30 تسريحة شعر للشعر الخفيف والطويل هتبين شعرك اتقل!

ريهام محمود
ريهام محمود
في
شعر
81471

بنات كتير عندهم مشكلة الشعر الخفيف ومش بيعرفوا يختاروا انسب التسريحات اللي تناسبهم او اللي ممكن تبين شعرهم شكله اتقل وبالذات اللي شعرهم طويل لان الشعر كل ما بيبقى اطول بيبان شكله اخف لكن المشكلة دي عندنا ليها حل في حيل وطرق كتير ممكن تعمليها تبين شعرك اتقل عشان كده احنا النهاردة جيبنالكم 30 تسريحة شعر للشعر الخفيف والطويل عشان تبينه اتقل.

تعالوا نشوف مع بعض بالصور 30 تسريحة شعر للشعر الخفيف والطويل:

1- فرق الشعرمن الجنب:

اول تسريحة هتخلي فرق الشعر من الجنب اوي مش من النص زي ما هو باين في الصورة كده لان الطريقة دي بتخلي الشعر يبان اتقل ورشي على شعرك اسبراي تضخيم الشعر “Volumizing Spray” او موس لانهم بيدوا حجم اكبر للشعر والتسريحة دي تمشي اوي مع الوش المربع .

تسريحة شعر للشعر الخفيف والطويل 1
تسريحة شعر للشعر الخفيف والطويل 1

2- الضفيرة الجانبية:

الضفيرة الجانبية او الضفيرة الفرنسية بتكون في جنب واحد بس من الشعر التسريحة دي بتدي الشعر شكل اتقل.

تسريحة شعر للشعر الخفيف والطويل 2
تسريحة شعر للشعر الخفيف والطويل 2

3- الكحكة:

لو انتي مش حابة تسيبي شعرك وعايزة تلمية ممكن تسحبيه كله لورا وتعملي تسريحة الكحكة بس خليها مرخية يعني متشديش الشعر اوي عشان الكحكة يطلع شكلها حلو وناعم وتبان منفوشة وتبين الشعر تقيل.

تسريحة شعر للشعر الخفيف والطويل 3
تسريحة شعر للشعر الخفيف والطويل 3

4- رفع جزء من الشعر:

التسريحة دي هترفعي فيها جزء من الشعر بطريقة ناعمة من غير ما تشديه يعني تاخدي طريقة ربع الشعر ترفعيه وتخلي باقي الشعر سايب.

تسريحة شعر للشعر الخفيف والطويل 4
تسريحة شعر للشعر الخفيف والطويل 4

5- ديل الحصان الجانبي:

تسريحة ديل الحصان الجانبية من التسريحات الحلوة اوي اللي بتدي سمك للشعر والتسريحة دي تبقى تحفة على الوش البيضاوي.

تسريحة شعر للشعر الخفيف والطويل 5
تسريحة شعر للشعر الخفيف والطويل 5

6- تمويج الشعر:

تمويج الشعر بشكل خفيف اللي هو بين الشعر الستريت والكيرلي من التسريحات اللي بتدي سمك وتقل للشعر وبتدي شكل حلو اوي للشعر.

تسريحة شعر للشعر الخفيف والطويل 6
تسريحة شعر للشعر الخفيف والطويل 6

7- تسريحة نافورة الشوكولاتة:

تسريحة نافورة الشوكولاتة او القصة المدرجة للشعر التسريحة دي من احلى وافضل التسريحات اللي ممكن تدي سمك للشعر وفي نفس الوقت شكلها حلو جدا.

تسريحة شعر للشعر الخفيف والطويل 7
تسريحة شعر للشعر الخفيف والطويل 7

8- تسريحة العقدة الفرنسية:

لو حابة ترفعي شعرك كله انسب تسريحة تبين شعرك اتقل هي تسريحة العقدة الفرنسية وفي نفس الوقت التسريحة شكلها انيق جدا وتنفع اوي للعروسة او للمناسبات.

تسريحة شعر للشعر الخفيف والطويل 8
تسريحة شعر للشعر الخفيف والطويل 8

9- التسريحة المنفوخة:

التسريحة دي بسيطة اوي وشكلها حلو وبتدي سمك للشعر بتلمي جوانب الشعر من الناحيتين وتسيبي الجزء اللي فوق من الشعر ينزل عليه على شكل ديل حصان سايب والجزء اللي قدام من الشعر ترفعيه فوق شوية.

تسريحة شعر للشعر الخفيف والطويل 9
تسريحة شعر للشعر الخفيف والطويل 9

10- تدوير الشعر:

قصة الشعر المدورة اللي بتبقى درجات من الجناب وطول واحد من ورا بتبين الشعر اتقل وكمان بتدور الوش يعني تمشي اوي للوش الطويل.

