رسمة الحواجب المناسبة لشكل كل الوش

بقلمآية حسان فيجمال ومكياج visibility56004

الحواجب اساسية جدا فى جمال و شكل الوش ، كلنا بنهتم بيها و بنعتبرها جزء اساسى جدا من اللوك بتاعنا و من جمالنا ، لانها من اهم الحاجات اللى بتلفت النظر لينا و كمان بتبرز جمال الوجه و العيون.

بس كتيرمننا بيقع فى غلطة اننا لما بنيجى نظبط حواجبنا مبنخترش الشكل او السمك اللى يتناسب مع شكل وشنا كله ، فبنحسها مش مناسبة و ممكن نحس شكل الوش بيبقى غريب ، علشان كده مهم جدا تحددى نوع و شكل وشك قبل ما تختارى شكل الحاجب المناسب ليها ، و ده اللى هتقدمهولك ” بنات حوا ” فى الموضوع ده ، هنا هتعرفى شكل ورسمة الحواجب المناسبة لشكل كل الوش.

لو مش عارفة شكل وشك شوفي الموضوع ده ايه هي أشكال الوشوش المختلفة؟ وإزاي أعرف شكل وشي؟

رسمة الحواجب المناسبة لشكل كل الوش
رسمة الحواجب المناسبة لشكل كل الوش

1- شكل الحواجب المناسب للوش المدور: 

لو وشك شكله دائرى ، يبقى افضل رسمة حواجب ليكى هى الى زاويتها عالية شوية من عند النص تقريبا، علشان الرسمة دى بتبرز عضمة الحاجب و بتدى مساحة اكبر فوق عيونك فبتبينها اوسع. 

الوجه الدائرى
الوجه الدائرى

2- شكل الحواجب المناسب للوش المربع : 

لو وشك من النوع المربع يبقى انسب شكل حواجب ليكى هى الحواجب المدورة بس بسيط ، لكن خدى بالك انه زاوية الحاجب متبقاش حادة يعنى زى ما يكون الحاجب مقسوم ، التدويرة البسيطة دى بتدى نوع من التناسق لشكل وشك و بتقلل من الحدة الى فيه بسبب شكله المربع .

الوجه المربع
الوجه المربع

3- شكل الحواجب المناسب للوش البيضاوى : 

لو وشك بيضاوى ، اختارى شكل الحواجب الكلاسيكى اللى فيها قوس بسيط كده ويفضل إنها تكون سميكة عشان تعمل توازن في شكل الوش.

الوجه البيضاوى
الوجه البيضاوى

4- شكل الحواجب المناسب للوش الطويل : 

لكسر حدة و طول شكل وشك خلى حواجبك قصيرة شوية عند نهايتها ، متخليهاش ممدودة للأخر مع كسرة بسيطة عند آخر الحاجب .

الوجه الطويل
الوجه الطويل

5- شكل الحواجب المناسب للوش القلب : 

اصحاب شكل الوش القلب عندهم خيارات كتيرة و واسعة لرسمة الحواجب اللى يحبوها ، لانه شكل الوش ده بيتناسب معاه اكتر من رسمة حاجب ، بس المهم خلى حواجبك سميكة او عريضة نوعا ما, من أكتر الروسمات اللي بتليق عليهم هي الدايرة البسيطة الناعمة ده بيقلل شوية من حجم القورة العريضة.

الوجه القلب
الوجه القلب

6- شكل الحواجب المناسب للوش المثلث او الماسى : 

زى شكل الوش الطويل بالضبط ، الوش الماسى او الوش على شكل مثلث بيحتاج حواجب مستقيمة قصيرة شوية عند الآخر مع كسرة ببسيطة .

شكل الوش المثلث او الماسى
شكل الوش المثلث او الماسى

شوفي كمان 10 حيل واسرار في رسم الحواجب لازم تكوني عرفاهم !

10 حيل واسرار في رسم الحواجب لازم تكوني عرفاهم !
10 حيل واسرار في رسم الحواجب لازم تكوني عرفاهم !