افضل ماركات الكونتور واسعارها
الكونتور أو فن نحت الوجه.. اتكلمنا عليه قبل كده بالتفصيل وإزاي ممكن تعملي الكونتور لنفسك في البيت وعرفنا ايه هى الخطوات العامة و الادوات اللي محتجاها عشان تعمليه.. كمان قلنا إن الكونتور رسمته والتكنيك بتاعه ببيختلف من شكل وش للتاني و اتعرفنا علي رسمة الكونتور لكل شكل وش , النهرده حابين نقدملكم ايه هي افضل الماركات اللي بتنتج الكونتور وسعر كل ماركة فيهم.
نقطة مهمة حابين نوضحها إن معظم الماركات اللي بتنتج الكونتور دلوقتي ماركات عالمية كبيرة عشان كده اسعاره عالية ومش هنلاقيه متوفر بسهوله موجود بس في محلات بيع المكياج المتخصصة أو الصيدليات الكبيرة.. ولحد دلوقتي الماركات اللي سعرها معقول لسه منزلتش منتجات الكونتور.
عشان كده حابين نوضح إننا ممكن نبدل باليت الكونتور بمنتجات سعرها في متناول اليد زي إننا نبدل اللون الغامق للكونتور بكريم أساس أو كونسيلر أغمق من لون بشرتنا بدرجتين والهايلايت ممكن نستعمل كريم أساس أو كونسيلر افتح من بشرتنا بدرجتين.
اتعرفي علي ماركات واسعار الكونتور
– كونتور سيفورا SEPHORA Contouring 101 Face Palette
باليت سيفورا مكونة من 5 درجات للكونتور وممكن تمزجي مابينهم عشان توصلي للدرجة اللي إنت عايزها.
– كونتور ماك M.A.C
كونتور ماك بيجي في باليت فيها 6 درجات مناسب لكل أنواع البشرة, عبارة عن بودر بيصحح لون البشرة وسهل الاستخدام وبيدوم فترات طويلة.
– كونتور انستازيا Anastasia Beverly Hills Contour Cream Kit
كونتور انستازيا الكريمي وده مفضل لمعظم خبراء المكياج, البشرة بتشربه بسهوله جدا وسهل توزيعة جدا.. بالنسبة للبنات أصحاب البشرة الدهنية ممكن بردو يجربوا من انستازيا الكونتور البودر.
كونتور انستازيا Anastasia Beverly Hills Contour Cream Kit
– كونتور سماش بوكس Smashbox Step by Step Contour Kit
لو إنتي من المبدتئين يبقي سماش بوكس ممتازة بالنسبة ليكي, 3 ألوان واضحين للكونتور, الهايلايت والبرونز. وكمان بيجي معاها فرشة الكونتور المخصوصة.
كونتور سماش بوكس Smashbox Step by Step Contour Kit
– كونتور فوريفر 52 Forever52 4 color contouring palette
منتج الماني نزل في منطقة الخليج وبأسعار منافسة جدا للمنتجات التانية, خصوصا انه إن جودته ممتازة وبيثبت والوانه ال 4 مناسبة لكل درجات البشرة خصوصا إنك تقدري تمزجي بين الدرجة بسهولة.
كونتور فوريفر 52 Forever52 4 color contouring palette
– كونتور توم فورد Tom Ford Shade & Illuminate
واحد من اجود وافخم أنواع الكونتور مقدم من توم فورد صبغته قوية قوي عشان كده خليكي حريصة في استعماله ولمسات خفيفة هتديكي التأثير المطلوب.
– كونتور ماكيوب فوريفر MAKE UP FOR EVER SCULPTING KIT
ادوات النحت والكونتور من ماكيوب فوريفر بتيجي بلونين وعبارة عن حبيبات بودر صغيرة جدا سهله التطبيق والمزج ومناسبة لكل أنواع البشرة ومتوفرة بدرجات لكل ألوان البشرة.
– كونتور ماكيوب فوريفر MAKE UP FOR EVER Pro Sculpting Palette
بيتميز انه بيقدم الكونتور, الهيلايت ومعاهم كمان بالاشر وملمع للبشرة, نوعه كريمي وسهل المزج علي البشرة وطبعا سهل إنك تشيله معاكي في أي مكان لانه مجمع كل اللي متحجاه في علبة واحدة.
– ستلا كاستم كونتور Stila Shape & Shade Custom Contour Duo
كونتور كريمي مت أو غير لامع Matt من ستلا ومع ذلك ليه تأثير نضر للبشرة, منتج بحيث إن الجلد بيتشربه تماما وبيبان طبيعي وكانه لون البشرة الطبيعي.
ستلا كاستم كونتور Stila Shape & Shade Custom Contour Duo
– ايفوريا باليت ايشادو وكونتور Euphoria palette bare – Eyeshades and Contouring
باليت All in one من افوريا فيها كل درجات الكونتور عبارة عن 6 ألوان ايشادو, لون كونتور غامق, هايلايت فاتح ومعاهم روجاجو كلهم مع بعض في علبة واحدة.
ايفوريا باليت ايشادو وكونتور Euphoria palette bare – Eyeshades and Contouring
ماركات واسعار كريم ال BB و كريم ال CC
شوفي كمان ماركات كريم الاساس والبودر والكونسيلر
