وصفات التخلص من ” قرحة البرد “
بما اننا فى الشتاء دلوقتى والجو ساقع بيخلينا بنتعرض كتير لنزلات البرد و الانفلونزا لدرجة اننا ممكن نطلع من دور برد ندخل فى دور جديد ، و من التوابع الاكيدة لادوار البرد والانفلونزا هي قرح البرد ، و تقريبا محدش فينا بتجبله مرة او مرتين فى الشتاء، و بتسببلنا مشاكل لانها دايما بتيجى فى منطقة الانف او على الشفايف و بيبقى شكلها مش لطيف ، خصوصا لو مضطرة تخرجى او عندك مناسبة او مشوار مهم وممكن تسبب ورم فى الشفتين ده غير انه بيبقى ليها الم مزعج جدا بالذات لو حبيتى تاكلى او تشربى حاجه سخنة او حاجه حادقة ، و مبنلاقيش ليها علاج سريع …
علشان كده فى الموضوع ده هنقدملك 3 علاجات منزلية مختلفة لقرحة البرد اللى هتخليكى تتخلصى منهم بسرعه و سهولة ….
1- علاج قرحة البرد بالثوم :
– بيعتبر الثوم علاج منزلى فعال جدا فى علاج قرحة البرد ، وممكن تستخدميه بطريقتين ،
الاولى : ممكن تهرسى فص من التوم و تدهنى بيه قرحة البرد و تسيبيه كام دقيقة .
– اما الطريقة الثانية :
ممكن تدهنى المنطقة المصابة بقرحة البرد بعصير الثوم الطازة ، ابشرى فصوص قليلة من الثوم و خدى المياة بتاعتهم و باستخدام قطنة حطى من مياة الثوم على المنطقة المصابة .كررى الخطوة دى اكتر من مرة قبل النوم على عدة ايام .
2- وصفة العسل الابيض و الخل:
علاج تانى فعال هو مزيج العسل الابيض و الخل، امزجى مقدارين متساويين من العسل الابيض و الخل ” و يفضل يكون العسل طبيعى و جديد ” و ادهنية على المنطقة المصابة ، سيبيه لمدة دقايق و بعدين اغسلى بمياة دافية ، وممكن تكررىا لوصفة دى اكتر من مرة .
3- وصفة الشاى :
حضرى مقدار كوباية من الشاى السخن ” و يفضل لو كان شاى اعشاب ” و حطى فيه ملعقة فاضية و سيبيها لما تسخن ، و بعدين حطى الملعقة السخنة من الشاى على المنطقة المصابة .
ممكن تحتاجى تكررى الطريقة دى اكتر من مرة ، لكنها فعالة جدا و كمان بتقضى على الالتهابات بسرعة .