تسريحة شعر للشعر الخفيف والطويل 10
تسريحة شعر للشعر الخفيف والطويل 10

11- الشعر الاومبري المموج:

تمويجة الشعر مع تدرج الوان الاومبري بتدي سمك للشعر لان اللون الغامق على جذور الشعر بيديه عمق وبيخليه يبان اتقل والتسريحة دي من التسريحات اللي تنفع للخروج اليومي والمناسبات.

تسريحة شعر للشعر الخفيف والطويل 11
تسريحة شعر للشعر الخفيف والطويل 11

12- تسريحة الكيرلي الجانبية:

التسريحة دي بتدي تقل وسمك للشعر اوي لان الكيرلي طبيعي بيخلي الشعر يبان بحجم اكبر وكمان من جنب واحد هيخليه يبان اتقل.

تسريحة شعر للشعر الخفيف والطويل 12
تسريحة شعر للشعر الخفيف والطويل 12

13- تمويج الشعر بشكل قوي:

التمويج طبيعي طبعا بيدي سمك للشعر وبيديه حجم اكبر من الشعر الستريت او المفرود.

تسريحة شعر للشعر الخفيف والطويل 13
تسريحة شعر للشعر الخفيف والطويل 13

14- تجعيد الشعر من الجانبين:

بالنسبة للي وشهم مدور وبيخافوا يعملوا تجعيد في الشعر عشان ميزودش حجم الوش التسريحة دي هتبقى مناسبة اوي ليهم هي تجعيد او تمويج الشعر من الجانبين من تحت منطقة الخد التسريحة دي بتدي سمك للشعر وتنفع للوش المدور عشان التجعيد باديء من تحت منطقة الخد على مستوى الدقن فمش هتخن الوش زيادة.

تسريحة شعر للشعر الخفيف والطويل 14
تسريحة شعر للشعر الخفيف والطويل 14

15- ديل الحصان المنخفض:

تسريحة ديل الحصان دي مختلفة شوية لان الشعر معمول بشكل مش مترتب اوفوضوي شوية لان الطريقة دي بتدي سمك للشعر والتسريحة دي تنفع اوي للمناسبات.

تسريحة شعر للشعر الخفيف والطويل 15
تسريحة شعر للشعر الخفيف والطويل 15

16- الكيرلي المتقطع:

التسريحة دي من التسريحات اللي طالعة موضة جدا بقالها فترة وبتدي تقل للشعر مع تدريج الشعر اومبري كمان بيطلع شكلها حلو اوي.

تسريحة شعر للشعر الخفيف والطويل 16
تسريحة شعر للشعر الخفيف والطويل 16

17- تسريحة كيرلي مع اكسسوار للشعر:

الاكسسوارات من الاضافات اللي بتدي حجم اكبر للشعر لو رايحة مناسبة او فرح مثلا دي من التسريحات المناسبة اوي مع اكسسوار سوارية.

تسريحة شعر للشعر الخفيف والطويل 17
تسريحة شعر للشعر الخفيف والطويل 17

18- قصة الشعر بزاوية:

في التسريحة دي الشعر بيكون مقصوص بميل او بزاوية شوية وده بيدي سمك للشعر خصوصا في الجزء اللي ورا من الشعر بيبان بحجم اكبر.

تسريحة شعر للشعر الخفيف والطويل 18
تسريحة شعر للشعر الخفيف والطويل 18

19- تسريحة التاج المضفر:

طريقة للشعر الملموم غير الكحكة وديل الحصان هي تسريحة الضفاير على ورا بتدي حجم للشعر وشكلها بيبقى حلو جدا والتسريحة دي تنفع للمناسبات والافراح او للمناسبات الرسمية لان التسريحة كلاسيكية شوية مش مودرن.

تسريحة شعر للشعر الخفيف والطويل 19
تسريحة شعر للشعر الخفيف والطويل 19

20- الضفيرة مع ديل الحصان:

تسريحة الشعر دي بتجمع ما بين الضفيرة وديل الحصان في الشعر من قدام معمول ضفيرة وبعدين داخلة مع ديل الحصان من ورا مع نفخ الشعر شوية من الجزء اللي فوق ديل الحصان عشان يدي حجم اكبر للشعر.

تسريحة شعر للشعر الخفيف والطويل 20
تسريحة شعر للشعر الخفيف والطويل 20

21- التجعيد الخفيف للشعر مع الاومبري:

تجعيد الشعر على خفيف مع تدريج الشعر الاومبري عشان تديه اكبر حجم والاومبري مناسب اوي للشعر الخفيف غير انه بيدي عمق وتقل للشعر كمان بيكون اخف على الشعر من الصبغة الكاملة لان تدريج اللون مش بيكون على الشعر كله بيبقى على مناطق معينة بس وبالتالي مش هيجهده اوي او يخليه يخف زيادة.

