فوايد مذهلة و وصفات لفيتامين E

بقلمآية حسان فيشعر visibility20846

مفيش بنت مابتحملمش بشعر صحى ناعم و جذاب و كمان بشرة نضرة و ناعمة و جميلة ، و كتير بنجرب حاجات سواء مستحضرات تجميل او وصفات و مستحضرات طبيه علشان نوصل للنتيجة اللى بنتمناها  و اللى ممكن تكون مكلفة ، لكن فى الموضوع ده ” بنات حوا ” بتقدملك طريقة سهلة و مفيدة جدا مش بس لشعرك و لبشرتك و لكن كمان هتحسن صحتك، فى المقال ده هتعرفى فوايد و وصفات كتير لفيتامين E اللى ممكن يكون الحل السحرى لكل مشاكلك لانه مفيد جدا للبشرة و الشعر و تقدرى تحصلى عليه بسهولة   E اللى…


فوايد فيتامين E : 

1-  مضاد للأكسده و ده بيخليه فعال جدا فى حماية الجلد و البشرة من الاشعة الفوق بنفسجة اللى بتيجى من الشمس ، و بيحمى خلايا البشرة من التلف .

2- بيساعد على محاربة التجاعيد و علامات التقدم فى السن و الخطوط الرفيعة اللى بتظهر فى منطقة الفم  .

2- بيدخل فى تحضير كتير جدا من كريمات ترطيب البشرة لانه بيعتبر مرطب و مغذى جيد للبشرة .

3- بيعتبر واقي جيد من الشمس و بيحمى من الاسمرار و حروق البشرة الناتجة عن الحرارة العالية .

4- كمان بيساعد فى علاج امراض جلدية كتيرة خصوصا فى حالات الحبوب او الالتهابات الجلدية .

مصادر فيتامين E :

    فيتامين E له مصادر كتير ة زى بذور عباد الشمس ، السبانخ ، الافوكادو ، اللوز ، وكمان موجود بنسبة فى زيت الزيتون .

مصادر فيتامين E
مصادر فيتامين E

وصفات باستخدام فيتامين E 

الوصفة الأولى لفيتامين E لمحاربة التجاعيد : 

المكونات : 

  • بياض بيضة .
  • عصير ليمونة .
  • مقدار من زيت فيتامين E.

الطريقة : 

امزجى بياض البيضة مع عصير الليمون ز باستخدام قطنة افردى الخليط على شوك و سيبيه لحد ما ينشف كويس ، بعد ماينشف اغسلى وشك بمية ساقعة و جففيها بفوطة قطنية .

فى الخطوة التانية دلكى بشرتك بمقدار قليل من فيتامين E ،و سيبيه طول الليل على بشرتك .

فوايد و وصفات فيتامين E
فوايد و وصفات فيتامين E

الوصفة الثانية : لعلاج حب الشباب 

لعلاج حب الشباب ، دلكى شعرك بزيت فيتامين e لمدة 5 دقايق بأطراف الاصابع فى حركة دائرية و بعيد اغسلى وشك بمية دافية ، كررى الخطوة دى يوميا لحد ما توصلى للنتيجة المطلوبة ، الوصفة دى كمان مفيدة فى التخلص من البقع الغامقة على الوش .

الوصفة الثالثة : لنمو الشعر 

المكونات : 

  • علبة زبادى .
  • عسل ابيض .
  • شريط كبسولات فيتامين e ” تقدرى تلاقيه بسهولة فى الصيدليات ” 

الطريقة : 

امزجى علبة الزبادى مع مقدار مناسب من عسل النحل ، و عليهم شريط من كبسولات فيتامين e، فى الخطوة الثانية هتحطى الخلطة كلها على نار هادية جدا لحد ما الكبسولات تسيح و بعدين قلبى المزيج مرة تانية كويس .

اغسلى شعرك كويس و بعدين افردى الخلطة دى على شعرك كله و خصوصا فروة الرأس ، و غطى شعرك بغاء رأس و سيبيى الخلطة لمدة من 2 ل 3 ساعات .

فى الخطوة الاخيرة ، اشطفى شعرك كويس بمية دافية ، كررى الوصفة دى من مرة لمرتين كل اسبوع علشان توصلى للنتيجة المطلوبة .

فوايد و وصفات فيتامين E
وصفة فيتامين e للشعر

الوصفة الرابعة : لعلاج الهالات السوداء

فيتامين e لعلاج الهالات السوداء
فيتامين e لعلاج الهالات السوداء

اغسلى وشك كويس و سيبيه ينشف ، و هاتى كبسولة او اتنين من كبسولات فيتامين e و اقطعى طرفها علشان تفتحيها ، اضغطى عليها و خدى السائل اللى جواها و ادهنى بيه منطقة تحت العين و سيبيها تنشف ، كررى الخطوة دى من مرتين ل 3 اسبوعيا لحد ما توصلى للنتيجة المطلوبة.