4 وصفات طبيعية لتغطية الشعر الابيض
دايما احنا البنات اول ما بنبص فى المراية ونلاقى ولو حتى شعرة بيضاء واحدة بنتضايق جدا و بنحاول نغطيها او نخفيها بأى طريقة ..
وكمان امهاتنا بيتضايقوا جدا لما شعرهم يبدأ يبيض او لما بيلاقوا انه الشعر الابيض بقى عدده اكتر من الشعر الاسود و انه اللون الابيض او الرمادى بقى هو اللون الغالب على شعرهم ، و فى الوقت البنات أو الستات بيلجأوا اما للصبغات اللى اوقات كتير بتبقى مضرة لشعرهم فى الوقت ده لانه مع تقدم السن بيبقى اضعف ، او للحنة اللى ممكن تكون متعبة فى غسيلها و مبتدومش لفترة طويلة فبيضطروا يكرروها مرات كتير فى فترة زمنيو قليلة ، علشان كده ” بنات حوا ” اهتموا انهم يدورا على حلول سهل تنفيذها للمشكلة دى .. فى المقال ده هنقدملكم 3 وصفات طبيعية و سهلة لتغطية الشعر الابيض ممكن يتنفذوا فى البيت بسهولة و بتكلفة قليلة جدا ..
ايه هى اسباب الشيب المبكر ؟
تعتبرالوراثة من اهم عوامل ظهور الشعر الابيض فى سن صغيرة او ” الشيب المبكر ” ، و كمان ساعات بيرتبط بالعوامل النفسية او انه يكون النظام الغذائى اليومى غير صحى ، و نقص بعض الفيتامينات فى الجسم ، كمان ممكن يرتبط ببعض الامراض الجلدية زى البهاق لكن السبب الاخير مش منتشر اوى .
و لكن لازم نعرف انه نتف الشعر الابيض القليل اللى ممكن يظهر او قصه مش علاج و بيعتبر غلط جدا لانه نتف الشع بيخلى بصيلة الشعرة تتقسم لاثنين فده هيخلى عدد الشعر اللى بيتحول لونه لابيض يتضاعف و بسرعة علشان كده اعرفى معانا شوية وصفات سهلة ممكن نعتبرها حل للمشكلة دى …
الوصفة الاولى : ماسك القهوة لتغطية الشعر الابيض
المكونات :
- حوالى نص كوباية من القهوة التقيلة .
- كوباية زبادى .
- ملعقة اكل من خل التفاح .
القهوة هتساعد انه شعرك البنى او الاسود يبقى اغمق و مع التكرار هيلون الشعر الابيض ، و خل التفاح هيفتح مسام فروة الراس و هيساعد المادة الملونة للشعر انها ترجع تمشى فى بصيلات الشعر علشان يكتسب لون الطبيعى .
– الطريقة :
امزجى كل المكونات مع بعضها و قلبها لحد ما الخليط يبقى ناعم و املس ، اغسلى شعرك بالشامبو العادى اللى بتستخدميه لكن ماتستخدميش بلسم ، و بعدين افردى الخليط على شعرك كله بصوابعك من جذور شعرك لحد الاطراف .
ف الخطوة الثانية غطى شعرك بغطاء الشعر او بكيس نايلون و سيبيه لمدة ساعة و نص ، بعد مرور الوقت اشطفى شعرك بمياة دافية و جففي شعرك .
– الوصفة الثانية : ماسك صوص الصويا
المقادير :
- مقدار نص كوباية من صوص الصويا .
- نص كوباية من خل التفاح .
الطريقة :
امزجى صوص الصويا مع خل التفاح و سيبيهم ، فى الاول اغسلى شعرك بالشامبو العادى اللى بتستخدميه ، و بعد الشامبو استخدمى الشامبو و اشطفى شعرك كويس .
فى الخطوة الثانية استخدمى مزيج صوص الصويا مع خل التقاح و افرديه على شعرك كله و لنتيجة افضل ممكن تجففى شعرك باستخدام السيشوار ، الوصفة دى حلوة جدا لتغطية الشعر الابيض بطريقة سهلة و سريعة .
الوصفة الثالثة : وصفة الكاكاو
مقدار كوباية من الشامبو اللى بتستخدميه .
- مقدار كوباية من الكاكاو المر ” الكاكاو الخالى من السكر ” .
الطريقة :
اخلطى الكاكاومع الشامبو كويس لحد ما يبقى المزيج متجانس و اغسلى شعرك بيه بالطريقة العادية و بعدين اشطفى شعرك .و بعد كده استخدمى البلسم الخاص بيكى و بعدين اشطفيه .
كررى استخدام الخليط ده كل مرة تغسلى شعرك لحد ما توصلى للنتيجحة اللى انتى عايزاها و بعد كده ممكن توقفى استخدام الوصفة دى و ترجعى لاستخدام الشامبو العادى .
” ممكن تجهزى كمية من الخليط ده و تحتفظى بيها للاستخدام بعد كده بدل ما تحضرى كمية صغيرة قبل كل استخدام . ”