تسريحة شعر للشعر الخفيف والطويل 21
تسريحة شعر للشعر الخفيف والطويل 21

22- هايلايت الشعر:

تمويج الشعر مع الهايلايت من الطرق اللي بتدي سمك وتقل للشعر.

تسريحة شعر للشعر الخفيف والطويل 22
تسريحة شعر للشعر الخفيف والطويل 22

23- الاومبري القوي:

تلوين الشعر بلون افتح اوي من لون الشعر الاصلي بتبقى الجذور غامقة ومن نص الشعر لون اشقر.

تسريحة شعر للشعر الخفيف والطويل 23
تسريحة شعر للشعر الخفيف والطويل 23

24- تمويج كلاسيكي:

التسريحة دي كلاسيكية لما نشوفها تلاقينا بنفتكر الافلام الكلاسيكية القديمة دايما كانوا بيظهروا بالتسريحة دي في الاربعينات كده رجعت موضة تاني اوي الايام دي هي من التسريحات الحلوة اللي بتدي سمك اكبر للشعر وندخل معاها تدريج الشعر عشان يدينا نتيجة احسن.

تسريحة شعر للشعر الخفيف والطويل 24
تسريحة شعر للشعر الخفيف والطويل 24

25- طريقة الالوان المتعددة اوTechnicolor:

الطريقة دي جريئة شوية ومختلفة للي بيحبوا يتميزوا ويعملوا حاجة مختلفة هي طريقة داخل فيها مجموعة تدرجات الوان كتير مع بعض وده بيدي تأثير اتقل للشعر لانه الالوان بتأثر في شكل الشعر مع القصة او التسريحة.

تسريحة شعر للشعر الخفيف والطويل 25
تسريحة شعر للشعر الخفيف والطويل 25

26- تسريحة الضفيرة الشلال:

التسريحة دي من التسريحات الحلوة اوي اللي بتدي سمك وشكل حلو للشعر لو انتي مش عايزة تعملي شعرك كيرلي او تعمليه مموج  التسريحة دي هتكون مناسبة اوي ليكي لانها بتبقى مع الشعر الاملس او الستريت مع خصل شعر تحت بعضها متجمعة مع بعض في ضفيرة عشان كده اسمها الضفيرة الشلال.

تسريحة شعر للشعر الخفيف والطويل 26
تسريحة شعر للشعر الخفيف والطويل 26

27- كيرلي مع رفع جزء من الشعر:

الشعر الكيرلي زي ما قولنا بيدي سمك للشعر بس هنا في اضافة تانية عليه وهي رفع جزء من الشعرعلى فوق بطريقة منفوشة شوية زي الطريقة اللي قولنا عليها قبل كده ناخد ربع الشعر نرفعه لفوق بس كانت مع الشعر العادي او الاملس لكن دي مع الشعر الكيرلي.

تسريحة شعر للشعر الخفيف والطويل 27
تسريحة شعر للشعر الخفيف والطويل 27

28- تسريحة الضفيرتين:

التسريحة دي عبارة عن ضفيرتين ضفيرة فوق وجاية على جنب ومعاها ضفيرة تانية جانبية والطريقة دي غير انها بتدي سمك للشعر كمان بتعرض الوش يعني مناسبة اوي للوش الطويل.

تسريحة شعر للشعر الخفيف والطويل 28
تسريحة شعر للشعر الخفيف والطويل 28

29- الضفيرة النص دايرة:

الضفيرة النص دايرة او الملفوفة على الشعر من ورا من التسريحات السهلة والسريعة جدا للشعر الاملس او الاستريت.

تسريحة شعر للشعر الخفيف والطويل 29
تسريحة شعر للشعر الخفيف والطويل 29

30- تدريج الشعر:

تدريج الشعر اللي بيكون الشعر فيه طبقات فوق بعض من قصات الشعر اللي مش بتبطل ومن اكتر القصات اللي بتدي سمك وحجم اكبر للشعر وتنفع للشعر الطويل والقصير.

تسريحة شعر للشعر الخفيف والطويل 30
تسريحة شعر للشعر الخفيف والطويل 30

في النهاية مع تسريحات الشعر مننساش نهتم ونعتني بشعرنا كويس عشان دايما يكون حلو وصحي وتطلع عليه التسريحة او القصة حلوة وتظهر جماله.

مقالات متعلقه

ازاي تعملي Plopping للشعر للحصول على كيرلي مثالي من غير حرارة

ازاي تعملي Plopping للشعر للحصول على كيرلي مثالي من غير حرارة

ستايلات الشعر المثالية لشكل انفك

ستايلات الشعر المثالية لشكل انفك

تسريحات للشعر الكيرلي باستخدام السكارف

تسريحات للشعر الكيرلي باستخدام السكارف