اتخلصى من دهون الوش و الرقبة “اللغد” فى اسبوع واحد بس !

آية حسان
آية حسان
في
صحة
13229

مع زيادة السن والسهر و القلق و التوتر ، كل ده بيخلى وشنا يبان اكبر فى السن و تظهر فيه تجاعيد ، وممكن كمان الدهون فى منطقة الوجه و الرقية تتضاعف و معدل الحرق بتاعها يقل، او ممكن نمشى على دايت و وزننا يقل لكن بنلاقى انه وشنا مابيخسش  فبيبقى فى تفاوت كبير فى الشكل بين الوش و باقى الجسم و ده بيسببلنا ازعاج ،لكن من بعد النهاردة مش هتقابلك المشكلة دى ، فلو بتعملى دايت لكن وشك مابيخسش مع باقى جسمك ، او لو حاسه انه وشك سمين او نسبة الدهون فى منطقة الوش و الرقبة عالية ” منطقة اللغد” ، بنات حوا هتحل المشكلة دى ,فى المقال ده هتعرفى وصفة فعالة جدا و تمرين لتخسيس و التخلص من دهون الوجه و الرقبة خطوة بخطوة …

ايه هى الاطعمة اللى بتساعد على حرق دهون الوجه و الرقبة و تنحيفهم ؟

بتعتبر الطماطم ، الشاى الاخضر ، الجزر ، البطاطا ، الشوكولاتة الغامقة ، السبانخ و التونة المعلبة من اهم الاطعمة اللى بتساعد على حرق الدهون فى منطقة الوش و الرقبة و ده لانها بتزيد من معدلات الحرق بصورة كبيرة جدا .

وصفة الزنجيل لحرق دهون الوجه و الرقبة :

علاج دهون الوجه و الرقبة 1
علاج دهون الوجه و الرقبة 1

المكونات : 

  • 3 ملاعق من الزنجبيل المبشور .
  • ملعقة مياة ورد .
  • ملعقتين خل تفاح .
  • ملعقة من زيت اللوز المر .

الطريقة : 

1- امزجى كل المكونات مع بعضها لحد ما يكونوا خليط متجانس .

2- ادهنى وشك كله و رقبتك بالخليط و سيبيه لاطول مدة على وشك لحد ما ينشف تماما .

3- اغسلى وشك بمياة فاترة، و كررى القناع يوميا لحد ما توصلى للنتيجة المطلوبة .

تمرين تخسيس الوجه و الرقبة : 

هنا هتعرفى تمرين سهل جدا لمنطقة الوجه و الرقبة تقدرى من خلاله و بالمواظبة عليه مرتين يوميا كل مرة 8 دقايق على الاقل انك تتخلصى من دهون الوجه و الرقبى فى اسبوع !

الخطوة الاولى :

علاج دهون الوجه و الرقبة 2
علاج دهون الوجه و الرقبة 2

ثبتى ايدك بالوضع اللى قى الصورة بحيث يكونوا صباعين السبابة بين الحواجب و الابهامين تحت عيونك ، و بعدين غمضى عينيكى و اضغطيهم بالراحة ، و حركى صباعين السبابة الاتنين بصورة متتابعة لمدة 40 ثانية.

الخطوة الثانية : 

علاج دهون الوجه و الرقبة 3
علاج دهون الوجه و الرقبة 3

افردى ايديكى حوالين منطقة الجبهة زى الصورة ، دلكى منطقة الجبهة و الحواجب بانك بتجركى حواجبك لفوق و ايديكى لتحت و العكس ، استمرى على الحركة دى لمدة 30 ثانية .

الخطوة الثالثة : 

الخطوة الثالثة
الخطوة الثالثة

ثبتى صباعين السبابة على الزوايا الخارجية لعينيكى بحيث انك تكونى لامسة الرموش فى الجفن السفلى و شديهم بخفة ،ارفعى راسك لفوق بحيث انك تكونى باصة للسقف مثلا ، خلى وشك لقدام و رجعى كتافك للوراء  اثبتى على الوضعية دى لمدة 40 ثانية .

