إزاي تعتني ببشرتك فى الشتاء؟
فى الشتاء بشرتنا بتتعرض لانواع كتير من الحاجات اللى ممكن تسبب اضرار كبيرة ، خصوصا فى الايام اللى البرد فيها بيزيد زى التهابات البشرة ، التشققات او خشونة البشرة و جفافها ، فى المقال ده هتلاقى ملف كامل للعناية ببشترك فى الشتاء ..
لكن فى الاول لازم تحددى نوع بشرتك علشان تقدرى تحددى الوصفات الافضل ليها و انسب الطرق للعناية بيها …
ازاى تتعرفى على نوع بشرتك :
تقدرى تتعرفى على نوع بشرتك بسهوله بانك تغسلى رقبتك و وشك كويس جدا و تتخلصى من اى آثار للماكياج على وشك ، وبعدين تقفى قدام المراية فى ضوء النهار الطبيعى ، و عن طريق ملاحظة حاجات معينة تقدرى تحددى لون بشرتك :
1- البشرة الطبيعية / العادية :
لو بشرتك من النوع العادى هتحسيها ناعمة و رطبة الى حد ما بحيث انها بتكون لا شديدة الرطوبة ولا شديدة الافرازات ، و غالبا بتكون خالية من الشوائب و العيوب .
2- البشرة الدهنية :
هى البشرة اللى بتكون معظم الوقت فيها لمعة و ليها ملمس زيتى ، و غالبا بتلاقى عليها حبوب او بقع .
3- البشرة المختلطة :
هى البشرة اللى بتبجمع بين خصائص البشرة الجافة و البشرة الدهنية ، فبتكون بعض المناطق جافة زى الخدين ، ومناطق اخرى دهنية زى منطقة الذقن و حول الانف
4- البشرة الجافة :
هى البشرة اللى بتكون نسبة الزيوت و الدهون فيها قليلة جدا بعكس البشرة الدهنية ، علشان كده ملمسها دايما جاف و بتكون بشرة رقيقة جدا وده اللى بيعرضها انها بتكون الحبوب و البثور بسهولة و كمان بتتعرض للتقشير ، و ملمسها بيكون خشن و خاصة فى الشتاء اكتر من الصيف .
أهم وصفات و خلطات العناية بالبشرة :
1- البشرة الجافة :
للتنظيف : ممكن تستتخدمى زيت المشمش كمنظف للبشرة ، بللى قطنة بزيت المشمش و دلكى بيها الوجه قبل النوم.
للحصول على بشرة نضرة : استخدى قناع العسل بالخميرة ، امزجى ملعقة من العسل الابيض ، ملعقة من الحليب و قرصين خميرة ” تقدرى تلاقى اقراص لاخميرة فى الصيدليه “، امزجى ال مكونات مع بعضها و افردى الخليط على وشك و سيبيه لمدة 15 دقيقة بس بعيد عن منطقة العيين ، بعد مرور الوقت اغسلى وشك بمياة دافية .
للترطيب : استخدمى زيت الزيتون بنفس طريقة استخدام زيت المشمش .
2- البشرة الدهنية :
للتنظيف : استخدمى حليب اللوز لتنظيف بشرتك ، بللى قطنة بحليب اللوز و امسحى بيها وشك و رقبتك قبل النوم على اللون .
للحصول على بشرة نضرة : امزجى ملعقة كبيرة من اللوز المطحون مع ملعقة صغيرة من الليمون و بياض بيضة ، افردى الخليط على بشرتك المببلة لحد ما ينشف و بعدين اغسليها بمياة دافية .
للترطيب : امزجى ربع كوباية من الحليب مع ملعقتين من زيت الزيتون وملعقتين من الليمون ، باستخدام قطنة و زعى الخليط على بشرتك
العناية بالبشرة فى الشتاء
3- البشرة المختلطة :
للتنظيف : امزجى ملعقتين من ماء الورد مع ملعقة من العسل الابيض و مقدار مناسب من ماء البصل ن افردى لخليط على بشرتك باستخدام قطنة و سيبيه لمدة 20 دقيقة بعد مرور الوقت اشطفى بشرتك بماء دافئ ننزوج بماء الورد .
للحصول على بشرة نضرة : امزجى ملعقة كبيرة من الطحينة مع ملعقة كبيرة من ماء الورد و ملعقة صغيرة من زيت اللوز و نقطتبن من الليمون ، اخلطى المكونات و افردى المزيج على بشرتك و سيبيه لمدة 10 دقائق و بعدين اغسلى وشك بمياه دافئة .
للترطيب : اخلطى ثمرتين موز مهروسين مع ملعقة من اللبن البودرة و ملعقة من العسل الابيض و مقدار قليل من المياه ، ادهنى بشرتك بالخليط و سيبيه لمدة 10 دقائق و بعدين اغسلى بشرتك بمياه دافئة .
4- البشرة العادية :
للتنظيف : امزجى بيضة مع نص ملعقة صغيرة عصير ليمون و 2 ملعقة كبيرة كبيرة نخالة دقيق ( ردة ) .
اخلطى المكونات دى مع بعضها لحد ما تبقى عجينة ، و بعدين افرديها على وشك و سيبيها لمدة 15 دقيقة ، بعد مرور الوقت اغسلى وشك بالمياة الفاتر
للترطيب : اخلطي كوباية من الزبادي مع ملعقة من عصير البرتقال وملعقة من عصير الليمون. استخدمي الخليط على بشرة الوجه لمدة 5 دقائق، و بعدين اشطفى وشك كويس. الخلطة دى هى الأنسب للبشرة العادية .
للحصول على بشرة نضرة : استخدمى قناع اللوز مع زيت الزيتون ، امزجى 5 حبات لوز مطحونين مع مقدار مناسب من زيت الزيتون او زيت السمسم ، افردى الماسك على وشك و سيبيه لمدة 15 دقيقة و بعدين اشطفى وشك بالمياة الدافية .