ايه هى اسباب تقوس الضهر؟ و ازاى تتخلصى منه؟
تقوس الضهر او ” الاتب ” هو ببساطة انحراف فى العمود الفقرى بيكون له زاوية معينة ، و ممكن يحصل فى اى سن او مرحلة عمريه ،و ممكن نلاقيه بينتشر بين البنات فى سن الجامعة و كمان فى اعمار اكبر زى اعمار التلاتين او الاربعين ، و ده ممكن يكون بسبب القعاد قدام الكمبيوتر لفترات طويلة او حتى النوم فى اوضاع غير صحيحة ، تقوس الضهر او ” الاتب ” زى ما بنقول عليه ممكن يسبب الام كبيرة جدا فى منطقة الرقبة وممكن كمان على طول الضهر كله . و التقوس بيكون بدرجات معينة بتتقاس بطرق رياضية حسب زاوية تقوس الضهر بيبان ان كان الضهر خفيف التقوس ، متوسط ، او شديد التقوس و طريقة علاجه بتكون حسب السن يعنى بتختلف طريقة العلاج بالنسبة للاطفال عنها بالنسبة للبنات فى سن العشرين او فى اعمار اكبر .
ايه هى اسباب تقوس الضهر ؟
تقوس الضهر خصوصا فى مرحلة الشباب بيكون له اسباب شائعة :
العادات الغير صحيحة فى المشى او الجلوس ، زى انه تقعدى او تمشى من غير ما تفردى ضهرك .
– النوم على اكتر من مخدة او على مخدات عالية .
3- النوم على سرير لين ” مرتبة طرية ” ، او النوم على سرير غير مريح .
4- الاعمال اللى بتتطلب الانحناء ” زى انك تقعدى على كمبيوتر فترات كبيرة ، او لوحة رسم هندسية مثلا فبيكون النص الاعلى من جسمك مائل لقدام ” .
5- امراض العظام زى الروماتيزم و ألام العمودالفقرى و الرقبة .
ازاى اعرف انه عندى تقوس فى الضهر ؟
علشان تعرفى اذا كنتى بتعانى من تقوس الضهر ولا لا .. اجربى الخطوات دى :
1- اقفى وضهرك ساند على حيطة و رجليكى تبقى ابعد عن الحيطة بحوالى 15 سم .
2- ثبتى الجزء الخلفى من راسك و منطقة الوركين على الجدار.
3- ارفعى ايدك الشمال او اليمين اللى هتبقى اسهل بالنسبة لك ” ، و قيسى المسافة بين الجدار و الجزء الخلفى من رقبتك .
4- لو حسيتى المسافة بين رقبتك و الجدار اقل من 5 سم يبقى كده انتى ضهرك سليم و مابتعانيش من اى درجة من التقوس ، اما لو حسيتى المسافة اكبر او لو رقبتك مالمستش الجدار يبقى انتى كده عندك تقوس بسيط لمتوسط و محتاجة تعالجيه .
ايه هى اوضاع الجسم الصحيحة خلال اليوم ؟
1- لازم تمشى و ضهرك مفرود و كأنه فى كتاب فوق راسم بتحاولى انه ميقعش .
2- علشان تساعدى نفسك انه يفضل ضهرك مفرود اربطى ده بلون او شكل معين تكونى بتحبيه او يكون مميز ، ل مرة تفتكرى اللون او الشكل ده هتفتكرى انه تفردى ضهرك .
3- خلى استقامة ضهرك و انه يفضل مفرود يعتمد اكتر على رجليكيى ، حاولى دايما تمشى و كأنك ماشية على خط مستقيم و تكون خطواتك متزنة ، مع الوقت ده هيخليكى تحسى انه ضهرك و الجزء الاعلى من جسنم بدأ يبقى مسترخى اكتر و هيشيل الضغط عن باقى ضهرك. و كمان من وقت للتانى افردى رجلك على الاخر و حاولى توصليلها بايديكى زى الصورة ، ده هيساعدك كتير .
4-حاولى تنامى بطريقة صحية بالنسبة لضهرك عن طريق مرتبة ناشفة مش طرية ، حاولى تنامى لاطول فترة على ضهرك لانه ده بيساعدك انه يفضل مفرود ، و لو انتى من الناس اللى بتحب تنام على جنبها يبقى حاولى تستخدمى مخدة صغيرة بين الركبتين و انتى نايمة علشان تساعدى ضهرك انه يتفرد .
5- لو بتسوقى عربية يبقى لازم تقعدى و ضهرك و ايديكى مفرودين لانه ده مش بس مهم لضهرك و لكنه مهم كمان لسلامتك لما تيجى تشوقى ، ببساطة خلى ضهرك دايما ملامس للكرسى ، و عدلى مسافة الكرسى بالنسبة للدريكسيون لحد ما توصلى للمسافة الافضل ، لو لسه بتضطرى توطى علشان تلمسى الدريكسيون او تعدلى المراية يبقى انت مش قاعدة صح .