الخطوة الرابعة : 

الخطوة الرابعة
الخطوة الرابعة

حطى صباعين السابة على خدودك و شدى شفتك اللى فوق زى الصورة ، و بعدين افضلى شدى وشك و ارخيه فى مرات متتابعة لحد 20 مرة .

الخطوة الخامسة :

الخطوة الخامسة
الخطوة الخامسة

بايدك الشمال امسكى الانف زى ما باين فى الصورة ، و باصبع السبابة فى ايدك اليمين هتزقى طرف الانف لفوق لمدة ثلنية و بعدين تسيبيه ، كررى الخطوة دى 40 مرة وراء بعض .

الخطوة السادسة : 

الخطوة السادسة
الخطوة السادسة

اقفلى شفايفك على بعضها ، و ثبتى اصبع السبابة على كل زاوية من زوايا الفم زى ما باين فى الصورة ، ابدأى حركى صوابعك لفوق و تحت فى حركة مستمرة لحد ما تحسي بسخونة او حرقان،  الخطوة دى هتستمر لـ 40 ثانية .

الخطوة السابعة : 

الخطوة السابعة
الخطوة السابعة

اتنى شفتك اللى فوق بصباعين السبابة عكس بعض زى الصورة ، واثبتى على الوضع ده لمدة 20 ثانية ، اول ما تبدأى تحسي بسخونية بسيطة ، دلكى شفتك فى 20 حركة دائرية سريعة .

دلكى الخطوة دى مرة تانية لكن بالابهام و السبابة و اعملى الحركة العكسية دى عند زوايا الفم و اثبتى عليها ، و اول ما تحسي بسخونية دلكى زاويتين الفم فى 20 حركة دائرية سريعة .

الخطوة الثامنة : 

الخطوة الثامنة
الخطوة الثامنة

اضغطى ضفتك اللى وق على صف الاسنان العلوى ، واعملى ببقك شكل حرف O ضيق ، وبعدين حطى صباعين السبابة على زوايا الفم و ببطئ حركيهم لاعلى ناحية زوايا الانف و ببطئ تانى حركيهم لتحت ناحية زوايا الفم و هكذا ، كررى الخطوة دى لحد ما تبدأى تحسي بسخونية ، وبعدين كرريها تانى بسرعة فى حركة مستمرة لمدة 30 ثانية .

الخطوة التاسعة : 

الخطوة التاسعة
الخطوة التاسعة

افتحى بقك و اسحبى شفتك اللى تحت لجوة على صف سنانك اللى تحت ، و اضغطى شفتك اللى فوق على صف الاسنان اللى فوق ، و افتحى و اقفلى بقك ببطئ 5 مرات متتالية . اثبتى على الضعية الخامسة و بقك مقفول لمدة 5 ثوانى ، وبعدين باستخدام ايدك زىما باين فى الصورة زقى دقنك لفوق حوالى سنتيمتر واحد واثبتى على الوضعية مرة كمان لمدة 5 ثوانى .

الخطوة العاشرة :

الخطوة العاشرة
الخطوة العاشرة

ثبتى ايدك على رقبتك و اضغطى ضغطة خفيفة ، اقفى بمحاذاة حيطة و ارفعى دقنك لفوق و ابتسمى ابسامة واسعة و طلعى لسانك لبرة و ارفعيه ناحية الانف زى ما باين فى الصورة ، و باستخدام ايدك افضلى زقى نفسك بعيد عن الجدار فى حركة عكسية ” رايح جاى ” 30 مرة وراء بعض و وشك على نفس الوضع و بعدين بصى يمين و كررى خطوة المرجحة بعيد و قريب عن الجدار 30 مرة ، و ككرى نفس الخطوات تانى  انتى باصة ناحية كتفك الشمال .

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك