وصفات الكركم لازالة الشعر الزائد من الوجه بدون الم

آية حسان
آية حسان
في
بشرة
77934

كل البنات بيظهر عندهم شعر زائد فى منطقة الوش او الوجه ، و بنقدر نتخلص منه بالطرق العادية  فى مراكز التجميل و ساعات بيبقى مؤلم جدا و بيسببلنا ازعاج سواء بالطريقة العادية او لو استخدمتى الشمع ، و لكن المشكلة انه عند بعض البنات بيكون نمو الشعر فى منطقة الوجه مبالغ فيه او انه الشعر بتبقي كثافته زيادة او طويل و بيطلع بسرعة بعد ازالته و ده بيسبب ازعاج و احيانا بيبقى شكله مش مريح و ممكن يكون محرج ، هنا فى الموضوع ده ” بنات حوا ” هتقدملك 4 وصفات لازالة شعر الوجه بمنتهى السهولة و بدون الم باستخدام الكركم اللى له فوايد كتيرة جدا .

وصفات الكركم لازالة الشعر الزائد من الوجه 1
وصفات الكركم لازالة الشعر الزائد من الوجه 1

– اسباب وجود شعر زائد فى منطقة الوجه ؟

احيانا يكون العامل الوراثى هو السبب فى وجود نمو زيادة للشعر او وجود بعض الخلل فى الهرمونات المسؤؤلة عن نمو الشعر فبنلاقى فى كثافة زيادة للشعر فى منطقة الحواجب او الشنب و حوالين الفم و باقى مساحة الوجه .

  – و فى طرق كتيرة للتخلص من الشعر و ازلته منها استعمال الكريمات الخاصة ب ازالة الشعر او عن طريق الشمعو الليزر او بالطرق التقليدية عند الكواقر و مراكز التجميل .

  – فوايد الكركم للبشرة :

1- التخلص من التجاعيد : الكركم له فايدة كبيرة جدا فى التخلص من التجاعيد لانه فعال جدا فى تقشير الجلد الميت من البشرة ، و بيساهم فى تجديد الخلايا .

وصفات الكركم لازالة الشعر الزائد من الوجه 2
وصفات الكركم لازالة الشعر الزائد من الوجه 2

2-   علاج احمرار البشرة و حب الشباب : بيحتوى الكركم على مضادات للالتهاباتو ده بيسهام فى قتل البكتيريا فبيقلل من احمرار بشرة الوجه و يمنع ظهور حب الشباب .

3- مفيد للبشرة الدهنية و الجافة : لان الكركم بينظم انتاج الغدد للمادة الزيتية اللى بتكون مسؤولة عن ترطيب البشرة و ممك بزيادة الافرازات تسبب البشرة الدهنية و بقلتها تهلى البشرة جافة .

4- تبييض البشرة : ممكن نعالج اسمرار البشرة عن طريق وصفات الكركم للبشرة و الوجه ، و كمان الكركم فعال فى ازالة الكلف و البقع الداكنة .

5- معالجة الحروق : الكركم من اهم املواد الطبيعية اللى ممكن نستخدمها فى معالجة الحروق السطحية بسبب دوره فى تجديد الخلايا بسرعة .

كركم الاكل؟ ولا كركم الجسم؟

بعد بحث يا بنات و صلنا ان فيه نوعين كركم واحد للاكل و واحد للجسم, للوصفات ممكن تستعملى الاتنين عادى بس هتحتاجى تغسلى وشك كذا مرة او تستعملى ماية ورد لو هتستعملى كركم الاكل و مش هيسيب اى لون, النوع التانى اسمه كركم الجسم “الآروماتيكا” و بيتباع عند العطار و مش بيسيب اى لون

وصفات الكركم لازالة الشعر الزائد من الوجه : 

–  الوصفة الاولى ماسك الكركم و المية :

وصفات الكركم لازالة الشعر الزائد من الوجه 3
وصفات الكركم لازالة الشعر الزائد من الوجه 3

امزجى ملعقتين من الكركم ” او الكمية المناسبة لكثافة الشعر” مع كمية مناسبة من المياة و قلبى كويس لحد ما يبقى المزيج كريمى، افردى الخليط ده على مساحة الوش كله و سيبيه لمدة 20 دقيقة و بعدين امسحيه بفوطة قطنية مبلولة بمياة باردة .

كررى الخطوة دى يوميا لحد ما يتم ازالة الشعر تماما.

– الوصفة الثانية وصفة الكركم و اللبن : 

وصفات الكركم لازالة الشعر الزائد من الوجه 4
وصفات الكركم لازالة الشعر الزائد من الوجه 4

اخلطى مقدار من الكركم مع مقدار اقل من اللبن و قلبى لحد ما يبقى المزيج متجانس ، دلكى وشك كله بالخليط ده و سيبيه لمدة 15 دقيقة و بعدين اشطفى وشك بمياة باردة ، كررى الخطوة دى عند الحاجة .

 – الوصفة الثالثة ماسك الكركم و البابايا : 

اهرسى ثمرة واحدة من البابايا مع نص ملعقة طعام من الكركم و امزجيهم كوييس ، افرد الخليط على الوجه و سيبيه لمدة 15 دقيقة و بعدين اشطفى وشك بمياة باردة ، كررى الخلطة دى مرة كل اسبوع و هتلاحظى الفرق بعد فترة قصيرة . 

وصفات الكركم لازالة الشعر الزائد من الوجه 5
وصفات الكركم لازالة الشعر الزائد من الوجه 5

– الوصفة الرابعة ماسك الكركم و دقيق الحمص : 

اخلطى مقادير متساوية من الكركم و دقيق الحمص ” هتلاقيه فى السوبر ماركت او عند العطار ” و ضيفي كمية صغيرة من المياة ، قلبى الخليط لحد ما يبقى شبه العجينة و سيبيه لحد ما ينشف تماما ، بعد كده افركيه عن وشك باستخدام فوطة مبللة و فى حركة دائرية .
” لو مقدرتيش تلاقى دقيق الحمص ، ممكن تستخدمى الوصفة الاولى بدل الوصفة دى . ”  

مقالات متعلقه

6 نصايح فعالة هتساعدك تتخلصي من اكتر المشاكل الجمالية المزعجة

6 نصايح فعالة هتساعدك تتخلصي من اكتر المشاكل الجمالية المزعجة

ازاي تعملي تفتيح “تشقير” شعر الوجه بطرق طبيعية

ازاي تعملي تفتيح “تشقير” شعر الوجه بطرق طبيعية

شمع الشوكولاتة لازالة الشعر: اعرفي فوايدة للبشرة وازاي تعمليه بنفسك في البيت

شمع الشوكولاتة لازالة الشعر: اعرفي فوايدة للبشرة وازاي تعمليه بنفسك في البيت