تشكيلة فساتين سهرة رائعة ل2016 من مجموعة طارق اديز
جايبين لكل بنات حوا النهاردة مجموعة فساتين سهرة 2016 روعة جدا للمصمم التركي طارق اديز التصاميم كلها بستايل ناعم وانيق اوي يعني لو عندك مناسبة او لو خطوبتك قريب وعايزة تختاري فستان سهرة موضة السنة دى شيك وتطلعي شكلك اميرة فيه لان حلم كل بنت اكيد تطلع باحسن صورة في فستان الخطوبة او الفرح ممكن تختاري من المجموعة الفستان اللي يناسبك او حتى ممكن تاخدي منهم افكار, ولو انتي عروسة ولسه بتدوري على فستان الفرح في من ضمن المجموعة كمان فساتين افراح للبنات اللي بيحبوا الستايل الناعم في فساتين الفرح.
ياللا نشوف مع بعض مجموعة فساتين سهرة 2016:
تعالوا نعرف مع بعض شوية نصايح عشان نطلع باحسن صورة في فستان السهرة:
1- لو انتي جسمك مليان حاولي تبعدي عن خامات الاقمشة اللي فيها لمعة لانها بتزود حجم الجسم افضل خامة ليكي هي القماش اللي الوانه مطفيه يعني ابعدي عن الدهبي والفضي, اعتمدي اكتر على الوان زي الازرق, ودرجات الاخضر, والاحمر, والتوتي, وهتلاقوا في المجموعة اللي نزلناها فساتين كتير مناسبة.
2- ولو انتي نحيفة هيبقى عكس ما قولنا فوق اتجهي اكتر للفساتين اللي فيها لمعة شوية وميكونش مبالغ في اللمعة اوي بردو وتكون بالوان فاتحة عشان هتدي جسمك شكل مليان شوية وهتظبط شكل الجسم.
3- بالنسبة للاكسسوارات اللي نلبسها على الفستان نخلي بالنا ونختارها بحرص جدا عشان هي اللي بتكمل جمال الفستان في فساتين اصلا مش بتكون محتاجة اكسسوار بيكون فيها مثلا تطريز على الصدر او رسمة فساعتها مافيش داعي من الاكسسوار لكن لو الفستان سادة من فوق ممكن تلبسي عليه اكسسوار مناسب والاحسن بردوا منبالغش في اختيار الاكسسوار ونختار حاجة ضخمة اوي كل حاجة بسيطة بتكون احلى اختاروا اكسسوار بسيط والوانه تمشي مع الوان الفستان اللي انتي لابساه.
4- بالنسبة للشوز والشنطة بتاعتك دلوقتي الموضة مش لازم يكون الشوز والشنطة لون الفستان ممكن تختاري الوانهم بدرجات تمشي مع لون فستانك بحيث انهم يكونوا متناسقين مع بعض لكن مش شرط يكونوا نفس اللون بالظبط, والافضل طبعا على فستان السهرة يتلبس شوز بكعب عالي لانه هيطلع الشكل احلى بكتير وانيق اكتر.
شوفي معانا كمان فساتين سهرة للمحجبات.
