسط ” راجعالنا السنة دى من التمانينات و التسعينات ، فواضح انه موضات اللبس القديمة هى اللى مسيطرة على ساحة الازياء للسنة دى  و بتعتبر من الحاجات اللى لازم تجربيها فى لبسك الصيف ده .

موضة حزام الوسط هى ببساطة قصة بتعتمد على الوسط او ” الخصر ” المرفوع ، يعنى وسط البنطلون او الجيبة بيكون اعلى من خط الوسط بتاع جسمك على العكس من البنطلونات العادية ، فبيبقى تقريبا خط الوسط للقصات دى عند منطقة البطن علشان كده ليها اسم تانى و هو ” موضة الوسط المرفوع ” او ال High Waist . و عادة بيرتبط بالنوع ده من القصات حزام قماش بيبقى مربوط بشكل يدوى على شكل عقدة واحدة او فيونكة علشان الحزام يكشكش البنطلون من فوق فيدى نوع من الزينة لوسط البنطلون لانه مرفوع لفوق ، و بكده بيبقى شكله احلى .

المميز فى النوع ده من القصات انها بتبقى حلوة على اى حد مهما كان السن ، الطول ، او الوزن ، فهى مناسبة جدا لانواع الاجسام المختلفة و كمان الاذواق المختلفة ، لانها بتجمل منطقة الخصر و لو انتى طولك قليل بتخليكى تبانى اطول ، بس مهم اجدا انك ماتلبسيهاش على بلوزات واسعة او طويلة علشان ماتبينش جسمك كأنه مترهل او غير متناسق لان النوع ده من القصات بتبقى على الاغلب متصممة على اساس يكون شكلها واسع شوية ، و ممكن توفقيها على شوز ارضى و بلوزة بلون فاتح للكلية او على شوز كعب و بلوزة قصيرة و بلايزر للشغل او المكتب و ممكن على بلوزة ستان او سواريه بلمعة خفيفة لخروجحات بالليل او الافراح ، شوفى معانا كمان الالبوم ده علشان يديكى افكار لقصات و ستايلات اكتر ..

شوفى معانا كمان ايه هي موضة بنطلون ال BOYFRIEND JEANS ؟ وازاي نلبسها ؟ ، و كمان اعرفى معانا إزاي تلبسي موضة الكم الجرس بشكل عصري و ايه هى موضة الكشكشة لربيع 2016!