6-وانتى بتسوقى مهم كمان تعدلى مخدة الراس بحيث تبقى ملامسة لمنتصف الراس بالضبط .
-ازاى اعالج ” تقوس الضهر ؟
طبعا لو انحناء الضهر عندك بدرجة كبيرة لازم تشوفى دكتور ، لكن ممكن تبدأى تعالجى المشكلة دى و تخففى من الوجع اللى بتسببه شوية عن طريق انك تتجنبى الاسباب اللى قلناها و تاخدى بالك انك لما تقعدى تفردى ضهرك على ضهر الكرسى ، حاولى تتجنبى لبس الكعب العالى علىقد ماتقدرى ، وكمان و انتى قاعده على الكمبيوتر انتبهى انه يكون ضهرك مفرود ، و كمان وانتى ماسكة الموبايل انتبهى انك ماتوطيش رقبت ليه ، ارفعى الموبايل لمستوى نظرك بحيث تكون رقبتك و ضهرك مفرودين .
و اعرفى معانا هنا تمارين بسيطة و سهلة تعالجى بيها مشكلة انحناء الضهر و كمان تقدرى من خلالها تخففى من الام الضهر و الرقبة :
التمرين الاول : مساج الضهرو الرقبة بالكورة
التمرين ده حلو جدا علشان تصححى بيه التقوس و تفكى اى عقد او تيبس عضلات فى منطقة اعلى الكتفين و الرقبة ، الخطوات كالآتى :
1- اقفى ضهرك للحيطة ، حطى كورة على الجنب اليمن من ضهرك بحيث تكون الكورة بين ضهرك و الحيطة .
2- ابداى اتحركى بجسمك لفوق و تحت بحيث تحسي بمرور و ضغط الكورة على عضلات ضهرك و رقبتك ، وممكن تلمى دراعك الشمال لقدام و انتى شغاله على الجنب الشمال علشان تشدى العضلات اكتر فتحصلى على نتيجة افضل .
3- كررى الخطوة على الجنب الشمال كمان ،و استمرى فى التمرين ده يوميا لمدة 5 دقايق لكل جنب .
التمرين الثانى :
عن طريقة مساعدة اختك ، مامتك او جوزك خليهم باستخدام شريط لزق يرسموا علامة X على ضهرك من الكتف اليمين لوسطك و من الكتف الشمال لبداية وسطك بنفس الطريقة ، و خلى اللزق على ضهرك طول اليوم . الطريقة دى هتساعدك انه ضهرك يفضل مفرود طول اليوم . بس ضرورىتستخدمى شريط لزق منالعريض و ترسمى ال لى ضهرك و هو مفرود .
التمرين الثالث :
انزلى على ايديكى الاتنين و الركبتين زى شكل القطة بالضبط ، و شدى ضهرك .1-
2- افضلى على الوضع ده و ضهرك مشدود لمدة 30 ثانية ، بعد الوقت استرخى و كررى ال 30 ثانية مرتين كمان .
” لو عندك مشاكل فى العمود الفقرى وخصوصا منطقة الديسك متستخدميش التمرين ده ” .
التمرين الرابع :
1- انزلى على ايديكى و رالركبتين زى الصورة .
2- رجعى جسمك لورا بحيث يكون ملامس للكعبين ، ومدى ايديكى لابعد مسافة ممكنة .
3- بصى لتحت ،بحيث تكون راسك و رقبتك مشدودين لتحت .
افضلى على الوضعية دى لمدة 30 ثانية ، و بعدين كرريها 3 مرات كل مرة ل30 ثانية .
التمرين الخامس :
1- انزلى على الركبتين .
2- انقلى رجل واحدة لقدام بحيث تكون فى رجل مفرودة و الثانية متنية لورا ” على شكل زاوية 90 درجة ” .
3- هتحسى انه منطقة الورك بقت مشدودة بخفة .
4- استمرى على الوضعية دى 30 ثانية ، كرريها تانى 3 مرات كل مرة ل 30 ثانية .
التمرين السادس :
1- لفى فوطة على شكل اسطوانة و حاولى تقفليها من الناحينين اما بأستك قوى ” ممكن تستخدم توكة الشعر ” او باستخدام شريط لزق .
2- حطى الفوطة اسفل ضهرك من فوق ” اول الضهر ” .
3- اتنى الذراعين اسفل الرقبة و افضلى على الوضعية دى من 30 ثانية لحد ماتوصلى ل 5 دقايق متواصلين .
