5 استخدامات وفوايد البيكنج صودا .. اكتشفيهم

البيكنج صودا مكون بنلاقيها داخلة في وصفات كتيرة مفيدة جدا لجسمنا و لجمالنا.. و ده لانه فوايدها و استخدامتها كتيرة, واحلي حاجة فيها إنها موجودة فى مطبخنا و ممكن نلاقيها بسهولة جدا وبسعر رخيص..

من فوايدها زي ماقلنا وصفات الجمال وكمان الوصفات الخاصة بالاهتمام بنظافة  البيت والعناية بيه ، و كمان بتعتبر مضاد جيد للالتهاب و بتدخل فى تكوين انواع كتيرة جدا من كريمات العناية و الاهتمام بالبشرة علشان كده حبينا فى المقال ده نقدملك 5 وصفات خاصة بجمالك والاهتمام بشعرك ، بشرتك و نظافة بيتك بسهولة و من غير اى تعب او تكلفة باستعمال البيكنج صودا.

يلا نتعرف مع بعض علي استخدامات و فوايد البيكنج صودا

1- استخدام البيكنج صودا فى العناية بالبشرة:

البيكنج صودا مفيدة جدا فى الاهتمام بالبشرة و ممكن تدخل فى وصفات كتيرة ، خصوصا انها فعالة جدا و بتعتبر علاج طبيعى للبشرة الجافة ، التهاب البشرة و علاج الحبوب ، و هنا هنقدملك وصفة بسيطة تقدرى تهتمى من خلالها ببشرتك ..

ممكن تضيفى البيكنج صودا لغسول الوش اللى بتستعمليه لتقشير الوش و ازالة الخلايا الميتة ، وممكن كمان تضيفيها لعصير الليمون علشان تستخدميها كمقر و منعم للركبتين و منطقة الكوع و كعب الرجلين .

و بالنسبة لوصفة حب الشباب فهتحتاجى المقادير دى : 

• كوباية مياة مغلية .
• ملعقة سكر .
• مقدار ملعقة شاى  بيكنج صودا .

 – الطريقة : 

امزجى المكونات دى مع بعضها بحيث انهم يدوبوا كويس فى المياة ، و بعيدن بلى قطنة بالخليط ده و اعصريها كويس و ادعكى بيها المناطق اللى فيها حبوب، و بعدين اغسلى وشك بمياة دافية و بعد ما تنشفى وشك ممكن تدهنى مناطق الحبوب بزيت السمسم علشان يلطف  و يرطب  المنطقة اللى قشرناها ، و بعد ساعة اغسلى وشك مرة تانية بس المرة دى بمياة دافية بس و من غير زيت السمسم .

2- استخدام البيكنج صودا لوشن للجسم : 

الوصفة دى هتساعدك كتير فى تنعيم الجسم و ازالة الخلايا الميتة ، دوبى من ملعقتين اكل من بيكنج صودا مع مقدار ملعقة اكل من الشاور جل اللى بتستخدميه ، واستخدمى المزيج ده على الجسم مع التدليك لمدة 10 دقايق ، ضاعفى الكمية حسب مساحة المنطقة اللى هتطبقى اللوشن عليها .

3- منظف للشعر :

 استخدام تانى للبيكنج صودا هو تطبيقها على الشعرلانها  بتدى نتيجة هايلة و كمان بتدى لمعان و مظهر حلو جدا لشعرك . ببساطة حطى ملعقة من البيكنج صودا فى ازازة الشامبو اللى بتستخدميه و اغسلى شعرك بيه بالطريقة العاديةو مع الاستخدام المتكرر هتلاحظى النتيجة ، وكمان ممكن تستخدمى البيكنج صودا فى الشامبو الجاف ، وعلشان تعرفى الطريقة شوفى موضوعنا عن ايه هو الشامبو الجاف و ازاى تعملى الشامبو الجاف فى البيت بنفسك.

4- تنظيف و تبييض الاسنان :

حطى مقدار قليل على فرشة الاسنان و اغسلى بيها اسنانك ، بالطريقة العادية ، كررى الطريقة دى مرة واحدة  او مرتين فى الاس ، وهتلاحظى فرق كبير فى نضافة اسنانك و كمان  الوصفة دى هتساعدك فى تبييض اسنانك و ازالة الجير و البقع .

5- لصحة الاظافر : 

استخدام تانى للبيكنج صودا ، تبييضها و باديها لمعان كمان و تخليها انضف لمدة اطول ، حطى مقدار قليل من البيكنج صودا على فرشة اسنان قديمة و ادعكى بيها ضوافرك كويس، و استخدمى نفس الطريقة لدعك اظافر رجليكى  و هتلاحظى الفرق مع الاستخدام .