وصفات نمو الشعر بمكونات بسيطة من مطبخك !

آية حسان
آية حسان
في
شعر
15739

مفيش بنت فينا مبتهتمش بشعرها و بتحرص على نضافته و جماله و بتدور على طرق نمو الشعر وسلامته ، و بتحاول طول الوقت تدور على مظهره و شكله الحلو و بتدور على صحته و قوته ، و بنجرب كتير علاجات و وصفات علشان يبقى شعرنا طويل و صحى ، لكن كمان مفيش بنت فينا مبتعانيش فى فترة من فترات حياتها من تساقط اشعر و انه فى اماكن فى فروة الرأس بتفضى او كثافة الشعر فيها بتقل ، بس ماتقلقيش” بنات حوا ” جابتلك الحل ، هنا فى الموضوع ده هتلاقى 3 وصفات سهلين و مختلفين يضمنولك كثافة و نمو لشعرك و بمكونات من مطبخك من غير اى تكلفة او مجهود باستخدام المكونات المناسبة ، علشان كده لو حابة توصلى لنتائج مذهلة بخصوص اعادة نمو الشعر ، ال3 وصفات دول هيدوكى نتايج ممتازة.

– وصفة نمو الشعر باستخدام عصير البصل:  

ممكن يكون البصل ريحته مزعجه ، لكنه فعال جدا فى اعادة نمو الشعر و زيادة كثافته ، لانه عصير البصل هيساعدك فى التقليل من تساقط لشعر و بيسهل عملية اعادة النمو و عشان تحصلى على نتايج افضل استخدمى البصل الاحمر .

الطريقة :

  • هتحتاجى  تقريبا 3 او 4 بصلات .
  • قشرى البصل و ابشريه .
  • اعصرى مبشور البصل بايدك او صفيه علشان تحصلى على عصير البصل .
  • بعد كده دلكى فروة راسك بعصير البصل ، سيبيه لمدة ساعه و بعدين اغسلى شعرك بمياة دافية و شامبو مرطب .

– طريقة ثانية لاستخدام البصل : 

  • هاتى 4 او 5 بصلات ، و حطيهم فى مقدار مناسب من المياة المغلية ، و  بعدين سيبي البصل يغلى لمدة 5 دقايق .
  •  سيبيى الخليط يبرد ، و بعدين صفى المياة من البصل و اشطفى بيها شعرك كله و بعد كده استخدمى البلسم على شعرك .

– الوصفة الثانية عصير البطاطس : 

البطاطس كمان من اكتر المواد المفيدة للشع  لانها غنية بفيتامينات مهمة زى فيتامين ” أ ” بيخلى الشعر جاف و ضعيف و بالتالى بيبقو فيتامين ” ب ” و فيتامين ” سى ” اللى بيخسر الجسم منهم كتير مع الوقت ، و ده بيخليه سهل التساقط .

الطريقة : 

  • قشرى من 3 ل 4 حبات بطاطس متوسطين الحجم ، ابشريهم و خدى المياة او العصير بتاعهم و دلكى بيه فروة الرأس لمدة 15 دقيقة على الاقل.
  • اشطفى شعرك بمياة دافيه

 الوصفة الثالثة :  وصفة نمو الشعر باستخدام البيض :

البيض معروف انه غنى جدا بالبروتين علشان كده استخدامه للشعر بيوفر نسبة اكبر من البروتين اللى بيضمن شعر كثافته اعلى عند النمو .

الطريقة : 

  • دلكى حوالى حبة او 2 من البيض النئ على فروة راسك
  • اتركى البيض على فروة الرأس لحوالى ساعه، و غطيه كويس بغطاء رأس او كيس من النايلون.
  • بعد مرور الوقت المحدد، اغسلى شعرك بشامبو كويس و بعدين استخدمى البلسم المناسب .

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت